పిప్పి పన్ను నొప్పికి పరిష్కారం మార్గం నవీన్ సలహాలు

పిప్పి పళ్ళు నొప్పి నివారణ కు నవీన్ నడిమింటి సలహాలు - Cavities (Dental Caries) 

• పిప్పి పళ్ళు  అనేవి పంటి నిర్మాణంలో అధికంగా ఖనిజాలు చేరడం వలన (remineralisation)  లేదా ఖనిజాలు పళ్ళ నుంచి వెరైపోవడం వలన (demineralisation) కానీ దంతములో ఏర్పడే ఖాళీ స్థలాలు. పిప్పి పళ్ళు అనేవి సూక్ష్మక్రిముల వలన, చక్కెరవలన ఏ వయస్సులో సంభవించే ఒక పంటి సమస్య.

పిప్పి పళ్ళు, పాలు పళ్ళ (ప్రాధమిక దంతాలు) మరియు శాశ్వత దంతాలు (ద్వితీయ దంతాలు) రెండింటిలోనూ సంభవించవచ్చు, ఫలితంగా పంటి ఆకృతికి నష్టం జరుగుతుంది.

ప్రపంచ జనాభాలో 32% మంది పిప్పళ్ళచే ప్రభావితమవుతున్నారు, ఇది సాధారణ జలుబు తర్వాత రెండవ స్థానంలో ఉన్న వ్యాధి.

దాని సంకేతాలు మరియు లక్షణాలు ఏమిటి?

పిప్పి పళ్ళు యొక్క సంకేతాలు మరియు లక్షణాలు ఈ క్రింది విధంగా ఉంటాయి:

ప్రారంభ లక్షణాలు వీటిని కలిగి ఉంటాయి

• వేడి మరియు చల్లని ఆహారాలకు సున్నితత్వం
• నములుతున్నపుడు నొప్పి లేదా అసౌకర్యం
• పంటి రంగు మారిపోవడం

తర్వాతి లక్షణాలు ఉన్నాయి

• చిగుళ్ళ వాపు
• నిరంతరమైన భరించలేని నొప్పి
• రాత్రి సమయంలో నొప్పి
• విరిగిపోయే దంతాలు

కొన్నిసార్లు, నొప్పి కూడా ఉండదు మరియు దంత వైద్యుడు పళ్ళలో పుచ్చుని కనుగొన్నప్పుడు వ్యక్తి ఆశ్చర్యపోవచ్చు.

దీని ప్రధాన కారణాలు ఏమిటి?

సుక్రోజ్, ఇతర చక్కెరలు మరియు శుద్ధిచేసిన పిండులతో పాటు దంతాలకి అంటిపెట్టుకుని ఉండే నోటిలోని బాక్టీరియా వల్ల పిప్పి పళ్ళు ఏర్పడతాయి. ఈ బ్యాక్టీరియా ఆమ్లాన్ని (acid) ఉత్పత్తి పంటి ఎనామెల్ ను హరిస్తుంది, ఎనామెల్ అనేది పంటి యొక్క బలమైన పొర.

స్ట్రెప్టోకోకస్ మ్యుటాన్స్ (Streptococcus mutans) మరియు స్ట్రెప్టోకాకస్ సోబ్రినస్ (Streptococcus sobrinus) పిప్పిపళ్లకు కారణమైయ్యే ప్రధాన బాక్టీరియా.

నిద్రవేళలో చక్కెర అధికంగా ఉన్న పాలును శిశువుకు పట్టిస్తే నర్సింగ్ బాటిల్ పిప్పిపళ్లు  (Nursing bottle caries) సంభవిస్తాయి.

ఎలా నిర్ధారిస్తారు మరియు చికిత్స ఏమిటి?

• దంతవైద్యులు మొదట వైద్య పరికరాలతో నోటిని పరిశీలిస్తారు, పరిశీలన చేసి మరియు స్పర్శించడం ద్వారా పరీక్షిస్తారు.
• అవసరమైతే, దంతవైద్యులు సరిగ్గా నిర్ధారించడానికి రేడియోగ్రాఫ్ను తీసుకోవచ్చు.
• చివరకు, రోగి యొక్క లక్షణాలతో సమస్యను అనుసంధానించిన తర్వాత, దంతవైద్యులు చికిత్స ప్రణాళికను సూచిస్తారు.
• పిప్పి పన్ను యొక్క వ్యాప్తిని బట్టి, దంతవైద్యులు చికిత్స విధానాన్ని నిర్ణయిస్తారు.

1. ప్రారంభ దశ చికిత్స - ఎనామెల్ను తిరిగి ఏర్పరచేందుకు ఫ్లోరిడేటెడ్ వార్నిష్ పూత (Fluoridated varnish application) సహాయపడవచ్చు.
2. తరువాతి దశల్లో, దంతాలలో ఏర్పడిన ఖాళీలను నింపి లేదా రూట్ కెనాల్ చికిత్సతో పునరుద్ధరించబడుతుంది, తీవ్రంగా క్షీణించిన కేసుల్లో, దంతవైద్యులు  దంతాలను తీసేయవచ్చు.

• పంటి కురుపులు వంటి దంత సంక్రమణలలో (ఇన్ఫెక్షన్) జ్వరం వంటి లక్షణాలు కూడా కనిపించవచ్చు
• అయితే, పోషకమైన మరియు తక్కువ చక్కెర ఉండే ఆహారాలు తినడం వంటి స్వీయ సంరక్షణ చాలా ముఖ్యం.

భేదాత్మక నిర్దారణ (డిఫరెన్షియల్ డయాగ్నసిస్)

• ప్రారంభంలో, దంతాలపై తెల్లటి మచ్చ కనిపిస్తాయి అవి డిమినేరాలైసెషన్ (demineralisation) ను సూచిస్తుంది. అయితే, కొన్నిసార్లు ఈ తెల్లని మచ్చలు అంతర్గత కారణంగా కూడా సంభవించవచ్చు  మరియు ఈ పరిస్థితిని డెంటల్ ఫ్లోరొసిస్ (dental fluorosis) అని పిలుస్తారు.
• పెద్దపెద్ద గాయాల కారణంగా కూడా దంతాలు రంగు మారిపోవచ్చు. అందువల్ల, దంతాల రంగు మారిపోవడం అనేది ఎల్లప్పుడూ పిప్పి పన్నును సూచించదు.
• టీ మరియు కాఫీ కారణంగా పళ్లలో గుంటలు మరియు పగుళ్ళు ఏర్పడవచ్చు. అందువల్ల, మొదట చికిత్స ప్రణాళికను నిర్ణయించడానికి ముందుగా దంత వైద్యులు పళ్ళను పూర్తిగా తనిఖీ చేయాలి.

చికిత్స యొక్క వ్యవధి పిప్పిపంటి స్థితి మీద ఆధారపడి ఉంటుంది. ఇటీవలి సాంకేతిక అభివృద్ధితో, ఒకేసారి చికిత్స చేయగలిగే ప్రణాళికలు (సింగిల్ సిటింగ్ ట్రీట్మెంట్ ప్లాన్స్) కూడా సాధ్యమే. దంత చికిత్స అనేది చాలా అరుదుగా బాధాకరమైనదిగా ఉంటుంది. తరచుగా, చికిత్సలు ఒక నొప్పిరహితంగా ఉండడానికి స్థానిక అనస్థీషియాను (మత్తు) ఇస్తారు. ఫెరోయిడ్ జెల్ను పూయడం ద్వారా లేదా దంతాల ఖాళీలను నింపడం ద్వారా పిప్పి పళ్ళకు చికిత్స చేయవచ్చు. ఖాళీ లోతుగా ఉంటే, దానిని శుభ్రం చేసి ఒక దంత ముసుగు (dental crown) తో కప్పవచ్చు. సమస్య తీవ్రంగా ఉంటే, దెబ్బతిన్న పంటిని తీసేయవచ్చు.

పిప్పి పళ్ళను నిరోధించడానికి గృహ-సంరక్షణ చిట్కాలు

దంత సమస్యలకు సైంధవ లవణం పావు టీ స్పూను పొడి అర చేతిలో వేసుకొని ఆవాలనూనే ఒకటి లేక

రెండు చుక్కలు మాత్రమే కలిపి తోమితే పగిలిన,పూచిన,నెత్తురు కారుతున్న అన్ని దంత భాగాలకు మెత్తగా  పూసి ,మెత్తగా తోమాలి. అరగంట అలా వదిలెయ్యాలి. నోట్లో ఊరే నీటిని ఉమ్మేయ్యాలి. 

తరువాత్ వేడి నీటితో కడుక్కోవాలి. అద్భుతమైన మార్పు వస్తుంది.

👉నువ్వుల నూనెను నోట్లో పోస్తుకొని బాగా పుక్కిలించాలి. లేదా ఉదయాన్నే నువ్వులను బాగా పిప్పి లా  అయ్యే వరకు నమిలి  ఒక గ్లాసు నీళ్ళు తాగాలి. 

   👉మొదట ముందు పళ్ళను గట్టిగా నొక్కి పెట్టి తరువాత వదలాలి. తరువాత దవడ పళ్ళను నొక్కాలి. 

   👉చూపుడు వేలితో లోపలి చిగుళ్ళను నొక్కాలి. నాలుకతో పళ్ళ లోపలివైపు నొక్కుతూ  వుండాలి.

1. పన్ను నొప్పి వచ్చినపుడు రెండు తులసి ఆకులను మెత్తగా నూరి పంటి మీద పెట్టాలి. నొప్పి తగ్గి నిద్ర పడుతుంది. 

2. తులసి ఆకుల రసంలో దూది ముంచి పిప్పి పన్ను మీద పెట్టి పై పంటితో నొక్కాలి. నొప్పి తగ్గుతుంది.

• రోజుకు రెండుసార్లు పళ్ళు తోమాలి
• ఫ్లోరిడేటెడ్ టూత్ పేస్టును వాడాలి
• తరుచుగా దంతాల స్వీయ-పరీక్ష
• మౌత్ వాష్ యొక్క ఉపయోగం
• భోజనం మధ్యలో చిరుతిళ్లను తగ్గించా

పిప్పి పళ్ళు కొరకు మందులు

పంటి నొప్పి :

1.  పసుపు కొమ్మును కాల్చి, బూడిదగా మార్చి ఆ పొడితో పళ్ళు తోమితే పంటి నొప్పులు తగ్గిపోతాయి.

2.  పుచ్చు పళ్ళ మీద మర్రిపాలను చుక్కలుగా వేస్తే క్రిములు నశించి నొప్పి తగ్గుతుంది.

3.  కర్పూర తైలంలో దూదిని ముంచి పంటి పుప్పి పంటి పైన పెడితే పన్ను నొప్పి తగ్గుతుంది.

4.  నిమ్మ రసంలో ఇంగువను కలిపి కొద్దిగా వేడిచేసి దూదితో పంటి పైన పెడితే నొప్పి తగ్గిపోతుంది.

Medicine Name	Pack Size
Brugel	Brugel 5% W/W Gel
SBL Eugenia caryophyllata Dilution	SBL Eugenia caryophyllata Dilution 1000 CH
Fbn	Fbn 0.03% Eye Drop
Flurbin	Flurbin 0.03% W/V Eye Drop
Ocuflur	Ocuflur Eye Drop
Nitra	NITRA GEL 100GM
Aflur	Aflur 0.03%W/V Ear Drops
Bellflur Eye Drop	Bellflur Eye Drop
Cadiflur	Cadiflur 0.03% Eye Drops
Eyeflur	Eyeflur 0.03% Eye Drops
Flubi (Entod)	Flubi 0.03% Eye Drops
Flubifen	Flubifen 0.03% Eye Drops
Fludrop	Fludrop 0.03% Eye Drops
Flufen	Flufen 0.03% Eye Drops
Flurbiren	Flurbiren 0.03% Eye Drops
Flurbitop	Flurbitop Eye Drops
Flur	Flur Eye Drop
Kaziflur	Kaziflur 0.03%W/V Eye Drops
Lufen	Lufen Eye Drops
Migrid (Crescent)	Migrid 10 Mg Tablet
Optifen	Optifen 0.03% Eye Drops
Profen Eye Drop	Profen 0.03% Eye Drops
Sioflur	Sioflur 0.03% Eye Drops
Flb	Flb Eye Drops	మా గురించి

• ధన్యవాదములు 
• మీ నవీన్ నడిమింటి 
• మాతో అనుబంధం కలిగియున్న డాక్టర్లు
• మమ్మల్ని సంప్రదించండి
• డాక్టర్ గారూ, మాతో చేరం

• గోప్యతా విధానము
• సేవల యొక్క షరతులు
  

 
 
 

అస్వీకార ప్రకటన: ఈ సైటుపై లభ్యమవుతున్న మొత్తం సమాచారము మరియు లేఖనము కేవలం అవగాహనా ఆవశ్యకతల కొరకు మాత్రమే. ఇక్కడ ఇవ్వబడిన సమాచారమును ఏదైనా ఆరోగ్య సంబంధిత సమస్య లేదా అస్వస్థత నుండి కోలుకోవడానికి లేదా స్వస్థత కొరకు నిపుణుల సలహా లేనిదే ఉపయోగించుకోకూడదు. చికిత్స పరీక్షలు మరియు సేవల కొరకు ఎల్లప్పుడూ ఒక అర్హత పొందిన వైద్యుల సలహా తీసుకోవాలి.

అసిడిటీ గ్యాస్ సమస్య కు పరిష్కారం మార్గం

ఎసిడిటీ & పులి తేన్పు నివారణ కు నవీన్ నడిమింటి పరిష్కారం మార్గం  

కడుపులో ఎక్కువగా గ్యాస్ చేరడంవల్ల ఈ  పులితేన్పులు వస్తాయి. పుల్లని తేన్పులు అనేవి గంధకంతో కూడిన తేన్పులు. కడుపులో ఎక్కువగా గాలి ఎలా చేరుతుందంటే ఆహారాన్ని తొందర తొందరగా  తినేటపుడు మనిషి ఎక్కువగాలిని మింగడం జరుగుతుంది. అలాగే ధూమపానం, చూయింగ్ గం నమిలేటపుడు కూడా ఇలా ఎక్కువ గాలిని మింగడం జరుగుతుంది. కొన్ని వాయువు-ఏర్పడే ఆహారాల్ని తినడంవల్ల కూడా పొట్టలో గాలి ఏర్పడడానికి కారణమవుతాయి. పులితేన్పును పులితేపు, పులిత్రేపు అని కూడా వ్యవహరిస్తారు

దీని సంకేతాలు మరియు లక్షణాలు ఏమిటి?

ఆమ్లత (రిఫ్లాక్స్) వ్యాధితో బాధపడే వ్యక్తులలో పులితేన్పులు (సోర్ బర్ప్) సాధారణంగా కనబడుతాయి, అందుకే గుండె మంట, ఉబ్బరం, గాలిచేరినట్టుండే భావన, అపానవాయువు, వికారం మరియు నోరు వాసన వంటివి అన్ని సంబంధిత పులితేన్పుల వ్యాధి లక్షణాలే. వ్యక్తి భోజనం చేసిన తర్వాత మరియు రాత్రిపూట ఈ వ్యాధి లక్షణాలు మరింత అధ్వాన్నంగా రావచ్చు, ఇది రోగి తన తల, ముఖాన్ని కిందికిబెట్టుకున్న స్థితిలో నిద్రపోయేలా చేస్తుంది.

దీని ప్రధాన కారణాలు ఏమిటి?

హైడ్రోజన్ సల్ఫైడ్ గ్యాస్ ఉత్పత్తి కారణంగా పులితేన్పులు (సోర్ బర్ప్స్) ఏర్పడతాయి. మనిషి గ్రహించిన ఆహారాన్ని నోటి కుహరం మరియు జీర్ణ వ్యవస్థలో ఉండే  బ్యాక్టీరియా పతనం చేస్తుంది, అపుడే ఈ వాయువు ఉత్పత్తి అవుతుంది. అధిక ప్రోటీన్-ఆహారాలు, బ్రోకలీ వంటి కూరగాయలు మరియు మద్యం హైడ్రోజన్ సల్ఫైడ్ ను విడుదల చేసేవిగా ఉన్నాయి. తరచుగా వచ్చే పులితేన్పులు మరియు దీర్ఘకాలిక పులితేన్పులకు ఇతర సాధారణ కారణాలు ఏవంటే గ్యాస్ట్రో-ఓసోఫాగియల్ రిఫ్లస్ వ్యాధి (GERD) మరియు ప్రకోప ప్రేగు సిండ్రోమ్ వంటి జీర్ణవ్యవస్థ వ్యాధులు. ఈ వ్యాధులవల్ల కడుపు నుండి గ్యాస్ పైకి ఉబికి తేన్పులరూపంలో వెలుపలికి దూసుకొస్తాయి. ఆహారం విషతుల్యమవడం, కొన్ని మందులు, ఒత్తిడి మరియు గర్భధారణ అనేవి పులితేన్పులకు కొన్ని ఇతర కారణాలుగా   ఉన్నాయి.

పులితేన్పుల్ని ఎలా నిర్ధారణ చేస్తారు మరియు దీనికి  చికిత్స ఏమిటి?

పులితేన్పుల (పుల్లని తేన్పులు) వ్యాధి నిర్ధారణ అనేది వ్యాధి లక్షణాలు మరియు వివరణాత్మక చరిత్ర ఆధారంగా తయారు చేయబడుతుంది. గ్యాస్ట్రో-ఒసిఫేగల్ రిఫ్లక్స్ వ్యాధి (gastro-oesophageal reflux disease -GERD)ని తోసిపుచ్చడానికి ఎండోస్కోపీ చేయవచ్చు.

ఆహారసేవనంలో మరియు జీవనశైలిలో మార్పులు చేయడంవల్ల రోగికి అవాంఛనీయమైన  మరియు బాధించే పుల్లని తేన్పుల్ని నివారించడంలో సహాయపడుతాయి. కొన్ని ఇంటి చిట్కాలు నివారణలు సోర్ బర్ప్స్ తగ్గించటానికి సహాయపడతాయి. గ్రీన్ టీ జీర్ణక్రియకు సహాయపడే ఉత్తమ ఏజెంట్లలో ఒకటి; ఇది గొప్ప యాంటీ బాక్టీరియల్ లక్షణాలను కలిగి ఉంటుంది. ఆపిల్ సైడర్ వినెగార్ (apple cider vinegar) అనేది పేగుల్లో ఆరోగ్యకరమైన సంతులనాన్ని కొనసాగించడానికి ఉపయోగించే మరో గొప్ప మూలకం. ఇది పేగుల్లో  బ్యాక్టీరియా విపరీతంగా పెరిగిపోకుండా నియంత్రించేందుకు సహాయపడుతుంది. బ్రోకలీ, మొలకలు మరియు వెల్లుల్లి వంటి పొట్టలో గాలిని పెంచే ఆహారాల్ని వాడకూడదు. ధూమపానం ఆపాలి. పాలు ఉత్పత్తుల్ని తినడాన్ని కూడా ఆపు చేయాలి. పులితేన్పులకు కారకాలైన కార్బొనేటెడ్ పానీయాలు, మద్యపానీయాల్ని తాగటాన్ని తప్పనిసరిగా నిలిపివేయబడాలి.

పులితేన్పుల్ని నివారించడంలో పైన పేర్కొన్న పరిహార చికిత్సలు (రెమిడీస్) విఫలమైతే వెంటనే వైద్యుడిని సంప్రదించాలి. గాలి ఉత్పత్తిని తగ్గించేందుకు వైద్యుడు మీకు యాంటాసిడ్ మందుల్ని సూచించవచ్చు. ఇంకా, నిరంతర వ్యాధి లక్షణాలు కలిగించే ఏవైనా జీర్ణ సమస్యలను గుర్తించడానికి నిర్ధారణా (డయాగ్నొస్టిక్) పరీక్షలను నిర్వహించ

పులి తేన్పు కొరకు మందులు

Medicine Name	Pack Size
Ocid	Ocid 20 Mg Capsule
Rantac	RANTAC 50MG INJECTION 2ML
Zinetac	Zinetac 150 Mg Tablet
Aciloc	ACILOC 300MG TABLET 15S
Omez D	OMEZ D CAPSULE 15S
Omez	Omez 10 Capsule
Reden O	Reden O 2 Mg/150 Mg Tablet
Bonipraz	Bonipraz 20 Mg Capsule
R T Dom	R T Dom 10 Mg/150 Mg/20 Mg Tablet
Bromez	Bromez 20 Mg Capsule
Capcid	Capcid 20 Mg Tablet
Capocid	Capocid 20 Mg Capsule
Copraz	Copraz 20 Mg Capsule
Corcid (Corona)	Corcid Capsule
Aciloc D	Aciloc D 10 Mg/150 Mg Tablet
Corcid (Jagsonpal)	Corcid Capsule
Acispas	Acispas 10 Mg/150 Mg Tablet
Conrin	Conrin 10 Mg/10 Mg/20 Mg Tablet
Cucid	Cucid Oral Gel
Radic	Radic 10 Mg/150 Mg Tablet
Pepdac D	Pepdac D 10 Mg/10 Mg/20 Mg Tablet
Demo	Demo 20 Mg Capsule
Cycloran	Cycloran 10 Mg/150 Mg Tablet

• మా గురించి
• ధన్యవాదములు 
• మీ నవీన్ నడిమింటి 
• మాతో అనుబంధం కలిగియున్న డాక్టర్లు
• మమ్మల్ని సంప్రదించండి
• డాక్టర్ గారూ, మాతో చేరం

• గోప్యతా విధానము
• సేవల యొక్క షరతులు
• 
  
  

 
 
 

అస్వీకార ప్రకటన: ఈ సైటుపై లభ్యమవుతున్న మొత్తం సమాచారము మరియు లేఖనము కేవలం అవగాహనా ఆవశ్యకతల కొరకు మాత్రమే. ఇక్కడ ఇవ్వబడిన సమాచారమును ఏదైనా ఆరోగ్య సంబంధిత సమస్య లేదా అస్వస్థత నుండి కోలుకోవడానికి లేదా స్వస్థత కొరకు నిపుణుల సలహా లేనిదే ఉపయోగించుకోకూడదు. చికిత్స పరీక్షలు మరియు సేవల కొరకు ఎల్లప్పుడూ ఒక అర్హత పొందిన వైద్యుల సలహా తీసుకోవాలి.

శరీరం లో వేడి తిమురుళ్లు తగ్గాలి అంటే పరిష్కారం మార్గం

వేడి తిమ్మిరి నివారణ కి నవీన్ నడిమింటి పరిష్కారం మార్గం

సాధారణంగా చేతులు లేదా కాళ్లలో వచ్చే కండరాల నొప్పులనే “వేడి తిమ్మిర్లు” లేదా కండర నొప్పులుగా చెబుతారు. దీన్నే కండరాలు పట్టేయడం (ఈడ్పులు) అని కూడా అంటారు.  కొన్నిసార్లు, వ్యక్తి పొత్తికడుపు ప్రాంతంలో వేడి తిమ్మిరిని (పొత్తికడుపు కండరాలు పట్టేసినట్లుండేది, ఈడ్చినట్లుండేది) అనుభవించవచ్చు. ఈ తిమ్మిరిలు ఎక్కువ సమయం పాటు ఉంటాయి మరియు చాలా తీవ్రంగా నొప్పిని కల్గిస్తాయి. వేడి వాతావరణంలో శారీరకంగా క్రియాశీలకంగా వ్యవహరిస్తున్న వ్యక్తుల్లో ఈ వేడి తిమ్మిర్లు  సాధారణంగా సంభవిస్తాయి.

దీని ప్రధాన సంకేతాలు మరియు లక్షణాలు ఏమిటి?

కాళ్లు, చేతులు లేదా పొత్తికడుపు యొక్క కండరాలలో పదునైన, తీక్షణమైన మరియు తీవ్రమైన నొప్పిని కల్గించడమే వేడి తిమ్మిరి యొక్క ప్రధాన వ్యాధిలక్షణం.

చాలా సందర్భాలలో (లేక చాలామందిలో) వ్యక్తి అధిక చెమటలకు గురికావడం మరియు అధిక దాహాన్ని (ఎక్కువ దప్పిక) అనుభవించడం జరుగుతుంది.

శిశువులు, చిన్నపిల్లలు మరియు వృద్ధులు తమ శరీర ఉష్ణోగ్రతల్ని బాగా నియంత్రించలేరు కాబట్టి వీళ్లకు ఈ వేడి తిమ్మిర్లు రుగ్మత ఎక్కువగా వచ్చే అవకాశం ఉంటుంది.

ప్రధాన కారణాలు ఏమిటి?

వేడిగా ఉండే వాతావరణంలో మితిమీరిన చెమట పట్టడం వలన కలిగే వేడి తిమ్మిరికి ప్రధాన కారణం డిహైడ్రాషన్ (నిర్జలీకరణం) మరియు ఎలెక్ట్రోలైట్లు అసమతుల్యత. తీవ్ర శారీరక శ్రమ కారణంగా ఎలెక్ట్రోలైట్స్ కోల్పోయినప్పుడు, ఇది కండరాల తిమ్మిరికి మరియు కండరాలనొప్పికి దారితీస్తుంది .

తీవ్రమైన శారీరక శ్రమ మరియు కండరాలు అధికంగా అలసిపోయినప్పుడు, అవి శరీరంలో ఏర్పడే సంకోచాలను తమకు తామే క్రమబద్ధీకరించే సామర్థ్యాన్ని కోల్పోవచ్చని, తద్వారా వేడి తిమ్మిర్లుకు దారి తీయొచ్చని కొన్ని వైద్య పరిశోధనలు సూచిస్తున్నాయి. .

దీనిని ఎలా నిర్ధారణ చేసేది మరియు దీనికి చికిత్స ఏమిటి?

డాక్టర్ వ్యాధి లక్షణాల గురించి అడుగుతారు మరియు వ్యక్తిగత కార్యకలాపాల గురించి కూడా ప్రశ్నలు వేసి తెలుసుకుంటారు, తద్వారా వేడి తిమ్మిర్ల నిర్ధారణను చేయగలుగుతారు. నిర్జలీకరణ మరియు ఎలెక్ట్రోలైట్ అసమతుల్యతకు సంబంధించిన సంకేతాలను పరిశీలించడానికి వైద్యుడు శారీరక పరీక్షను కూడా నిర్వహించవచ్చు.

ఒకవేళ ఒక వ్యక్తికి వేడి తిమ్మిర్లు (heat cramps) గనుక వస్తే, అతను / ఆమె తప్పనిసరిగా కింద సూచించిన విధంగా వెంటనే వ్యవహరించాలి:

• శారీరక శ్రమను ఆపివేయాలి
• ఓ చల్లటి ప్రదేశాన్ని ఎంచుకుని విశ్రాంతి తీసుకోండి
• చల్లని నీతితో స్నానం చేయండి
• ద్రవాహారాల్ని మరియు ఓరల్ రీహైడ్రేషన్ లవణాల్ని పుష్కలంగా తీసుకోండి
• కండరాల నొప్పిని తగ్గించడానికిగాను బాధకు గురైన కండరభాగాన్ని మెత్తగా రుద్దుతూ మసాజ్ చేయండి

వ్యక్తి వాంతులు లేదా వికారంతో బాధపడుతుంటే, అప్పుడు డాక్టర్ ఇంట్రావీనస్ (IV) ద్రవాలను (నరాల ద్వారా ద్రవాల్ని శరీరంలోకి ఎక్కించండం)  అందిస్తారు. నొప్పికి చికిత్స చేయడానికి, డాక్టర్ నొప్పి-ఉపశమన మందులను కూడా సూచించవచ్చు

వేడితిమ్మిర్లు నివారణ కొన్ని మందులు  - Medicines for Heat Cramps 

Medicine Name	Pack Size
Renolen	Renolen Eye Drop
Basol	Basol Solution
Hyprosol	HYPROSOL EYE DROPS 10ML
Hysol	Hysol Eye Drop
D.N.S	Dns Infusion
Dns (Baxter)	Dns 5 G/0.45 G Infusion
Dns (Parenteral Drug)	DEXTROSE 5%/SODIUM CHLORIDE(DNS) 0.45% N2 500ML
Rhinowash Starter Kit	RHINOWASH STARTER KIT DEVICE
Dns (Denis)	Dns Infusion
Grelyte	Grelyte Solution
Sodium Chloride (Albert)	Sodium Chloride Soluti
Tna	Tna Peri Infusion
Leclyte G Pl	Leclyte G Pl Solution
Catlon	Catlon Drop
Sterofundin	Sterofundin Iso Infusion
N.S (Parenteral)	N.S Infusion
Rallidex	Rallidex Infusion
Dextrose With Normal Saline	Dextrose With Normal Saline 5% Infusion
Dns (Venus)	Dns Solution
Dns Water (Albert)	Dns Water 0.9% W/V Infusion

• మా గురించి
• ధన్యవాదములు 
• మీ నవీన్ నడిమింటి 
• మాతో అనుబంధం కలిగియున్న డాక్టర్లు
• మమ్మల్ని సంప్రదించండి
• డాక్టర్ గారూ, మాతో చేరండి

• గోప్యతా విధానము
• సేవల యొక్క షరతులు
• తిరిగి చెల్లింపు పాలసీ
• 
  
  

 
 
 

అస్వీకార ప్రకటన: ఈ సైటుపై లభ్యమవుతున్న మొత్తం సమాచారము మరియు లేఖనము కేవలం అవగాహనా ఆవశ్యకతల కొరకు మాత్రమే. ఇక్కడ ఇవ్వబడిన సమాచారమును ఏదైనా ఆరోగ్య సంబంధిత సమస్య లేదా అస్వస్థత నుండి కోలుకోవడానికి లేదా స్వస్థత కొరకు నిపుణుల సలహా లేనిదే ఉపయోగించుకోకూడదు. చికిత్స పరీక్షలు మరియు సేవల కొరకు ఎల్లప్పుడూ ఒక అర్హత పొందిన వైద్యుల సలహా తీసుకోవాలి.

మధుమేహం ఉన్న వరుకు అపోహలు తీసుకోవాలిసిన జాగ్రత్తలు పరిష్కారం మార్గం

చక్కెర వ్యాధి ఉన్న వాళ్ళు కు అపోహలు మరియు తీసుకోవాలిసిన జాగ్రత్తలు అవగాహనా కోసం నవీన్ నడిమింటి సలహాలు   

మీకు తెలుసా? రక్తంలో నిరంతరం పెరిగిపోతుండే చక్కర స్థాయిలు శరీరంలోని ఇతర ముఖ్య అవయవాలకు చేటు చేస్తాయని? అందుకే "చక్కర వ్యాధి మరింత విపరీతమయ్యే   పరిస్థితిని తెచ్చుకోకు" అంటూ మీ వైద్యులు, మీ శ్రేయస్సు కోరే మీ కుటుంబ సభ్యులు సతతం పట్టు బట్టి మరీ మీకు చెబుతూనే ఉంటారు.

షుగర్ వ్యాధి స్త్రీ-పురుషులెవరికైనా, ఏ వయసు వారికైనా రావచ్చు. ఈ వ్యాధినే డయాబెటీస్ అని మధుమేహవ్యాధి అని కూడా వ్యవహరిస్తారు. రక్త ప్రసరరణలో చక్కర శాతం ఎక్కువవటాన్ని బట్టి ఈ వ్యాధిని గుర్తించవచ్చు. ముఖ్యంగా, షుగర్ వ్యాధిని ‘టైపు 1’ మరియు ‘టైపు 2’ అని ‘ రెండు రకాలుగా వర్గీకరించవచ్చు. ఇంకా, చిన్నపిల్లలు, గర్భిణీ స్తీలకు వచ్చే షుగర్ వ్యాధి  మరియు ‘ప్రీ-డయాబెటీస్’ అనే మరో మూడు రకాలుగా కూడా ఈ వ్యాధిని వర్గీకరించారు. ఈ వ్యాధిని పూర్తిగా నయం చేసేందుకు వైద్యనిపుణులు తమ పరిశోధనల ద్వారా కృషి చేస్తున్నారు. ఎందుకంటే ఈ షుగర్ వ్యాధి, గుడ్డితనం, గుండె సంబంధ వ్యాధులు, అంగఛేదనం (amputation) వంటి అతి ప్రమాదకర జబ్బులతో ముడిపడి ఉంది. కనుక షుగర్ వ్యాధిని సరిగా నయం చేసుకోకపోతే పైన పేర్కొన్న ప్రమాదకర జబ్బులకు లోనయ్యే ప్రమాదముందని వైద్యులు  హెచ్చరిస్తున్నారు. అయితే, షుగర్ వ్యాధిని, అది ముదరక మునుపే, ముందుగానే గుర్తించి ఆహారం, జీవన విధానంలో మార్పులు, మందులు, నిత్యవ్యాయామం మరియు కొన్ని చికిత్సల ద్వారా దీనిని పూర్తిగా నయం చేయవచ్చని వైద్యులు చెబుతున్నారు

చక్కెరవ్యాధి అంటే ఏమిటి? -

మానవ శరీర రక్తప్రసరణలో అధిక స్థాయి గ్లూకోజ్ (చక్కెర) ను కలిగున్న పరిస్థితే కాక మరి కొన్ని జబ్బులతో బాధపడుతున్న రోగి స్థితిని ‘డయాబెటిస్’ అనే ఒక విస్తారమైన పదంతో చెబుతున్నారు. డయాబెటిస్ నేడు ప్రపంచవ్యాప్త అంటువ్యాధిగా వేగంగా ప్రబలుతోంది. ఒక్క భారతదేశంలోనే 7.3 కోట్ల మంది చక్కర వ్యాధితో వ్యధపడుతున్నారు. చక్కర వ్యాధి తరచుగా దీర్ఘకాలికంగా ఉండే జబ్బు. జబ్బు  ముదరక ముందే సరైన సమయంలో వ్యాధిని నయం చేయకపోతే ప్రమాదకరమైన దీర్ఘకాలిక రోగాలకు దారితీస్తుంది. గతంలో భావించినట్లుగా చక్కర వ్యాధి కేవలం వయసు ముదిరిన వారికి మాత్రమే వచ్చే వ్యాధి కాదు. వయసుతో నిమిత్తం లేకుండా ఆడ-మగా అనే తేడా లేకుండా ఎవరికైనా రావచ్చు షుగర్ వ్యాధి. అయితే కొన్ని వైద్య అధ్యయనాలు చెప్పటాన్ని బట్టి చూస్తే 40 సంవత్సరాలకు పైబడ్డ వారికి డయాబెటీస్ వచ్చే ప్రమాదం ఉంది

చక్కెర వ్యాధి రకాలు 

షుగర్ వ్యాధి పలు రకాలు. అయితే మొదట, ‘టైప్ 1 మధుమేహం’ మరియు ‘టైప్ 2 మధుమేహం’ అనే రెండు ప్రధాన రకాలను వివరిస్తామిక్కడ.  --

ప్రీడయాబెటస్ స్థాయి 

ప్రీడయాబెటిస్ అనేది ఒక సూచిక రకం, మరియు తరచూ దీన్ని "బోర్డర్ లైన్ డయాబెటిస్" గా కూడా సూచిస్తారు. పరగడుపున్నే మరియు భోంచేసిన తర్వాత రక్తంలో చక్కెర స్థాయిలు సాధారణ స్థాయి కంటే ఎక్కువ ఉన్నట్లయితే డాక్టర్ దీన్ని “ప్రీ-డయాబెటిస్” స్థాయిగా గుర్తిస్తాడు. ప్రీడయాబెటిస్ స్థాయిలో ఉన్నవారు పలు చర్యలు చేపట్టడం ద్వారా రెండో టైపు (Type 2) చక్కెరవ్యాధిని నివారించవచ్చు లేదా వాయిదా వేస్తూ వ్యాధి సోకడాన్ని విలంబం చేస్తూ పోవచ్చు అని పరిశోధనలు చెబుతున్నాయి. మరి ఆ చర్యలేవంటే చెక్కెరవ్యాధికి నిర్దేశించిన ఆహారాన్ని తీసుకోవడం, ఆహారంలో కార్బోహైడ్డ్రే ట్లను, సంస్కరించిన పంచదారను, ప్రాసెస్ చేసిన ఆహారాలను, బేకరీ పదార్థాలను గణనీయంగా తగ్గించడం. ఇంకా,  ఆరోగ్యకరమైన జీవనవిధానాన్ని అలవర్చుకుని, భౌతిక వ్యాయామ క్రీడలైన ఈత, జాగింగ్, జిమ్మింగ్, సైక్లింగ్ మరియు 45 నిముషాల వేగవంతమైన నడక వంటి వాటిని దిననిత్యం సాధన చేయడంవల్ల రెండో టైపు చక్కెరవ్యాధిని దూరం ఉంచవచ్చని పరిశోధనలు చెబుతున్నాయి.

• టైప్ 1 
  టైప్ 1 డయాబెటీస్’ ఇన్సులిన్ ఆధారిత డయాబెటిస్, తరచుగా పిల్లలు మరియు 30 సంవత్సరాలలోపు వారిలో గుర్తించిన జబ్బు. ఈ ‘టైప్ 1 మధుమేహా ’ నికి గురైన వారు ప్రపంచంలోని మధుమేహం రోగుల్లో 10 శాతం ఉంటారని నమ్ముతారు. దెబ్బతిన్న ప్యాంక్రియాటిక్ బీటా కణాల వలన మానవ శరీరం ఇన్సులిన్ ను    తక్కువగా లేదా అసలు ఇన్సులిన్ నే ఉత్పత్తి చేయనప్పుడు ఈ పరిస్థితి ఉత్పన్నమవుతుంది. దీనివల్ల శరీరంలో గ్లూకోజ్ నిల్వ ఉండదు మరియు శక్తి రూపంలో ఉపయోగించబడదు, తద్వారా రక్తప్రసరణలో ఎక్కువ చక్కెర (గ్లూకోజ్) జమవ్వటానికి దారితీస్తుంది.
  
  టైప్ 1 డయాబెటీస్ లో మళ్ళీ రెండు ఉప-రకాలున్నాయి:  
  • చిన్నపిల్లల్లో డయాబెటీస్: 19 సంవత్సరాల వయస్సులోపు పిల్లలకు వచ్చే షుగర్ జబ్బు రకం. ఇన్సులిన్ పై  జీవితాంతం ఆధారపడి ఉండాల్సిన పరిస్థితి ఇది. చిన్న పిల్లలకు ఇన్సులిన్ ఇంజెక్షన్ల నిర్వహణ సాధారణంగా తల్లిదండ్రులు, సంరక్షకులు మరియు నర్సులు పర్యవేక్షిస్తారు. టీనేజ్ వయసు వారిలో వచ్చే డయాబెటిక్ వ్యాధికి  వైద్యులు సిఫార్సు చేసిన విధంగా ఇన్సులిన్ షాట్ల స్వీయ నిర్వహణను కూడా నిర్వహించుకోవచ్చు. అంటే టీనేజ్ వయసు షుగర్ వ్యాధి రోగులు తమంతట తామే ఇన్సులిన్ షాట్లను తీసుకోవచ్చు.
  • లాడా : ‘టైప్ 1 డయాబెట’ వర్గంలో ‘టైప్ 2 మధుమేహం’ కలిగిన రోగులు కూడా ఉంటారు. ఎందుకంటే ఈ రోగులు లాడా (LADA - లాంట్ ఆటోఇమ్యూన్ డయాబెటిస్ అడల్ట్ హుడ్) అని పిలవబడే ప్యాంక్రియాస్ యొక్క బీటా కణాల నుండి ఇన్సులిన్ స్రావం కారణంగా టైప్ 1 యొక్క పరిస్థితులను అనుకరిస్తారు.
     
• టైప్ 2 డయాబెటీస్ (లేదా టైప్ 2 మధుమేహం): 
   పరిశోధకుల ప్రకారం ‘టైప్ 2 మధుమేహం’ చాలా సాధారణమైనది మరియు ప్రధానమైనది. అవసరమైనంత ఇన్సులిన్ ను శరీరం ఉత్పత్తి చేయలేకపోయినపుడు లేదా శరీరం ‘ఇన్సులిన్ సెన్సిటివిటీ’ అని పిలువబడే స్థితికి గురై ఉత్పత్తి అయిన ఇన్సులిన్ ని ఉపయోగించుకోలేక  పోయినపుడు ‘టైప్ 2 మధుమేహం’ రోగికి సంభవిస్తుంది. ఈ వైఫల్యం కారణంగా, గ్లూకోజ్ (చక్కెర) రక్తంలో అధికంగా జమవుతుంది. ఫలితంగా, శరీరంలో చక్కర స్థాయి విపరీతంగా పెరుగుతుంది. ‘టైప్ 2 డయాబెటీస్’ సాధారణంగా 30 ఏళ్ళు పైబడిన వారికి దాపురించే అవకాశం ఉందని, కాని ఇది చాలా చిన్న పిల్లల్లో కూడా సంభవిస్తుందని ముఖ్యమైన అధ్యయనాలు సూచిస్తున్నాయి. ‘టైప్ 2 డయాబెటీస్’ తరచుగా జన్యుపరమైందని మరియు ఇది ఒక తరం నుండి మరొక తరానికి పాకనూవచ్చని అధ్యయనాలు అనుమానపడుతున్నాయి.  ‘టైప్ 2 డయాబెటీస్’ లేదా ‘రెండో రకం మధుమేహం’ బారిన పడ్డ రోగుల సంఖ్య ప్రపంచవ్యాప్తంగా పెరగడానికి అనారోగ్యకరమైన జీవనశైలి, తక్కువ శారీరక శ్రమ లేక అసలు శరీరపరిశ్రమే చేయకపోవడం, ఒత్తిడి మరియు సరి అయిన ఆహారం తీసుకోకపోవడమేనని అధ్యయనాలు చెబుతున్నాయి.
   
• గర్భిణీ స్త్రీలలో వచ్చే చక్కర వ్యాధి: 
  పేరు సూచించినట్లుగా ఈ చక్కర వ్యాధి గర్భధారణ సమయంలో స్తీలకు వాటిల్లుతుంది,  సాధారణంగా గర్భం దాల్చిన తదుపరి దశలలో తల్లికిది వచ్చే అవకాశం ఉందని మరియు అధిక రక్త - గ్లూకోజ్ (చక్కెర) స్థాయిలు గర్భం దాల్చిన తల్లిలో ఉంటాయని అధ్యయనాలు చెబుతున్నాయి. అయితే ఈ చక్కర వ్యాధి శిశువు యొక్క డెలివరీ తర్వాత  అదృశ్యమవుతుందని పరిశోధనల్లో గమనించబడింది. అలాగని దీన్ని తేలిగ్గా తీసుకోకూడదు. గర్భధారణ సమయంలో వచ్చే మధుమేహం ను ముందుగానే గుర్తించి చికిత్స ద్వారా సమర్థవంతముగా నిర్వహించకపో తే, తల్లికి మరియు బిడ్డకు సంక్లిష్టతను కలిగిస్తుంది. మీరు మీ స్వంత మందులను తీసుకోవద్దని మరియు మీకు అవసరమైన జాగ్రత్తలు మరియు చర్యలను తీసుకోవటానికి మీ వైద్యుని సలహాను తీసుకోవాలని  సిఫారసు చేయడమైనది.

చక్కెరవ్యాధి లక్షణాలు - 

మధుమేహం లేదా షుగర్ వ్యాధి యొక్క లక్షణాలు విలక్షణమైనవి. మన శరీరం ఇచ్చే సంకేతాల వైపు శ్రద్ధవహించి గ్రహిస్తే ఈ వ్యాధి లక్షణాలను త్వరగా గుర్తించవచ్చు. మరో శుభవార్త ఏమంటే ఈ వ్యాధిని ప్రారంభదశలోనే గుర్తించినట్లైతే దీన్ని సమర్థవంతంగా నయం చేయవచ్చు. కాబట్టి, కింది లక్షణాలు గనుక మీకున్నట్లైతే వెంటనే మీ డాక్టరును సంప్రదించండి.  : -

• ఆకస్మిక ఆకలి మీకు కలగొచ్చు. వెంటనే తినాలన్న విపరీతమైన కోరిక కలగడం.
• ప్రత్యేకించి రాత్రి వేళల్లో మామూలు కంటే ఎక్కువ సార్లు మూత్రవిసర్జనకు వెళ్లాల్సిరావడం.
• ఎప్పుడూ విపరీతంగా దాహం అనిపంచడం.
• మీరు అకస్మాత్తుగా, విపరీతంగా బరువు తగ్గిపోవడం.
• దృష్టి దోషాలైన- అస్పష్ట దృష్టి, ఒకటి రెండుగా గోచరించడం,
• చాలా సులభంగా అలసిపోవడం, అలసటతో బాధపడటం,
• పునరావృతమయ్యే అంటువ్యాధులు, ముఖ్యంగా చిగుళ్ళ వ్యాధులు , చర్మం మరియు మూత్రాశయ వ్యాధులు.
• తెగిన గాయాలు మరియు పుండ్లు మానడానికి సాధారణ సమయం కంటే ఎక్కువ సమయం పట్టడం మీరు గమనించినపుడు
• మీరు మానసిక కల్లోలం మరియు చిరాకు కు ఎక్కువగా లోనవడం
• మీ పాదాలు మరియు అరచేతులు మండుతున్నట్లు అనిపించినపుడు
• పురుషులైతే లైంగిక సమస్యలు ఎదుర్కొంటారు (అంగస్తంభన సమస్యలు). స్థూలంగా ఇవీ చక్కర వ్యాధి లక్షణాలు. 

వైద్యుణ్ణి ఎప్పుడు సంప్రదించాలి 

కింద కనబర్చిన రోగ లక్షణాలతో పాటు మీ శరీరంలో ఎక్కువ స్థాయిలో చక్కర (గ్లూకోస్) నిల్వలు ఉన్నట్లు మీరు గమనించినట్లయితే వెంటనే డయాబెటాలజిస్ట్ లేదా ఎండోక్రినాలజిస్ట్ అనబడే చక్కరవ్యాధి నిపుణుడైన డాక్టర్ ని కలవడం తప్పనిసరి.

• 300 mg/dl కంటే ఎక్కువ స్థాయిలో స్థిరమైన అధిక రక్త చక్కెర నిల్వలను మీ రక్త నివేదికలు (blood reports) సూచించినపుడు.
• ఒక కన్ను లేదా రెండు కళ్లలో ఆకస్మికంగా దృష్టిని కోల్పోయినప్పుడు లేదా అస్పష్టతను కలిగినప్పుడు
• తగిన మందులు వాడినా గాయాలు మానడానికి 5 రోజుల కన్నా ఎక్కువ సమయం పట్టినపుడు లేదా గాయాలు మరింత తీవ్రమయినపుడు .
• మీరు మీ గర్భధారణ సమయంలో అధిక రక్తచక్కెర స్థాయిలను కలిగి ఉన్నప్పుడు.
• మీ అరచేతులు మరియు పాదాల్లో మండుతున్నట్లు భావన కల్గినప్పుడు.
• మీ చేతులు, దవడలు, ఛాతీ మరియు చీలమండలంలో ఆకస్మిక నొప్పి మరియు వాపును అనుభవించినప్పుడు.
• చర్మంతో పాటు తీవ్రమైన చర్మ వ్యాధులను అనుభవించినప్పుడు (చర్మపు పాలిపోవుట)

చక్కెరవ్యాధికి కారణాలు మరియు ప్రమాద కారకాలు - 

శరీరంలో చక్కెరవ్యాధి చోటు చేసుకోవడానికి గల కారణాలను నిశ్చయంగా చెప్పలేం, అంతేగాక ఈ వ్యాధి ఉన్న వ్యక్తి వ్యక్తికీ వ్యాధితీవ్రతలో తేడా ఉంటుంది. వంశపారంపర్యంగా వచ్చే జన్యుసంబంధ లక్షణాలు, నిశ్చలంగా ఎపుడూ కూర్చునే ఉండేటువంటి జీవనశైలి, అనారోగ్యకరమైన  ఆహారపుటలవాట్లు, రోగనిరోధక శక్తి పరిస్థితులు (autoimmune), కొన్ని మందుల సేవనం, ఊబకాయం వంటి కారణాల వల్ల చక్కర వ్యాధి శరీరంలో ఎక్కువగా విస్తరిస్తుంది.

మన ప్యాంక్రియాస్ (జీర్ణ వ్యవస్థ అవయవము) ఇన్సులిన్ అని పిలువబడే ముఖ్యమైన హార్మోనును లేదా అంతర్గత స్రావాన్ని ఉత్పత్తి చేస్తుంది, ఇది మనం తినే ఆహారం నుండి తీసుకోబడిన గ్లూకోజ్ (చక్కెర) ను సరైనరీతిలో ఉపయోగించుకునేటందుకు  సహాయపడుతుంది. మన శరీరానికి గ్లూకోజ్ ని విచ్ఛిన్నం చేయడం, నిల్వ చేయడం లేదా గ్లూకోజ్ను సరిగ్గా ఉపయోగించడం సాధ్యం కానప్పుడు రక్తప్రసరణలో అధిక స్థాయి గ్లూకోజ్ (చక్కెర) నిల్వలు ఏర్పడడం జరుగుతుంది. రక్తం-గ్లూకోజ్ స్థాయిలు 70 mg/dl - 110 mg/dl ల మధ్య నిర్వహించబడాలని వైద్యులు సిఫారసు చేస్తున్నారు. పైన పేర్కొన్న రక్తం-గ్లూకోజ్ స్థాయిల రీడింగులకు మించినా లేదా తక్కువైనా అలాంటి రీడింగులను డాక్టర్ కు  నివేదించి వైద్యపరంగా దర్యాప్తు చేయించుకోవాలి.

మధుమేహం వ్యాధి పరీక్ష నిమిత్తం కొన్ని పరీక్షలు చేయాలని వైద్యుడు మిమ్మల్ని అడగవచ్చు. ఈ పరీక్షలు ప్రధానంగా  భోజనం తినక ముందు, తిన్న తర్వాత, గ్లూకోస్ ఎక్కువగా ఉండే చక్కర పానీయం సేవించిన తర్వాత రక్తంలో గ్లూకోస్ స్టాయిలెలా ఉన్నాయో తెలుసుకోవడానికి  చేస్తారు. రక్త ప్రసరణలో గ్లూకోస్ (చక్కర) గతి-గమనానికి సంబంధించి మీ శరీరసామర్థ్యం తెలుసుకోవడానికి కింది పరీక్షలు చేస్తారు. ఈ పరీక్షలు చేయడం వల్ల మీకు చక్కర వ్యాధి ఉన్నదీ లేనిదీ మీకు మరియు మీ డాక్టర్ కు నిర్ధారణ అవుతుంది. ఒకవేళ చక్కర వ్యాధి ఉంటే అది ఏ టైపు చక్కర (డయాబెటిస్) వ్యాధియో మీ వైద్యుడు గుర్తించడానికి ఈ పరీక్షలు ఉపకరిస్తాయి. ఆ ప్రకారం, వైద్య సాయము పొందడానికి అవకాశం ఉంటుంది.

ప్రమాద కారకాలు

పైన చెప్పినట్లుగా, మధుమేహం యొక్క ఖచ్చితమైన కారణం తెలియదు. కానీ చక్కర వ్యాధిని బహుశా మరింత తీవ్రతరం చేయడానికి అనేక కారకాలు ఉన్నాయి. ఈ ప్రమాద కారకాలలో కొన్ని:

• అనారోగ్యకరమైన ఆహారం
• వంశపారంపర్యంగా మధుమేహం ఉన్న కుటుంబపూర్వీకుల చరిత్ర
• ఎపుడూ కూర్చునే ఉండేటువంటి (సెడెంటరీ) జీవనశైలి
• అధిక బరువు ఉండటం
• గర్భం
• వయసు
• కొన్ని మందులు
• అసాధారణంగా ఉండే అధిక కొలెస్ట్రాల్ స్థాయిలు

పేర్కొన్న ఈ హాని కారకాలు ఏవైనా, లేదా అన్నీ కూడా కలిగి ఉండటం వలన మీకు చక్కెరవ్యాధి రానే వస్తుందని అర్థం కాదు.

చక్కెరవ్యాధి నిర్ధారణ - 

మీకున్న వ్యాధి  లక్షణాలను బట్టి, రక్త నమూనాల పరీక్ష ద్వారా డాక్టర్ మీకు ఏ రకమైన చక్కర వ్యాధి (అంటే టైప్ 1, టైప్ 2, ప్రిడయాబెటిస్, గర్భధారణ, జువెనైల్ లేదా లాడా-LADA) ఉండేదీ నిర్ధారిస్తారు. 

కెమిస్ట్ దుకాణాలలో లభించే వైద్య సాధనాలతో వ్యాధి   స్వీయ-నిర్ధారణకు పోకుండా డాక్టర్లసహాయం తీసుకొని కింది అత్యవసర పరీక్షలను పూర్తి చేయండి. మీరలా స్వీయ-నిర్ధారణ పరీక్షలు చేసుకుంటే అందులో లోపాలు ఉండే అవకాశం చాలా ఉంటుంది, తద్వారా, మీ రక్తంలో అధిక గ్లూకోజ్ స్థాయిలను గుర్తించడంలో  విఫలమయ్యే అవకాశాలు ఎక్కువగా ఉన్నాయి. కనుక, కింది కనబర్చిన అత్యవసర పరీక్షలను పూర్తి చేయడంలో నిపుణులైన వైద్యులు లేదా ఈ వైద్యపరీక్షలను నిర్వహించడంలో వృత్తికారులైనవారి సహాయం తీసుకోవాలని వైద్యులు మీకు సిఫార్సు చేస్తున్నారు.

• పరగడుపు షుగర్ పరీక్ష: 
  షుగర్ వ్యాధి నిర్ధారణలో ఈ పరీక్ష చాలా ప్రాథమికమైంది. ఉదయాన్నే పరగడుపుతో (అంటే ఉదయమే ఏమీ తినకుండా, తాగకుండా ఖాళీ కడుపుతోనన్న మాట) చేయించుకోవాల్సిన పరీక్ష. (కనీసం 9 నుంచి 12 గంటల వరకూ ఏమీ తినకుండా ఉండాలి.) ఉదయాన్నే కనీసం నీరు కూడా తాగకుండా ఈ పరీక్షకు మీరు వెళ్లవలసి ఉంటుంది. దాహం తట్టుకోలేక పొతే కేవలం కొన్ని గ్రుక్కెళ్ల మంచినీళ్లు తాగండి. ఈ పరీక్షపరగడుపు స్థితిలో మీ రక్తంలో ఎంత చక్కర ఉండేదీ నిర్ధారిస్తుంది.
  
  ఈ పరీక్షలో 99 ఎం జి./డిఎల్ లకు తక్కువగా రీడింగ్ ఉన్నట్టయితే మీకు షుగర్ నిల్వలు సాధారణంగా ఉన్నాయని చక్కర వ్యాధి లేనట్టేనని అర్థం.  100 నుంచి 120 ఎం జి./డిఎల్ లకు మధ్య మీ రీడింగ్ ఉంటే గనుక చక్కెర వ్యాధికి చేరువలో మీరున్నారన్న మాటే. 126 ఎం జి./డిఎల్ లకు మించి మీ రీడింగ్ ఉంటే మీకు చక్కర వ్యాధి ఉందని నిర్ధారించుకోవచ్చు.
•  
• రాండమ్ ప్లాస్మా  గ్లూకోజ్ పరీక్ష:
  వైద్యుడు ఈ ‘రాండమ్ ప్లాస్మా గ్లూకోజ్ పరీక్ష’ ను భోంచేసిన తర్వాత రోగి రక్తంలో చక్కరనిల్వలు పెరిగాయేమో తెలుసుకోవడానికి నిర్వహిస్తారు. ఈ పరీక్షకు రక్తం నమూనాలను ఇవ్వడానికి మీరు ఎప్పడైనా వెళ్ళవచ్చు ఖాళీ కడుపు లేదా ఉపవాసంతో పోవాల్సిన అవసరం లేదు. ఈ పరీక్షలో 200 mg/dl పైన రీడింగ్ ఉన్నట్లయితే  మీకు డయాబెటీస్ ఉన్నట్లేనని సూచిస్తుంది.
   
• భోజనానంతర రక్త-గ్లూకోజ్ పరీక్ష -
  భోజనానికి తరువాత రక్తంలో చక్కెర స్థాయిలను ఖచ్చితంగా  తెలుసుకోవడం కోసం డాక్టర్ ఈ పరీక్ష నిర్వహిస్తారు. ఈ పరీక్ష భోజనం తినడం అయ్యాక సరిగ్గా 2 గంటలకు చేస్తారు. ఈ ప్రత్యేక పరీక్షలో భోజనంఅనంతరం శరీరంలో రక్తం-చక్కెర స్థాయిల సర్దుబాటును అంచనా వేయటానికి డాక్టర్లు నిర్వహిస్తారు. ఈ పరీక్షలో చక్కర స్థాయిలు సాధారణంగా  పెరగనూ వచ్చు లేదా చాలా తక్కువగా కూడా నమోదు కావచ్చు. ఆరీడింగ్ ని బట్టి డాక్టర్ రోగికి నిర్దిష్ట ఔషధాలను నిర్ణయిస్తారు.
   
• HbA1C పరీక్ష: 
  చక్కర కాయలా నిర్ధారణ, దాని చికిత్సలో HbA1C పరీక్ష ప్రముఖ పాత్ర వహిస్తుంది. ఈ పరీక్ష 3 నెలల్లో (90 రోజులు) సగటు రక్త చక్కెర స్థాయిలను సమర్థవంతంగా లెక్కిస్తుంది. ఈ పరీక్ష కోసం మీరు భోంచేసి వెళ్ళచ్చు. ఉపవాసం ఉండి పోనవసరం లేదు.  ఈ 90 రోజుల్లో మీ చక్కెర స్థాయిలలో వచ్చే హెచ్చు-తగ్గుల సగటు లెక్కించబడుతుంది. దాని ప్రకారం మీరు షుగర్ పేషెంట్ అవునా కాదా అని డాక్టర్ నిర్ణయిస్తారు. ఏదేమైనప్పటికీ, వయస్సు, ఈ పరీక్షా సమయంలో వ్యక్తి వయసు, లింగం, జాతి మరియు కొన్ని వైద్య పరిస్థితులు వంటి కొన్ని పరమితులను వ్యాధి నిర్ధారణకు ఆధారంగా వైద్యులు తీసుకుంటారు. రక్తహీనతతో బాధపడుతున్న వ్యక్తులు ఈ HbA1C పరీక్షను తీసుకున్నా ఖచ్చితమైన రీడింగ్ రాక రోగ నిర్ధారణ జరుగదంటున్నారు. ఈ పరీక్ష ప్రకారం, 1 నుంచి 5.7 శాతం వరకు రీడింగ్ ఉన్నవారికి చక్కర సాధారణంగా ఉన్నట్టు లెక్క. 5.8 నుండి 6.4 శాతం వరకు ఉన్నవారు చక్కర వ్యాధి అంచున ఉన్నట్టు అంచనా. 6.4 శాతం అంతకు మించి రీడింగ్ కలిగినవారిని చక్కర కాయిలా లేదా డయాబెటిస్ వర్గానికి చెందిన వారుగా నిర్ధారిస్తారు. 

ఇక్కడ గుర్తుంచుకోవాల్సింది ఏమంటే నిపుణులైన వైద్యుల పర్యవేక్షణలోనే ఈ పరీక్షలుచేయించుకుని వ్యాధి నిర్ధారణ చేసుకుని చికిత్స తీసుకోవాలి.

చక్కర వ్యాధికి చికిత్స 

చక్కర వ్యాధి (మధుమేహం లేదా డయాబెటిస్) దీర్ఘకాలికమైనది  అయితే మధుమేహం చికిత్స క్లిష్టమైనదన్నఉద్దేశ్యంలో అర్థం చేసుకోకండి. ఈ రోగానికి సంబంధించిన నిజమేమంటే సరైన మార్గాలను అనుసరించి రోగి ఈ వ్యాధిని అధిగమించ వచ్చు.

• చికిత్సలో వైవిధ్యం 
  చక్కర వ్యాధికి చికిత్స ఆ వ్యక్తికి ఉన్న వ్యాధి ఉధృతిని బట్టి ఉంటుంది. షుగర్ వ్యాధి రకాలైన  టైప్ 1, టైప్ 2, గర్భధారణ మధుమేహం అనుసరించి చికిత్స ఉంటుంది.
   
• చికిత్సను త్వరగా ప్రారంభం అయ్యేట్లు చూడండి 
  డయాబెటిస్ కు  ఔషధ చికిత్స సాధ్యమైనంత త్వరలో ప్రారంభం కావాలి. ఎంత త్వరగా మందులు తీసుకుంటే అంత త్వరగా ఈ రోగం నుండి బయట పడవచ్చనేది డాక్టర్ల అభిప్రాయం.
   
• ఔషధ సమ్మతి:
  ఔషధ సమ్మతి: చక్కర వ్యాధి చికిత్సా సమయంలో సరైన పథ్యం (అంటే తినాల్సినవి తింటూ తినకూడనివి తినకుండా ఉండడమన్నమాట) ఉండాలి. రోజువారీ మందులు సరైన సమయంలో క్రమబద్ధంగా తీసుకోవడం తప్పనిసరి.  పథ్యం పాటించక పోయినా, సరైన మోతాదులో క్రమంగా మందులు తీసుకోకపోయినా రక్తంలో చక్కెర స్థాయిలు, ఆకస్మికంగా పడిపోవటం లేదా పెరగడం జరిగి వ్యాధి ఉధృతమయ్యే ప్రమాదం ఉంది.
   
• ఆహార సేవనంలో (డైట్) సవరణ 
  ఆహార సేవనంలో (డైట్) సవరణ - తక్కువ చక్కెర, తక్కువ పిండి పదార్థాలు మరియు అధిక పీచు (ఫైబర్) పదార్థాలుండే ఆహారంతోపాటు తరచుగా చిన్న భోజనం (రోజుకు 6 భోజనాలు) తినడం మధుమేహం నిర్వహణలో చాలా ముఖ్యమైనది. ఇది ఎంత ముఖ్యమంటే మనం గాలి పీల్చడం-వదలడమంతటి  ముఖ్యమన్నమాట.
   
• భౌతికమైన చర్యలు 
  పరిశోధనలు తీవ్రంగా హెచ్ఛరించేదేమంటే, మందకొడి జీవనం, కదలకుండా ఎపుడూ ఒకే చోట కూర్చుని పనిచేయడం వంటి ఇతర అనారోగ్య జీవనశైలి కారణంగా చక్కర వ్యాధి తీవ్రతరం అవుతుంది అని. అందువల్ల ఈత (స్విమ్మింగ్), జాగింగ్, సైక్లింగ్, యోగ మరియు జిమ్మింగ్ వంటి వ్యాయామాది కార్యకలాపాలను స్వీకరించడం ఉత్తమం. దానివల్ల రక్తంలో చక్కెర స్థాయిలను చాలా మేరకు నియంత్రించడం జరిగిందని  నిరూపించబడింది.

‘టైపు 1 డయాబెటిస్’ కు చికిత్స:

ఒకటోరకం చక్కర వ్యాధి లేదా ‘టైపు 1 డయాబెటిస్’కి చికిత్స అనేది ఒక క్రమశిక్షణా విధానం.  ఈ విధానంలో రక్తంలో గ్లూకోజ్ స్థాయిలను సాధారణంగా వివిధ సమయ వ్యవధిలో పర్యవేక్షించడం (ఒక చార్ట్ తయారు చేయబడుతుంది). రక్తంలో షుగర్ స్థాయిలను బట్టి ఇన్సులిన్ ను అనేక సార్లు ఇంజెక్ట్ చేయబడుతుంది. అదనంగా, నియంత్రిత ఆహారం మరియు వ్యాయామ పద్ధతులను పాటించడం ద్వారా ‘టైప్ 1 మధుమేహం’ రోగ నిర్వహణ మరియూ నియంత్రణ చేయవచ్చు. టైప్ 1 మధుమేహం ఎక్కువగా పిల్లలు మరియు యుక్తవయస్కులు (జువెనైల్ డయాబెటిస్ అని పిలుస్తారు) లో గుర్తించబడుతున్నందున వైద్యులు, తల్లిదండ్రులు, సంరక్షకులు, నర్సులకు చెప్పేదేమంటే పిల్లలకు జాగ్రత్తగా మందును "ఇంజెక్ట్” చేయడం నేర్చుకోవాలి. ఇంజక్షన్ అంటే పిల్లల్లో భయాన్ని పోగొట్టి సాధ్యమైనంత తక్కువ నొప్పితోనే వారికిఇంజక్షన్ చేయడం నేర్చుకోవాలి.

రెండో రకం చక్కర వ్యాధి లేదా ‘టైపు 2 డయాబెటిస్’ కు చికిత్స

టైప్ 2 డయాబెటిస్ ఉన్నవారి రక్తంలో చక్కెర స్థాయిలను నియంత్రించటానికి తరచుగా ఆహారం మార్పులను, వ్యాయామాలు మరియు ఔషధాల సేవనం సూచించడం ద్వారా డాక్టర్లుచికిత్స చేస్తారు. డాక్టర్ సిఫారసుపై టైప్ 2 ఉన్న వ్యక్తులకు ఇన్సులిన్ ఇంజెక్షన్లు కూడా అవసరమవుతాయని గమనించబడింది. అందువల్ల టైప్ 2 డయాబెటిస్ను వైద్యులు ముందుగా  గుర్తించినప్పుడు, సదరు వ్యక్తి లేదా రోగి చురుకుగా చర్యలు తీసుకోవాలి మరియు ఆహారపు అలవాట్లను మార్చాలి, జాగింగ్, సైక్లింగ్ మరియు ఈత వంటి వ్యాయామాలను చేపట్టాలి. ఇవి చేస్తూనే బ్లడ్-గ్లూకోస్ స్థాయిలను కాలానుగుణంగా క్రమబద్ధంగా తనిఖీ చేకుంటూ ఎట్టి పరిస్థితుల్లోనూ వ్యాధి మరింత ముదరకుండా చూసుకోవడం చాలా ముఖ్యం. ఇలా వ్యాధిని  సాధ్యమైనంత త్వరగా నయం చేసుకోవాలి.

అపోహలు పై నవీన్ గారు సలహాలు - చక్కెరవ్యాధి ఉన్నవారు ఏమి తినాలి మరియు వ్యాధికి జీవనశైలి చిట్కాలు - Myths - what to eat & lifestyle tips for diabetics 

షుగర్ వ్యాధి (డయాబెటిస్) కి మరియు ఆహారాలకు సంబంధించిన 5 ప్రముఖ అపోహలు

స్వల్ప ప్రమాణంలో, రోజుకు మూడుసార్లకు బదులు, చాలా సార్లు భోజనం చేయడం చాలా బాగుంటుంది. చక్కెరవ్యాధి విషయంలో ఆహారపుటలవాట్ల గురించి సామాన్యంగా ఉన్న కొన్ని అపోహల్ని తొలగించుకునేందుకు ముందుకు చదవండి. చక్కెరవ్యాధితో ఉన్నవారు ఏమి తినాలో తెలుసుకోండి.

అపోహ 1: పూర్తిగా కార్బోహైడ్రేట్లను ఆపేయడం

వాస్తవం: కార్బోహైడ్రేట్లు తీసుకోవటాన్ని ఆపటం ద్వారా మనము శరీరం యొక్క వ్యవస్థను  బలహీనమైపోయేట్టు మరియు అలసట, నిస్సత్తువ మరింత ఎక్కువ అయ్యేట్టు చేస్తాము. వాస్తవానికి, వోట్మీల్, గోధుమ బియ్యం, సంపూర్ణ గోధుమ రొట్టె, బహుళ-గింజల ఆహారాలు, చియా విత్తనాలు, అవిసె గింజలు, సెమోలినా, అటుకుల అన్నం వంటి అధిక ఫైబర్ కల్గిన పిండి పదార్థాలు తినడం వల్ల మీకు శక్తిని పెంచడమే కాక మలబద్దకం నుండి మిమ్మల్ని రక్షిస్తాయి.

అపోహ 2: స్వీట్లు తినడం పూర్తిగా ఆపేయ్!

వాస్తవం: మీరు మీ రక్తంలో చక్కెర స్థాయిని బాగా నియంత్రించుకోగల్గితే మీరు తీపి పదార్థాలను (కొద్ధి కొద్ధిగా అందిస్తారు) అపుడపుడూ తీసుకోవచ్చు. తీపి తినాలన్న మీ కోరికలకు పండ్లు ఓ మంచి ప్రత్యామ్నాయం. పండ్లలో ఉండే సహజ చక్కెరలు "ఫ్రూక్టోజ్" శుద్ధిచేసిన చక్కెరల నుంచి తయారైన తీపి వంటకాలకు  మరియు బేకరీ ఉత్పత్తులకు మంచి ప్రత్యామ్నాయం. కానీ కొన్ని పండ్లు చాలా ఎక్కువ పాళ్లల్లో చక్కెర (గ్లైసెమిక్ ఇండెక్స్) ను కలిగి ఉన్నందున పండ్లను కొద్ది కొద్ధి పరిమాణాల్లో సేవించడం మంచిది. తీపి పదార్థాలను తినేందుకు ముందుగా మీ శరీరంలో రక్తం- గ్లూకోజ్ స్థాయిలను తనిఖీ చేసుకోండి.

అపోహ 3: మూడు సార్లు మాత్రమే భోజనం తినండి

వాస్తవం: షుగర్ వ్యాధి నిపుణులైన డాక్టర్లు (ఎండోక్రినాలజిస్ట్స్) చెప్పేదేమంటే రోజుకు కేవలం 3 సార్లకు బదులు తక్కువ వ్యవధుల్లో (small intervalls) ఆరు సార్లు కొద్ధి కొద్ది పరిమాణంలో భోంచేయమని. దీనివల్ల మీరు తరచుగా ఆకలిగొనడం అనే సమస్యే ఉండదు. ఇంకా, మీ చక్కర వ్యాధిని మీరు సమర్థవంతంగా నిభాయించగలుగుతారు.     

అపోహ 4: సలాడ్లు (పచ్చి కూరగాయల ముక్కలు) తింటే మాత్రమే మధుమేహం వేగంగా నియంత్రించబడుతుంది

వాస్తవం: నిజానికి రక్తంలో చక్కెర స్థాయిలను చక్కబెట్టడం కోసం సమతుల్య భోజనం తినడం చాలా ముఖ్యం. నిపుణులు చెప్పేదేమంటే ‘ప్లేట్ పద్దతీ’ లో భోంచేయమని. అంటే   మీ ప్లేట్ లో సగభాగం సలాడ్లు మరియు పండ్లుతో నిండి ఉండాలి. ఇంక, మీ ప్లేట్ పాతిక భాగం కోడి మాంసం, చేప, కాటేజ్ చీజ్,పప్పులు మరియు తక్కువ కొవ్వు ప్రోటీన్లుఆ కల్గిన ఆహార పదార్థాలు నిండి ఉండాలి. ఇంక మిగిలిన పాతిక భాగం ప్లేట్ తక్కువ కార్బోరేట్లు కల్గిన రొట్టె, చపాతీలు, వివిధ గింజలతో తయారైన బ్రెడ్, బ్రౌన్ బియ్యం, అటుకులు కావచ్చునంటున్నారు నిపుణులు.

అపోహ 5: మీరు షుగర్ మందులు తీసుకుంటుంటే, మీకు నచ్చినది ఏదైనా తినొచ్చు.

వాస్తవం: మధుమేహ నిర్వహణ క్రమశిక్షణగా తినడం పై ఆధారపడి ఉంటుంది. ఔషధాల సేవనం రక్తంలో గ్లూకోస్ ను నిల్వ చేయడానికి, గ్లూకోజ్ ను ఉపయోగించుకొని విష పదార్థాలను వేరుచేయడానికి ఉపయోగపడుతుంది. మీరు ఔషధాలను తీసుకుంటున్నాను గదా అని ఎక్కువగా తినడం లేదా తాగడం కూడదు. బాధ్యతారాహిత్యంగా తినడంవల్ల రక్తంలో చక్కెర స్థాయిలను మరింత పెంచే ప్రమాదం ఉంది.

చక్కెరవ్యాధి ఉపద్రవాలు -

మీకు తెలుసా? రక్తంలో నిరంతరం పెరిగిపోతుండే చక్కర స్థాయిలు శరీరంలోని ఇతర ముఖ్య అవయవాలకు చేటు చేస్తాయని? అందుకే "చక్కర వ్యాధి మరింతగా   ప్రేరేపితమయ్యే ఆరోగ్య పరిస్థితిని తెచ్చుకోకు" అంటూ మీ వైద్యులు, మీ శ్రేయస్సు కోరే ఆప్తులైన మీ కుటుంబ సభ్యులు సతతం పట్టు బట్టి మరీ మీకు చెబుతూనే ఉంటారు. సుమారు 15 నుండి 20 ఏళ్ళ దీర్ఘ కాలంపాటు చక్కర వ్యాధితో జీవిస్తున్నవారికి చక్కర వ్యాధి  (ప్రభావం ఇతర అవయవాల పై బడి) వారికి మరికొన్ని జబ్బులు దాపురింపజేస్తాయని పరిశోధనలు చెబుతున్నాయి. చక్కర వ్యాధిని సరిగా నియంత్రించని పక్షంలో దాని ప్రభావం వల్ల ఏఏ శరీర భాగాలకు ప్రమాదమేర్పడుతుందో ఇపుడు తెలుసుకుందాం.    

కళ్ళు

నియంత్రించబడని మధుమేహం వలన, ముఖ్యంగా టైప్ 1 మరియు టైప్ 2 డయాబెటిస్ తో నివసించే వ్యక్తుల్లో, కళ్ళ నరాలు ఎక్కువగా బాధింపబడతాయి. కంటి నాడీ కణాలపై చక్కర వ్యాధి దాడి కారణంగా 'డయాబెటిస్ రెటినోపతీ', గ్లవుకోమా, కంటిశుక్లం వంటి తీవ్రమైన డయాబెటిక్ సంబంధమైన కళ్ల సమస్యలు ఉత్పన్నమవుతాయి. దృష్టిని పూర్తిగా కోల్పోయే ప్రమాదం కూడా సంభవించవచ్చు.    

• డయాబెటిస్ రెటినోపతీ' పరిస్థితి వల్ల కంటిలో ఉన్న రెటీనా రక్తనాళాలు చిట్లడం, గడ్లు కట్టడం వంటివి జరిగి అంతర్గత రక్తస్రావానికి కారణమవుతుంది. తత్ఫలితంగా పూర్తి దృష్టి నష్టం వచ్చే ప్రమాదమూ ఉంది.
• గ్లవుకోమా-పరిస్థితిలో కంటి కండరాల లోపల ఒత్తిడి కారణంగా మెదడు కణాలకు అనుసంధానించబడిన నరాలు  దెబ్బతింటాయి. మధుమేహం లేని వ్యక్తులకు కూడా గ్లాకోమా సంభవిస్తుంది, కాని మధుమేహం సరిగ్గా నియంత్రించి, నిర్వహించబడకపోతే చక్కర వ్యాధి మరింత విషమించే ప్రమాదం ఉందని పరిశోధనలు చెబుతున్నాయి.
• కంటిశుక్లం లేక కంటి పొర ఏర్పడడం.   కంటి యొక్క సహజ కటకాలు సన్నని పొరను ఏర్పరుస్తాయి. అందువల్ల  దృష్టి చాలా మందగిస్తుంది. మధుమేహం లేని వారిలో కంటే మధుమేహం ఉన్నవారికి ఈ కంటిశుక్లం లేక 'కంటి పొర ఏర్పడడమనే సమస్య  5 రెట్లు ఎక్కువగా ఉన్నట్లు అధ్యయనాలు సూచిస్తున్నాయి.
• డయాబెటిస్ మాక్యులర్ ఎడెమా' - ఇది కంటి రెటీనాలో ఉండే మక్లలా ప్రాంతంలో మంట, వాపు కలిగి ఉన్న డయాబెటిస్ రెటినోపతి యొక్క ప్రగతిశీల రూపం.

మీకు డయాబెటిస్ ఉన్నట్లయితే, ప్రతి ఆరునెలలకు ఒకసారి మీ కళ్లను వైద్యుల చేత పరీక్షింపచేసుకోవాలని నిపుణులు సిఫార్సు చేస్తున్నారు. కళ్ళు పొడిబారిపోవడం, కళ్ళ వెంట ఎక్కువగా  నీరుగారడం, కళ్ళ దురద, కళ్ళు ఎరుపెక్కడం దృష్టిలోపాలేర్పడడం వంటి లక్షణాలు కానవచ్చినట్లైతే ఏమాత్రం ఆలస్యం లేకుండా మీరు వైద్యుడిని సంప్రదించాలి.

ఓరల్ హెల్త్/నోటి పరిశుభ్రత 

నియంత్రణ లేని  చక్కర వ్యాధి మరియు పేలవమైన నిర్వహణ వల్ల వివిధ నరాల వ్యాధులకు, నోటి ఇన్ఫెక్షన్లకు  దారితీస్తుంది. ఇంకా, నోటిలో చిగుళ్ళు, దంత సమస్యలకు దారితీస్తుంది. అధిక గ్లూకోజ్ (చక్కెర) స్థాయిలు మీ నోటి కుహరంలో ప్రమాదాన్ని కలిగిస్తాయి. చక్కర వ్యాధిని సరిగా నిర్వహించి నియంత్రించకపోతే దవడలు, దంతాలు, నోటి ప్రాంతం, నాలుక మరియు మొత్తం నోటి ఆరోగ్యం పాడైపోయే ప్రమాదముంది. నోటిలో బ్యాక్టీరియల్ మరియు ఇతర వ్యాధికారకాలైన క్రిములు చోటు చేసుకోవడం వల్ల జింజివిటిస్, కండోవిటిస్, కాన్డిడియాసిస్, పియోరియా వంటి వ్యాధులకు, చెడు శ్వాస మరియు పొడి లేదా బర్నింగ్ సమస్యలు వంటి పరిస్థితులకు దారితీస్తుంది.

చక్కర వ్యాధికి గురైన వారు సరైన నోటి పరిశుభ్రతని పాటించాలని వైద్యులు సిఫార్సు చేస్తున్నారు. పళ్ళపై ఫలకాన్ని ఏర్పరుచుకోకుండా రోజుకి కనీసం రెండుసార్లు బ్రష్ చేయాలి. ఆహారపు కణాలతో కూడిన లవణంలో గ్లూకోజ్ ఉన్నందున పళ్ళపై ఫలకం ఏర్పడుతుంది, ఇది పళ్ళపై పొరను ఏర్పరుస్తుంది. ఈ పొర బాక్టీరియాకు ఆలవాలమై గింజివిటిస్ మరియు పార్డోంటైటిస్ వంటి వ్యాధులకు దారితీస్తుంది. ఇంకా, నోటి గాయాలు, పూతల సమస్యను ఎదుర్కొంటుంటే, 5-7 రోజులైనా అవి మానక పొతే తక్షణమే దంతవైద్యుడిని సందర్శించమని వైద్య నిపుణులు హెచ్చరిస్తున్నారు. చక్కెర వ్యాధితో బాధపడే వారు ఆరునెలలకు ఒకసారి దంత వైద్యులచేత తనిఖీ  చేయించుకోవడం అనివార్యం.

హృదయం:

మధుమేహం ఉన్నవారు ఆ వ్యాధి లేనివారికంటే గుండెసంబంధమైన వ్యాధుల బారిన పడే ప్రమాదం మూడు నుంచి నాలుగు రేట్లు ఎక్కువ ఉంది. స్ట్రోక్స్ మరియు కార్డియోవాస్కులర్ వ్యాధులు బారిన పడే ప్రప్రమాదం హెచ్చు. కనుక,ఓరల్ హెల్త్ జాగ్రత్తలు, ప్రత్యేకించి టైప్ 2 మధుమేహం ఉన్న వారికి తప్పనిసరి. తరచుగా చక్కెర వ్యాధి ఎక్కువగా ఉన్నవారు అధిక రక్తపోటు, అధిక స్థాయి కొలెస్ట్రాల్, అధిక స్థాయి ట్రైగ్లిజరైడ్స్ మరియు ఊబకాయం కలిగి ఉండటం సాధారణం, మరి అలంటి వారికి గుండె జబ్బులు లేదా స్ట్రోక్లు వచ్చే అవకాశం ఎక్కువని వైద్యులు హెచ్చరిస్తున్నారు.

మధుమేహం కారణంగా గుండె కండరాలు, రక్త నాళాలు, మరియు నరాలు బలహీనపడతాయి. చివరకు గుండె జబ్బులకు దారితీసే అవకాశం ఉంది. అధిక ట్రైగ్లిజరైడ్స్ (కొవ్వులు) తో పాటుగా నియంత్రించని మధుమేహం (హై ఎటమాటిక్ బ్లడ్ గ్లూకోస్ స్థాయిలు) హృదయ సంబంధిత సమస్యలను మరింతగా కలిగించే ప్రమాదం ఉందని వైద్య పరిశోధనలు సూచిస్తున్నాయి.  

చక్కెర వ్యాధితో బాధపడే వారు జీవనశైలిని పూర్తిగా మార్చుకోవాలని, మంచి అలవాట్లు ఏర్పరచుకోవాలి అని, మద్యం మరియు పొగాకు తీసుకోవడం తగ్గించడం తప్పని సరి అని వైద్యులు సిఫార్సు చేస్తున్నారు. దీనివల్ల మీ రక్తంలో గ్లూకోజ్ (చక్కెర) స్థాయిలు సమతుల్యం చేయబడతాయి. అంతే కాక మార్చుకున్న మీ జీవనశైలి వివిధ హృదయ వ్యాధుల నుండి మిమ్మల్ని రక్షిస్తుంది అంటున్నారు వైద్యులు.

కిడ్నీ మరియు పిత్తాశయం

రక్తంలో అధిక గ్లూకోజ్ (చక్కెర) స్థాయిలు మన శరీర వడపోత వ్యవస్థ (మూత్రపిండాలు మరియు మూత్రాశయం) కు గొప్ప ముప్పును కలిగిస్తాయి. మన శరీరంలో మూత్రపిండాలు మరియు మూత్రాశయం మన శరీరం నుండి అన్ని వ్యర్థాలను తొలగించడానికి సహాయపడతాయని తెలుసు. నియంత్రించని మధుమేహంతో, మూత్రపిండాల యొక్క రక్త నాళాలు దెబ్బతింటాయి, తద్వారా, మన శరీర వడపోత వ్యవస్థకు ముప్పు వాటిల్లుతుంది. కనుక చక్కెరవ్యాధి ఉన్నవారు తమ మూత్రపిండాలు మరియు మూత్రాశయం ఆరోగ్యం పట్ల శ్రద్ధ వహించాలని పరిశోధనలు చెబుతున్నాయి. మూత్రపిండాలకు సంబంధించిన వ్యాధులను ప్రారంభ దశలోనే పరీక్షల ద్వారా కనుగొని చికిత్స చేయకపోతే ప్రాణాంతక ప్రమాదమని వైద్యులై చెప్తున్నారు. మూత్రపిండాల వ్యాధుల లక్షణాలైన రాత్రుల్లో పలుసార్లు మూత్రవిసర్జనకు పోవాల్సి రావడం, మూత్రానికి పొయ్యేటపుడు మంట పుట్టడం, మూత్ర పరిమాణం గణనీయంగా తగ్గినా గాని లేదా పాదాలు, మడిమల్లో (మిడి-పాదాలు) వాపు రావడం మీరు గమనించినట్లయితే వెంటనే డాక్టర్ ని సంప్రదించడం చాలా అవసరం.    

లైంగిక ఆరోగ్యం

చక్కర వ్యాధి కల్గిన వారు-పురుషులు మరియు మహిళలు ఇద్దరూ కూడా- తమ లైంగిక ఆరోగ్య విషయంలో ప్రతికూల సమస్యలను ఎదుర్కొంటారు. చక్కెరవ్యాధున్న పురుషులకు అంగస్తంభన, నపుంసకత్వము, లిబిడో నష్టం, అకాల స్ఖలనం మరియు ఆలస్య స్ఖలనం వంటివి దాపురిస్తాయి. పది నుంచి పదిహేను సంవత్సరాల కన్నా ఎక్కువ కాలం  మధుమేహం కలిగిన 50% పురుషులు అంగస్తంభన నుండి బాధపడుతున్నారని గణనీయమైన అధ్యయనాలు చెబుతున్నాయి. అంగస్తంభనతో బాధపడుతున్న పురుషులు తరచుగా హృదయ సంబంధ వ్యాధులకు గురవుతున్నారని పరిశోధకులు గుర్తించారు.

దీనికి విరుద్ధంగా మహిళలు, ముఖ్యంగా టైప్ 2 డయాబెటిస్ కు లోనైనవారు హార్మోన్ల అసమతౌల్యంతో బాధపడుతున్నారు. పిసిఒఎస్ (పాలీసిస్టిక్ అండాశయ సిండ్రోమ్) వంటి వ్యాధులు తరచుగా మధుమేహంతో అనుసంధానించబడి ఉంటాయి, ఇది (పాలీసిస్టిక్) మహిళల్లో వంధ్యత్వానికి ప్రధాన కారణం. మధుమేహం కారణంగా సంభవించే కొన్ని ఇతర సాధారణ పరిస్థితులేవంటే పొడి యోని , లైంగిక కోరికలు లేకపోవడం, సెక్స్ సమయంలో నొప్పి, మరియు ఉద్రేకం ఇబ్బందులు.

లైంగిక సమస్యలకు పురుషులు మరియు మహిళలు కూడా వైద్యుడుని సంప్రదించాలి. దీనివల్ల లైంగిక ఆరోగ్యానికి   సంబంధించిన చీకు చింతలు సులభంగా తగ్గటానికి ఎన్నో పరిష్కారాలు లభిస్తాయి. వైద్య టెక్నాలజీ మరియు తత్సంబంధ ఉత్పత్తులు, మందులు మరియు చికిత్సలు ఇటీవలికాలంలో ఎంతో పురోగమనం చెందాయి. అంగస్తంభన మరియు వంధ్యత్వం వంటి సమస్యలకు వైద్యులను సంప్రదించడం చాలా సహాయపడుతుంది. అయినప్పటికీ, చక్కెర వ్యాధి గలవారు రెగ్యులర్ గా  వ్యాయామం చేస్తూ రక్తంలో గ్లూకోజ్ స్థాయిల నియంత్రణకు శ్రద్ధ వహించాలని వైద్యులు సలహా ఇస్తున్నారు. అంగస్తంభన మరియు వంధ్యత్వం వంటి లైంగిక ఆరోగ్య సమస్యలను నివారించడానికి డాక్టర్లు షుగర్ పేషంట్లకు సిఫారసు చేసేదేమంటే రక్తంలో గ్లూకోజ్ స్థాయిలను నియంత్రిం చుకొమ్మని మరియు సాధారణమైన వ్యాయామం నిత్యం చెయ్యమని. దీనివల్ల లైంగిక సమస్యలు కూడా తలెత్తవని డాక్టర్లంటున్నారు.      

మానసిక ఆరోగ్యం:

దీర్ఘకాలికంగా చక్కెర వ్యాధి ఉన్నవారు తరచూ భావోద్వేగ సంక్షోభానికి గురవుతారని మనస్తత్వవేత్తలు అంటున్నారు. మధుమేహమున్నవారు దేహారోగ్యంతో బాటు మానసిక ఆరోగ్యం కూడా బాగా చూసుకోవాలని పరిశోధనలు సూచిస్తున్నాయి. చక్కెర వ్యాధి ఉన్నవారు తమ తమ జీవితంలో సంతోషంగా సంతృప్తిగా ఉన్నయెడల తమ శరీరములో చక్కెర నిల్వల ను కూడా సమర్ధవంతంగా నియంత్రించుకుంటున్నారని పరిశోధనలు తెలుపుతున్నాయి. సంతోషంగా లేని చక్కెర వ్యాధి గ్రస్తులతో పోల్చి చూద్దాం వల్ల ఇది నిరూపితమైంది అని పరిశోధకులు తేల్చి చెబుతున్నారు. 

కుటుంబ సభ్యులు కూడా చక్కెర వ్యాధి ఉన్న తమవారికి మానసికంగా వెన్నుదన్నుగా నిల్చి, వారిని ఎప్పుడూ సంతోషంగా ఉండేట్లు చూసుకొని, తద్వారా, వారి రక్తంలో చక్కెర నిల్వల సమతౌల్యతకు తోడ్పడాలని డాక్టర్లు సిఫార్సు చేస్తున్నారు. జీవిత సుఖ-సంతోషాలను ఆస్వాదించడంలో చక్కెర వ్యాధి ఓ అడ్డంకి కాకూడదు మరి.  

చక్కెర వ్యాధి కొరకు మందులు

Medicine Name	Pack Si
Azulix Mf	Azulix Mf 1 Forte Tablet
Gluconorm G	Gluconorm-G 0.5 Forte Tablet P
Glisen Mf	GLISEN MF 1MG TABLET 1
Insugen	INSUGEN 30/70 40IU/10ML PFS
Glucoryl M	GLUCORYL M 0.5MG TABLE
Obimet Tablet	Obimet 1000 Mg Tablet S
Wosulin	WOSULIN 30/70 100IU CARTRIDGE 3M
Glimestar M	Glimestar M 1 Forte Tablet
Zoryl M	ZORYL M 0.5 TABL
Prichek	PRICHEK M1 FORTE TABLE
Glycinorm M	Glycinorm M 30 Od Tablet
Lupisulin M	LUPISULIN M 30 100IU INJECTION 10ML
Gluconorm Pg	GLUCONORM PG L 2 TABLET
Glyciphage Tablet	Glyciphage SR 1gm Tablet
Insugen R	INSUGEN R REFIL 100IU 3ML INJECTION
Blisto Mf	Blisto Mf 1 Mg/500 Mg Table
Glychek	GLYCHEK 40MG TABLE
Daonil	Daonil 2.5 Mg Table
Glynase Mf	Glynase MF Table
Mixtard	HUMAN MIXTARD 100IU INJECTIO
Glimestar Pm	GLIMESTAR PM 1 TABLE
Glimy	GLIMY 1MG TABLE
Glimy M	Glimy M 0.5 Table
Glycomet Gp	Glycomet GP 2 Tablet S
Glucoryl Mv	Glucoryl Mv 1 Tab

• ధన్యవాదములు 
• మీ నవీన్ నడిమింటి 
• మాతో అనుబంధం కలిగియున్న డాక్టర్లు
• మమ్మల్ని సంప్రదించండి
• డాక్టర్ గారూ, మాతో చేరండి

• గోప్యతా విధానము
• సేవల యొక్క షరతులు
• తిరిగి చెల్లింపు పాలసీ
• 
  
  

 
 
 

అస్వీకార ప్రకటన: ఈ సైటుపై లభ్యమవుతున్న మొత్తం సమాచారము మరియు లేఖనము కేవలం అవగాహనా ఆవశ్యకతల కొరకు మాత్రమే. ఇక్కడ ఇవ్వబడిన సమాచారమును ఏదైనా ఆరోగ్య సంబంధిత సమస్య లేదా అస్వస్థత నుండి కోలుకోవడానికి లేదా స్వస్థత కొరకు నిపుణుల సలహా లేనిదే ఉపయోగించుకోకూడదు. చికిత్స పరీక్షలు మరియు సేవల కొరకు ఎల్లప్పుడూ ఒక అర్హత పొందిన వైద్యుల సలహా తీసుకోవాలి.