కీళ్ల నొప్పి నివారణ అవగాహనా కోసం లింక్స్ లో చూడాలి

కాళ్ళ నొప్పులు ఉన్నాయా.. ఇలా చేయండి అవగాహనా కోసం నవీన్ నడిమింటి సలహాలు ..

శరీరంలో మనం ప్రతిరోజు ఎక్కువగా వాడే ముఖ్యమైన అవయవాలలో మోకాలు ఒకటి. నడుస్తున్నప్పుడు, పరిగెడుతున్నప్పుడు, మెట్లు ఎక్కేటప్పుడు, దిగేటప్పుడు మన మోకాలు చాలా ఒత్తిడిని భరిస్తుంది. దీంతో మోకాలికి శస్త్ర చికిత్స చేయించుకున్నవారికి నొప్పి ఎక్కువగా ఉండే అవకాశం ఉంటుంది. అన్ని వయసుల వారు మోకాలి నొప్పికి గురయ్యే అవకాశం ఉంటుంది. కానీ ఎముకల్లో గట్టిదనం లేకపోవడం వల్ల మోకాళ్ల నొప్పులు వస్తుంటాయి.

    

ప్రధానాంశాలు:

• అనేక కారణాలతో మోకాలి నొప్పులు
• మోకాళ్ళ నొప్పులను దూరం చేసే ఇంటి చిట్కాలు

వయసు పెరిగే కొద్దీ ఎముకల్లో క్షీణత కారణంగా మోకాలి నొప్పి ప్రమాదం కూడా పెరుగుతుంది. దీంతో చాలామంది మోకాలికి శస్త్ర చికిత్స చేయించుకుంటారు. భారత్‌లో ప్రతి ఏడాది 1.20 లక్షల మంది మోకాలి మార్పిడి ఆపరేషన్‌లు చేయించుకుంటున్నట్లు ఓ అధ్యయనంలో నిరూపితమైంది. గతంలో 60 ఏళ్ల, 70 ఏళ్లు వచ్చాయంటే కీళ్ల నొప్పులు, మోకాళ్ల నొప్పులు వచ్చేవి. కానీ ప్రస్తుత రోజుల్లో కేవలం 30 ఏళ్లు, 40 ఏళ్లకు కీళ్ల నొప్పులు వస్తున్నాయి. మోకాలి నొప్పి నుంచి బయటపడేందుకు వ్యాయామం మంచి ప్రత్యామ్నాయం. వారంలో కొన్నిరోజులు వ్యాయామాలు చేయడం వల్ల మోకాలి శస్త్ర చికిత్సను నివారించవచ్చు.

ముఖ్యంగా యువకులలో, క్రీడాకారులలో గాయాల వల్ల, స్థూలకాయుల్లో కీళ్లు, మోకాలి సమస్యలు ఎక్కువగా కనిపిస్తాయి. ఆస్టియో ఆర్థరైటిస్‌ అనేది మృదులాస్థి అరిగిపోవడం వల్ల సంభవిస్తుంది. వృద్ధాప్యంలో మృదులాస్థి అరుగుదల వల్ల అధిక బరువు మోకాలు భాగంలో నిర్ధిష్టమై ఈ సమస్య ఎక్కువవుతుంది. ఈ సమస్య ఉన్నవారికి ప్రారంభదశలో మెట్లు ఎక్కేటప్పుడు, నడిచినప్పుడు మోకాలు నొప్పి కలుగుతుంది. ఆ తరువాత క్రమేపి కీళ్ల వాపు, మోకాలు ఎర్రబడటం, బలహీనంగా తయారవడం, ఆ తరువాత భరించలేని నొప్పి మోకాలు మొత్తం వ్యాపిస్తుంది. ఈ ప్రక్రియ సుమారు 2-5 సంవత్సరాల వ్యవధిలో జరుగుతుంది. మోకాలు నొప్పి ప్రారంభంలో రోగులు ఫిజియోథెరపిస్ట్‌ సలహా మేరకు కొన్ని రకాల శారీరక వ్యాయామాలు చేస్తారు. మరికొందరు నొప్పి తగ్గడానికి పెయిన్‌ కిల్లర్స్ వాడతారు. ఇలా చేయడం వల్ల తరువాత దశలో వారు పెయిన్‌ కిల్లర్స్‌కి బానిస అవుతారు. ఈ మందులు ప్రారంభంలో కలిగే రోగలక్షణాల నుంచి ఉపశమనాన్ని ఇస్తాయి. వీటితో మూత్రపిండాలు పాడయ్యే ప్రమాదం ఉంది. ఇలా చేయడం వల్ల పూర్తిగా మోకాలుని మార్పిడి చేయాల్సిన ప్రమాదం ఏర్పడుతుంది.

ఈ సమస్యకు సమర్థమైన ప్లేట్‌లెట్‌ రిచ్‌ ప్లాస్మా(పీఆర్‌పీ) చికిత్స అందుబాటులోకి వచ్చేవరకూ మిగతా చికిత్సలు అంత ప్రభావాన్ని చూపించలేకపోయాయి. ఈ చికిత్స ద్వారా ఆపరేషన్‌ లేకుండానే శాశ్వత పరిష్కారం దొరకుతుంది. రోగుల రక్తాన్ని (20-30 మి.లీ) తీసుకొని, ఒక ప్రత్యేకమైన పరిజ్ఞానం కలిగిన పరికరంతో వృద్ధి కారకాన్ని సేకరిస్తారు. ప్లేట్‌లెట్స్‌లో చాలా వృద్ధి కారకాలు ఉన్నాయి. వీటిని దెబ్బతిన్న కణజాలంలోకి ఇంజెక్ట్‌ చేసినప్పుడు, దెబ్బతిన్న కణజాలాన్ని రిపేర్‌ చేయడానికి ఈ వృద్ధి కారకం సహాయపడుతుంది. ఈ చర్య ఆరోగ్యకరమైన కణజాలం పునరుత్పత్తి అయి, క్షీణించిన మృదులాస్థితో చేరి, దానిని ఆరోగ్యవంతమైన కణజాలంతో మరమ్మతు చేయడానికి సహాయపడుతుంది. ఈ విధానంలో ఏర్పడే నొప్పి, మంట తగ్గడానికి, మృదులాస్థి పూర్తి పునరుత్పత్తికి దాదాపు మూడు నెలలు పడుతుంది.
మోకాలి నొప్పిని తగ్గించే వ్యాయామం

సాధారణంగా మోకాలిని చాచే వ్యాయామం చేయడం ద్వారా మోకాలి చుట్టూ కండరాలు బలపడతాయి. అయితే మోకాలిని సరిగ్గా చాచకుంటే నొప్పి మరింత తీవ్రమయ్యే అవకాశముంది. ఈ వ్యాయామాన్ని ఎలాంటి సాధనం లేకుండా కేవలం కుర్చీని ఉపయోగించి చేయవచ్చు. ఈ వ్యాయామం వారానికి రెండు సార్లు చేయడం వల్ల మోకాలి బలం పెరిగి నొప్పి తగ్గే అవకాశాలున్నట్లు వైద్య నిపుణులు సూచిస్తున్నారు.

మోకీళ్లు అరిగిపోయే ఆర్థరైటిస్‌ సమస్య ఉన్నప్పుడు నొప్పి తగ్గించే మందులు వైద్యుల పర్యవేక్షణలోనే వాడాలి. వాటితో పాటు నొప్పిని పెంచే పనులు తగ్గించి, కీళ్లను బలపరిచే వ్యాయామాలు సాధన చేయాలి. మోకాళ్ల సమస్యలు ఉన్నవారు మెట్లు ఎక్కడం, ఏటవాలు ప్రదేశాల్లో నడవడం వంటి పనులు చేయకూడదు. ఏరోబిక్‌, జుంబా వ్యాయామాల్లో భాగంగా స్టెప్పర్‌ను వాడడం వల్ల కీళ్ల మీద ఒత్తిడి పెరిగి నొప్పులు పెరుగుతాయి. కాబట్టి ఈ పనులు మానుకోవాలి. అలాగే మోకాళ్లు వంచి చేసే పద్మాసనం, వజ్రాసనం వంటి యోగాసనాలు వేయకూడదు. నేల మీద బాసింపట్టా వేసి కూర్చోకూడదు.

మోకాలి నొప్పుల నివారణకు శశంకాసనం

శశంకాసనంతో వెన్నెముక సాగి, మెదడు విశ్రాంతి పొందుతుంది. మోకాళ్లు బలపడుతాయి. పొత్తికడుపులోని అవయవాలకు రక్త ప్రసరణ బాగా జరుగుతుంది. శరీరం మొత్తం విశ్రాంతి పొందడం వల్ల ఈ అనుభూతి శరీరం అంతటా తెలుస్తుంద

శశంకాసనం చేసే విధానం..

దండాసనంలో కూర్చోవాలి. నెమ్మదిగా వజ్రాసనంలోకి రావాలి. శ్వాస వదులుతూ రెండు చేతులను తలపైకి నిటారుగా చాపాలి. నెమ్మదిగా ముందుకు వంగుతూ చేతులను నేలపై ముందుకు చాపాలి. నుదుటిని నేలపైన ఆనించాలి. ఈ స్థితిలో సాధారణ శ్వాసతో 30 సెకన్ల నుంచి ఒక నిమిషం వరకు ఉండాలి. శ్వాస తీసుకుంటూ చేతులు, వీపును పైకి ఎత్తి వజ్రాసనంలో కూర్చోవాలి. శ్వాస వదులుతూ చేతులను శరీరానికి ఇరుపక్కలా ఉంచి దండాసనంలో కూర్చొని

కీళ్లనొప్పులు - ఆయుర్వేద పరిష్కారాలు నవీన్ సలహాలు 

కీళ్లనొప్పులు - ఆయుర్వేద పరిష్కారాలు

ఆయుర్వేదం అతిపురాతన భారతీయ వైద్యశాస్త్రం. ఇందులో జీవితానికి సంబంధించి చర్చించని విషయాలు లేవంటే అతిశయోక్తి కాదు.
 
 ‘కీళ్లనొప్పులు’ ప్రస్తుత కాలంలో అతిచిన్న (30-40) వయసులోనే మొదలవుతున్నాయి. ప్రస్తుత జీవన విధానంలో అనేక మార్పులు ఇందుకు ప్రధాన కారణంగా చెప్పుకోవచ్చు. ముఖ్యంగా ఆహారపు అలవాట్లలో మార్పు, సరియైన సమయంలో భోజనం చేయకపోవడం, ఫాస్ట్‌ఫుడ్స్ ఎక్కువగా తినడం, పోషక విలువలు కలిగిన ఆహారం తినకపోవడం సామాన్య కారణాలుగా చెప్పవచ్చు.
 
 అలాగే దినచర్యలో సరైన వ్యాయామం, సరియైన సమయంలో నిద్రపోకపోవడం, (స్వప్న విపర్యం అనగా పగలు నిద్రించుట, రాత్రి ఎక్కువగా మేల్కొనుట వంటివి) కూడా సామాన్య కారణాలుగా చెప్పవచ్చు. అలాగే మానసికంగా ఎక్కువగా ఆలోచించటం, ఆందోళన, డిప్రెషన్ వంటివి కూడా ఈ కీళ్ల నొప్పులకు సామాన్య కారణాలుగా పరిగణించవచ్చు.
 
 ఈ కీళ్ల నొప్పులను ఆయుర్వేదశాస్త్రంలో మూడు విధాలుగా వర్ణించారు.
 1. సంధివాతం     -     Oesteo arthrities
 2. ఆమవాతం     -     Rheumatoid arthritis
 3. వాతరక్తం     -     Gout
 
 సంధి వాతం (Oesteo arthrities)

 సంధివాతాన్ని ఆస్టియో ఆర్ధరైటిస్‌గా ఆయుర్వేదం పరిగణిస్తుంది. ఇక్కడ ముఖ్యంగా త్రిదోషపరంగా చూసినట్లయితే సంధులలో వాత ప్రకోపం జరుగుతుంది. తద్వారా కీళ్లలో నొప్పి, వాపు, కదిలినప్పుడు కీళ్లనుండి శబ్దాలు (Crepites) ఉంటాయి. ముఖ్యంగా సంధులలో (సైనోవియర్ ఫ్లూయిడ్) శ్లేషక కఫం తగ్గుతుంది.
 
 సంధివాతంలో కదలికల వలన నొప్పి ఎక్కువ అవటం, విశ్రాంతి ఉంటే నొప్పి తగ్గటం జరుగుతుంది. ముఖ్యంగా ఈ సమస్య 50-60 సంవత్సరాల మధ్య వయసు వారికి వస్తూ ఉంటుంది. పురుషులతో పోలిస్తే స్త్రీలలో ఈవ్యాధి ఎక్కువగా వస్తూంటుంది.
 
 ఈ సమస్యకు ప్రత్యేక కారణాలు: మధుమేహం, స్థూలకాయం, సోరియాసిస్ వంటి వ్యాధులు ఉన్నవారికి ఎక్కువగా వస్తూ ఉంటాయి. ఆహారంలో పోషకవిలువల లోపం వలన కూడా (విటమిన్ డి, కాల్షియం, ప్రొటీన్) ఈ వ్యాధి వస్తుంది.
 
 జీవన విధానంలో కొన్ని రకాలైన మార్పుల వలన ప్రధానంగా ద్విచక్ర వాహనాలపై ప్రయాణించటం, అధిక బరువులు తలపైన లేదా వీపుమీద మోయటం ఎక్కువగా కంప్యూటర్స్ ముందు కూర్చోవటం... ఇలాంటివి కూడా ఈ సమస్యకు కారణం అవుతాయి.
 
 ఆమ వాతం (Rheumatoid arthritis)

Advertising

Advertising

 రుమటాయిడ్ ఆర్ధరైటిస్‌ని ఆమవాతంగా ఆయుర్వేదంలో పరిగణిస్తారు. ముఖ్యంగా ఆమం, వాతం అనే రెండు దోషాల ప్రభావం వలన ఈ సమస్య వస్తుంది. మానసిక ఒత్తిడి వలన ఎక్కువగా ఆలోచించటం, ఎక్కువగా విచారించటం, కోపం వలన, సరియైన ఆహార నియమాలు పాటించకపోవడం వలన, వ్యాయామం లేకపోవటం వలన, జీర్ణవ్యవస్థ సరిగా పనిచేయకపోవటం లాంటి కారణాల వల్ల ఈ సమస్య వస్తుంది. ముఖ్యంగా ఈ విధమైన కీళ్ల సమస్యలలో ఎక్కువగా వాపు (Swelling), తీవ్ర వేదన (Pain), మంద జ్వరం (Mild Temp) కీళ్లు బిగుసుకుపోవటం (Stiffness), ఆకలి మందగించటం, మలబద్దకం (Constipation) లాంటి లక్షణాలు ప్రధానంగా ఉంటాయి. ఈ వ్యాధి అన్ని కీళ్లలో వస్తుంది (Including small joints)
 
 వాత రక్తం  (Gout)

 Goutను వాతరక్తంగా పరిగణిస్తాం. ఇది మధ్యవయసు వారిలో ఎక్కువగా వస్తూంటుంది.
 
 కారణాలు: ఎక్కువగా మద్యపానం, అధిక మాంస సేవనం (హై ప్రొటీనిక్ ఆహారం) ఎక్కువగా పులుపు, ఉప్పు, మసాలాలు ఆహారపదార్థ సేవన, ఎక్కువగా ప్రిజర్వేటివ్స్, కెమికల్స్ ఉండే ఆహారపదార్థాలు తినటం వలన అలాగే వీటితోపాటు శారీరక శ్రమ చేయకపోవటం, ఎక్కువ సమయం ద్విచక్ర వాహనాలపై ప్రయాణించటం, ఎక్కువ దూరం నడవటం వీటన్నిటివలన వాతం, రక్తం ఈ రెండు దుష్టి చెంది వాత రక్తంగా సమస్య ఏర్పడుతుంది. క్లినికల్‌గా చూసినట్లయితే ఈ సమస్యలో యూరిక్ ఆసిడ్ లెవెల్స్ రక్తంలో పెరుగుతాయి.
 
 లక్షణాలు: ఎరుపు, వాపు, నొప్పితో కూడిన కాలిబొటన వేలు నుండి ప్రారంభమై, తర్వాత మిగిలినటువంటి కీళ్లకు వ్యాపిస్తుంది. దీనిలో కీళ్లనొప్పులతో పాటు పైన చర్మం రంగు కూడా మారుతుంది.
 
 
 ఆయుర్వేదంలో పరిష్కార మార్గాలు
 
 ఆయుర్వేద శాస్త్రంలో...
 1. నిదాన పరివర్జనం

2. ఔషధ సేవన

 3. ఆహార విహార నియమాలు
 ఈ మూడు పద్ధతుల ద్వారా ఈ వ్యాధులకు పూర్తిగా చికిత్స చేయవచ్చు.
 
 1.నిదాన పరివర్జనం: వ్యాధి కారణాలను తెలుసుకుని, వాటికి దూరంగా ఉండటం. ఉదాహరణకు పగలు నిద్రపోవటం, రాత్రి మేల్కొనటం వంటి కారణాలను విడిచిపెట్టటం.
 
 2. ఆహార విహార నియమాలు: ఆహారం సరైన టైమ్‌కి తినటం, వ్యాధి స్వభావాన్ని బట్టి పోషక విలువలు కలిగిన ఆహారం తినటం, తగు వ్యాయామం, సరైన టైమ్‌కి విశ్రాంతి లాంటి నియమాలు పాటించడం.
 
 3.ఔషధ సేవన: ఔషధ సేవన విషయానికి వస్తే, ఇందులో రెండు పద్ధతులున్నాయి. ఎ) శమనం బి) శోధన ం
     
 ఎ) శమనం: అనగా వ్యాధి దోషాలను బట్టి అభ్యంతరంగా ఔషధాలను సేవించటం.
     
 బి) శోధనం: అంటే పంచకర్మ. పంచకర్మలలో స్నేహకర్మ, స్వేదకర్మ (పూర్వకర్మలు) తరువాత వమన, విరేచన, వస్తి (ప్రధాన కర్మలు) తరువాత పశ్చాత్ కర్మలు చేయించవలసిన అవసరం ఉంటుంది. ఇవికాక అభ్యంగ, శిరోధార, కటివస్తి, గ్రీవవస్తి, బానువస్తి, పత్రపోటలీ, వాలుకాస్వేదం మొదలగు బాహ్యచికిత్సలు కూడా అవసరాన్ని బట్టి ప్రయోగిస్తే మంచి ఫలితాలు ఉంటాయి.

మోకాలి నొప్పులకు హోం రెమిడీస్

కావాల్సిన పదార్థాలు: అర టీ స్పూన్ మిరియాలు, టీ స్పూన్ జీలకర్ర, టీ స్పూన్ మెంతి గింజలు

తయారుచేసే విధానం: ముందుగా మిక్సీలో మెంతి గింజలను తీసుకుని రుబ్బుకోవాలి. ఇప్పుడు ఈ మెంతిగింజల పొడిని జల్లెడ పట్టి ఒక గిన్నెలోకి తీసుకోవాలి. ఆతర్వాత అదే మిక్సీలో నల్ల మిరియాలు వేసి, మిక్సీ వేయండి. మెత్తని పిండిలా వచ్చేందుకు మళ్ళీ జల్లెడ పట్టండి. ఇప్పుడు మళ్లీ అదే మిక్సీ గిన్నెలోకి జీలకర్రను తీసుకుని, మిక్సీ పట్టండి. దీనిని జల్లెడ పట్టి, అన్ని పదార్ధాలను బాగా కలపండి. ఈ మిశ్రమాన్ని ఒక ఏర్ టైట్(గాలి చొరబడని) కంటైనర్‌లోకి తీసుకుని నిల్వచేయండి. ఇప్పుడు ఒక గ్లాస్ నీరు తీసుకుని, అందులో సగం చెంచా మిశ్రమం వేసి కలపండి. ఇది కొంచెం చేదుగా ఉంటుంది. కాబట్టి రుచి కోసం బెల్లం కలుపుకుని తాగొచ్చు.
పొగతాగితే పిల్లలు పుట్టరా..
ఈ రసం తీసుకోవడం వల్ల కలిగే ప్రయోజనాలు: మోకాలి నొప్పి తగ్గుతుంది, శరీరానికి బలం చేకూరుస్తుంది. 20 రోజుల నుంచి రెండు నెలల పాటు ఈ మిశ్రమాన్ని రోజూవారీ తీసుకోవడం మంచిది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే మంచిది

ధన్యవాదములు 🙏

మీ నవీన్ నడిమింటి

ఫోన్ -9703706660

కంటిలో శుక్ల వస్తే తగ్గాలంటే ఏమి చేయాలి తీసుకోవాలిసిన జాగ్రత్త లు అవగాహనా కోసం లింక్స్ లో చూడాలి

కంటికి వస్తే ఎలాంటి జాగ్రత్తలు తీసుకోవాలి..అవగాహనా కోసం నవీన్ నడిమింటి సలహాలు 

వయసుపైబడిన వారిలో కంటి సమస్యలు ఎదురవుతాయి. అందులో శుక్లాల సమస్య ఒకటి. అసలు ఈ సమస్యకు గల కారణాలు, నివారణ మార్గాలు ఏంటో.. దీని గురించి పూర్తిగా తెలుసుకుందాం.

    

వయసుపైబడినవారు కొన్ని రకాల సమస్యలతో బాధపడుతుంటారు. అందులో ఒకటి కళ్ల సమస్య. మలి వయసులో చూపుకు పట్టే గ్రహణాన్ని శుక్లం అంటారు. దీనికి మందుల వంటి ట్రీట్‌‌మెంట్ లేదు. సర్జరీనే పరిష్కారం.

eye cataract fnl

ఇందులోనూ గ్లకోమా, శుక్లాల సమస్యతో బాధపడుతున్నారు. ఈ సమస్యకు అనేక కారణాలుండొచ్చు. అందులో ఒకటి అధికబరువు, మధుమేహంలు కూడా ఉన్నాయి. అయితే కొన్ని జాగ్రత్తలు తీసుకోవడం వల్ల సమస్య నుంచి మీ కళ్లను కాపాడుకోవచ్చు.

అసలు శుక్లం అంటే ఏమిటి?
ఓ రకంగా చెప్పాలంటే మన కన్ను కెమెరా లాంటిది.. కెమెరాలో లెన్స్ ఎలానో.. మన కళ్లల్లో కూడా అలాంటి ఓ నిర్మాణం ఉంటుంది. అది సహజమైన లెన్స్.. అద్దంలా పారదర్శకంగా, బయటి నుంచి కాంతి కిరణాలు లోపలికి వెళ్లేందుకు వీలుగా ఉంటుంది. దీని గుండా కాంతి ప్రయాణించడం వల్లే మనకు చూపు కనబడుతుంది. అయితే.. వయసు పైబడేకొద్దీ ఈ లెన్స్ గట్టిబడి.. లోపలికి కాంతి ప్రయాణించడానికి వీల్లేకుండా ఉంటుంది. ఇదే శుక్లం.

లక్షణాలు..

కంటి సమస్యలు ఉన్నవారికి కళ్లు ఎర్రబారడం, కళ్లు దురద పెట్టడం, చిరాగ్గా ఉంటాయి. దీంతో.. కళ్లు మసకమసకగా కనిపిస్తాయి. శుక్లాలు ఏర్పడుతున్న తొలిదశలో కళ్ల ముందు ఒక వస్తువు పలు వస్తువులుగా కనబడుతుంది. చూపులో స్పష్టత తగ్గుతుంది. కటకం మధ్యభాగం లో శుక్లం ఏర్పడుతుంటే రాత్రిపూట చూపు ఉన్నట్టుండి తగ్గినట్టు ఉంటుంది.

ఎవరికి వస్తుందంటే..

ఓ వయసు వచ్చేసరికి.. దాదాపు అందరికీ కంట్లో శుక్లాలు ఏర్పడతాయి. పెద్దవయసు కావడం శుక్లాలు ఏర్పడటానికి ఓ కారణమైతే.. మరికొంతమందికి వంశపారంపర్యంగా ముందే వస్తుంటాయి. స్టిరాయిడ్లు, కంటికి గాయాలు, మధుమేహం కూడా శుక్లాలు ఏర్పడటానికి కారణాలు.

ఎలాంటి జాగ్రత్తలు తీసుకోవాలి..

కంటి సమస్యలతో బాధపడేవారు.. ముందు అందుకు కారణమయ్యే సమస్యలను అంటే అధికబరువు, మధుమేహం వంటివాటిని తగ్గించుకోవాలి. అదే విధంగా.. వాతావరణం చల్లగా ఉన్న సమయంలో కాసేపు అలా ఉండాలి. దీంతో కళ్లు పొడిబారడమనే సమస్య తగ్గిపోతుంది. అయితే.. మరీ చల్లని గాలి, తేమ తగలకుండా జాగ్రత్త తీసుకోవడం మంచిది. మధుమేహం కారణంగా డయాబెటిక్ రెటినోపతి వల్ల కంటి వెనుకభాగంలోని రక్తనాళాలు దెబ్బతింటాయి. ఈ కారణంగా కంటిచూపు మందగిస్తుంది. కాబట్టి ఖచ్చితంగా డైట్ పాటించాలి.

మందులతో పరిష్కారం ఉంటుందా..

శుక్లాలు తగ్గించేందుకు మందులేవీ లేవు. ఆయుర్వేదంలో కొన్ని మందులున్నాయని చెబుతారు కానీ, వాటిద్వారా ఖచ్చితంగా సమస్య తగ్గుతుందని చెప్పలేం. కాబట్టి ఆపరేషన్ ఒక్కటే దీనికి పరిష్కారం.

ఆపరేషన్ ఎప్పుడు చేయించుకోవచ్చంటే..

శుక్లాల వల్ల చూపు ఇబ్బందిగా ఉంటే ఆపరేషన్ చేయించుకోవచ్చు. శుక్లం మొదలైన కొద్దీ రోజుల్లోనే సర్జరీ చేయించుకోవడం వల్ల మంచి ఫలితం ఉంటుంది. అయితే, మరీ అవసరం అనుకున్నప్పుడే ఆపరేషన్ చేయించుకోవడం మంచిది.

ఆపరేషన్ ఎలా ఉంటుంది..

ఇదివరకటి రోజుల్లో శుక్లం ముదిరినపప్పుడే ఆపరేషన్ ద్వారా శుక్లాన్ని బయటికి తీసేవారు. కానీ.. ఇప్పుడు అదంతా అవసరం లేదు. ఖఫేకో ఎమల్సిఫికేషన్ అనే విధానంలో కనుగుడ్డు పై పొర మీద చిన్న రంధ్రం చేసి దాని గుండా సూదిలాంటి పరికరాన్ని లోనిక పంపి శుక్లాన్ని చిన్న చిన్న ముక్కలుగా చేసి ఆ సన్నని రంధ్రం నుంచే వాటిని బయటికి తీస్తారు. కొత్త టెక్నాలజీ అందుబాటులోకి వచ్చిన తరుణంలో శుక్లం బాగా ముదరకముందే.. చూపు కొద్దిగా ఇబ్బందిగా అనిపిస్తున్నప్పుడే ఆపరేషన్ చేయించుకోవటం ఉత్తమం.

సర్జరీ సమయంలో మత్తుమందు..

ముందుకాలంలో సర్జరీ చేసేటప్పుడు ఇంజక్షన్ చేయాల్సి వచ్చేది. ఇప్పుడు వాటి అవసరం లేకుండా కేవలం కంట్లో చుక్కల మత్తు మందు వేసి ఆపరేషన్ పూర్తి చేసే వెసలుబాటు ఉంది. దీన్ని టాపికల్ అనస్థీషియా అంటారు. మరీ పెద్ద వసు వారైతే.. నొప్పి అస్సలు తెలియకుండా ఉండాలంటే కంటి చుట్టూరా చిన్న చిన్న ఇంజెక్షన్లు ఇస్తారు. దీన్ని ఖపెరి బల్బార్ అనస్థీషియా అంటారు. అరుదుగా వచ్చే నొప్పి కూడా భరించలేకపోతుంటే.. కనుగుడ్డు లోపలికి ఇంజక్షన్ ఇస్తారు. దీన్ని ఇంట్రా కేమరల్ మత్తు అంటారు.

సర్జరీ ఎలా ఉంటుందంటే..

ముందుగా కనుగుడ్డు మీదుండే కార్నియాకు చిన్న కోతపెడతారు. దీని ద్వారా అల్ట్రాసౌండ్ పరికరాన్ని లోపలికి పంపుతారు. అక్కడ మబ్బుగా గట్టిపడిన సహజ కటకాన్ని ముక్కలు చేసి బయటికి లాగుతారు. సహజ కటకాన్ని తొలగిస్తున్నాం కాబట్టి దాని స్థానంలో కృత్రిమ కటకాన్ని అమరుస్తారు. ఈ కృత్రిమ కటకాన్నే ఇంట్రా ఆక్యులర్ లెన్స్ అంటారు. దీన్ని అమర్చేందుకు అదే రంధ్రం నుంచి మడత పెట్టిన పల్చటి పొరలాంటి కృత్రిమ కటకాన్ని లోపలికి పంపిస్తారు. లోపల అది సహజమైన కటకం లాగే అదే స్థానంలో కుదురుకుంటుంది. చూపు చక్కబడుతుంది.

ఎంత సమయం పడుతుంది..

శుక్లాల ఆపరేషన్ చాలా తేలిగ్గా పూర్తవుతుంది. సర్జరీకి కేవలం 67 నిమిషాలే పడుతుంది.

మధుమేహులు ఎలాంటి జాగ్రత్తలు తీసుకోవాలి..

మధుమేహులు శుక్లాల సర్జరీ విషయంలో ప్రత్యేక జాగ్రత్తలు తీసుకోవాలి. షుగర్ కంట్రోల్‌లో లేకపోతే రక్తంలో గ్లూకోజ్ అధికంగా ఉంటుంది. ఇది కంటిలోని సహజ కటకంలోకి వెళ్లొస్తూ మబ్బుగా మారేలా చేస్తుంది. దీంతో మధుమేహుల్లో త్వరగా శుక్లాలు ఏర్పడతాయి. అందుకే షుగర్ వ్యాధిగ్రస్తులు తగిన జాగ్రత్తలు తీసుకోవాలి.

ఏమేం తీసుకోవాలి.. విటమిన్ ఎ.. కంటి ఆరోగ్యానికి చాలా మంచిది. కంటి వెలుపలి పొర, కార్నియాను ఇన్‌ఫెక్షన్స్ బారినుంచి రక్షణనిస్తుంది. ఆకుకూరలు ముఖ్యంగా బచ్చలి కూరలో ఎక్కువగా లభిస్తుంది. అదేవిధంగా.. విటమిన్ ఇ కూడా కంటి శుక్లాలు, కంటి సమస్యలను దూరం చేస్తాయి. ఇది ఆకుకూరలు, ఎర్రమిరియాలు, పండుమిర్చి, రెడ్ క్యాప్సికమ్ వంటి వాటిలో ఇ విటమిన్ సమృద్ధిగా ఉంటుంది. దీనివల్ల కంటి సమస్యలు తగ్గుతాయి.

నో ట్యానర్స్ .. సన్‌బాత్, సన్‌బెడ్స్ వాడడం వల్ల కొన్ని ఆరోగ్య సమస్యలు వస్తాయి. అదేవిధంగా.. అతినీలలోహిత కిరణాలు చర్మంపై కంటే కళ్ల మీద ఎక్కవ ప్రభావం చూపిస్తాయి. ఈ కారణంగా శుక్లాలు, కనుపాపలపై కణుతులు పెరుగుతాయి. అతినీలలోహిత కిరణాల ప్రభావం నుంచి బయటపడేందుకు ఎండలో ఉన్నప్పుడు నల్ల కళ్లద్దాలు వాడాలి.

20-20-20 విజన్ : ఇక ముఖ్యంగా కంప్యూటర్ వర్క్ చేసేవారు కంటి సమస్యలను ఎదుర్కొంటారు. కంప్యూట్, ట్యాబ్లెట్ వైపు చూస్తుంటారు. దీని వల్ల కళ్లు పొడిబారుతాయి. ఇలా కాకుండా ఉండాలంటే.. 20-20-20 విజన్ మంచి రిలాక్సేషన్ ఇస్తుంది. ఇది ఎలా చేయాలంటే ప్రతి ఇరవై నిమిషాలకు ఓ సారి కళ్లకు విశ్రాంతినివ్వాలి.. 20 అడుగుల దూరంలో ఉన్న వస్తువులను 20 సెకన్లపాటు అలానే చూస్తూ ఉండాలి. దీంతో కంటి కండరాలకు కళ్లపై ఒత్తిడి కూడా తగ్గిపోతుంది.

వీటితో పాటు సరైన జీవనవిధానం అలవర్చుకోవాలి. రోజుకి ఖచ్చితంగా 8 గంటల నిద్ర చాలా అవసరం. దీని కారణంగా కళ్లు రిలాక్స్ అవుతాయి. వీటితో పాటు కొన్ని కళ్లకు సంబంధించిన ఎక్సర్‌సైజెస్ చేయడం మంచిది.

*కంటి శుక్లాలు ( CATARACT )* 

 కంటిలో కను గుడ్డుపైన తెల్లటి పొర వస్తుంది . చూపులో స్పష్టత తగ్గుతుంది . వస్తువులు రెండుగా కనబడతాయి . పెద్ద వయసులో ఎలాంటి నొప్పి , బాధా లేకుండా క్రమేపీ చూపు తగ్గుతోందంటే , దానిని శుక్లంగా అనుమానించొచ్చు . 

*గృహ చికిత్సలు* : --- 

1. ఒక గ్లాసు క్యారట్ రసం ప్రతి రోజు ఉదయం , సాయంత్రం త్రాగండి . 

2 . రాత్రి కొన్ని ఎల్లిపాయ ( Garlic ) రెబ్బలను నీటిలో నానబెట్టండి . ఉదయం ఎల్లిపాయ రెబ్బలను నమిలి , నమిలి తినండి . తర్వాత ఆ నీళ్ళను త్రాగండి . 

3 . స్వచ్చమైన తేనెను కళ్ళకు పూయండి . 

4 . ధనియాలు + సోంపు + పటిక బెల్లం లను సమ పాళ్ళలో తీసుకొని , చూర్ణంగా తయారు చెయ్యండి . 

1 spoon చూర్ణం + 1 గ్లాసు నీళ్ళలో కలిపి త్రాగండి . ఉదయం , సాయంత్రం త్రాగండి . 

5 . తెల్ల ఉల్లిపాయ రసం + తేనెను సమపాళ్ళలో కలపండి. 

 1 భాగం రసం + 2 భాగాల గులాబి పూల నీళ్ళు ( Rose Water ) లను కలిపి , కొన్ని చుక్కలను కళ్ళలో వేయండి . 

   పై విధానాలలో ఏదో ఒకటి ఆచరించి , ఆరోగ్యాన్ని పొందండి .

• మరింత సమాచారం తెలుసుకోండి

ధన్యవాదములు 🙏

మీ నవీన్ నడిమింటి

విశాఖపట్నం

9703706660

అంగస్థబానా సమస్య పై అవగాహనా లింక్స్ లో చూడాలి

అంగస్తంభన లోపం సమస్య పై నవీన్ నడిమింటి సలహాలు 

సారాంశం

రతి క్రీడలో పురుషుడి అంగం (శిశ్నము) గట్టిపడకపోవడమనే సమస్యనే “అంగస్తంభన వైఫల్యం” గా పరిగణిస్తారు. దీన్నే నపుంసకత్వము అని కూడా వ్యవహరిస్తారు. అంగస్తంభన (organ erection) అనేది నరాలు మరియు రక్తనాళాలకు సంబంధించి (మనిషిలో) జరిగే సంఘటన. ఆలోచనల ద్వారా గాని లేదా స్పర్శ ద్వారా గాని లైంగిక ప్రేరణ ఏర్పడి జరిగేదే ‘అంగస్తంభన’. మందుల సేవనం, మద్య వ్యసనం, శారీరక బలహీనత, చక్కెరవ్యాధి/మధుమేహం వంటి అనేక కారణాల వలన అంగస్తంభన వైఫల్యం సంభవిస్తుంది. అంగం గట్టిపడకపోవడమనేది మగాళ్ళలో ఒక సాధారణ రుగ్మత, కానీ ఇది జనబాహుళ్యంలో చాలామటుకు చర్చింపబడలేదు. ఈ ఆరోగ్య సమస్య యొక్క సున్నితమైన స్వభావం కారణంగా అంగస్తంభన వైఫల్యము కల్గిన పురుషులు డాక్టర్ను సంప్రదించడానికి కూడా విముఖంగా ఉంటారు.  చికిత్స చేయని అంగస్తంభన వైఫల్యం జీవితభాగస్వామితో మానసిక-సామాజిక సమస్యలకు దారితీస్తుంది.

నపుంసకత్వ రకాలు - Types of Impotence in Telugu

అంగస్తంభన వైఫల్యంతో బాధపడే వివిధ పురుషులలో ఈ బాధ యొక్క తీవ్రత విభిన్నంగా ఉంటుంది. వివిధ రకాలైన అంగస్తంభన వైఫల్యాలు ఈ క్రింది విధంగా ఉన్నాయి:

• ప్రాథమిక నపుంసకత్వము
  ప్రాధమిక నపుంసకత్వంలో, పురుషుడు నిరంతరమైన అంగ దారుఢ్యాన్ని కలిగి ఉండడు మరియు ఇంకెప్పటికీ కూడా కల్గి ఉండడు. ఇది పురుషాంగం యొక్క నిర్మాణం లేదా దెబ్బతిన్న శిశ్న నరాలు లేదా చిక్కుపడిన  శిశ్ననరాల యొక్క భౌతిక అసాధారణత వల్ల కావచ్చు.
• ద్వితీయ నపుంసకత్వము
  ఈ రెండో రకం నపుంసకత్వంలో ఓ మగాడు గతంలోనెమో విజయవంతమైన అంగస్తంభనను కల్గి ఉండేవాడే కానీ తెలియని కారణాల వలన ప్రస్తుతం మాత్రం విజయవంతమైన అంగస్తంభనను పొందలేకపోతుంటాడు.  
• పరిస్థితుల నపుంసకత్వము
  పరిస్థితుల నపుంసకత్వము అంటే మగాడు హస్తప్రయోగం/ముష్ఠిమైథునం వంటి ఒక ప్రత్యేక పరిస్థితిలో మాత్రమే తన అంగాన్ని గట్టిపరుచుకోగల్గుతాడు కానీ భాగస్వామితో లైంగిక క్రీడలో పాల్గొన్నప్పుడు అంగస్తంభనను పొందలేక విఫలమైపోతాడు.  
• పాక్షిక నపుంసకత్వము
  పురుషాంగ నరాలకు చాలినంతగా రక్త సరఫరా జరగకపోవడం వల్ల పురుషుడు పాక్షిక అంగస్తంభనను సాధిస్తాడు కానీ తర్వాత ఆ పాక్షికమైన అంగ-గట్టిదనాన్ని  కూడా కోల్పోతాడు.
• పూర్ణ నపుంసకత్వము
  పూర్ణ నపుంసకత్వము కలిగిన మగాడు ఎప్పుడూ, ఎన్నటికి, ఇక ఎప్పటికీ గట్టిపడిన అంగాన్ని పొందలేక పోవచ్చు.

అంగస్తంభన వైఫల్యం (నపుంసకత్వము) లక్షణాలు 

అంగస్తంభన వైఫల్యానికి సంబంధించిన లక్షణాలు చాలా తక్కువగా ఉన్నాయి, అలాంటి లక్షణాల్లోనివి ఏవంటే:

• సంపూర్ణమైన అంగస్తంభనను పొందడానికి అసమర్థత.
• కొన్ని నిర్దిష్టమైన పరిస్థితులపై లేదా నిర్దిష్ట స్థానావస్థలపై  ఆధారపడిన పాక్షికమైన లైంగిక అసమర్థత.
• సంతృప్తికరమైన లైంగిక సంభోగం సాధించడానికి ప్రారంభంలో సాధించిన అంగస్తంభనను గణనీయమైన కాలం వరకు పురుషుడు కొనసాగించలేకపోతాడు..
• తగ్గిన లైంగిక వాంఛ.

అంగస్తంభనవైఫల్య కారణాలు మరియు ప్రమాద కారకాలు 

కారణాలు (Causes) 

జీవశాస్త్రపరంగా, ఒక మగవాడిలో, లైంగిక ప్రేరేపణ మరియు లింగదార్ఢ్యము పొందడానికి దారి తీసే ప్రక్రియ అనేది ఓ క్లిష్టమైన పధ్ధతి. నాడీ వ్యవస్థ (మెదడు మరియు వెన్నుపాము సంబంధంమైనవి, సంబంధిత నరములతో కలిపి), ఎండోక్రైన్ (హార్మోన్) వ్యవస్థ మరియు కార్డియోవాస్కులర్ వ్యవస్థ (గుండె) ఈ క్లిష్టమైన పధ్ధతిని  కల్గి ఉంది. పేర్కొన్న ఈ శరీర వ్యవస్థల్లో దేనినైనా భంగం కలిగించడం వలన అంగస్తంభన వైఫల్యం సంభవించవచ్చు. పురుషాంగం లేదా వృషణాలలో భౌతిక లేదా నిర్మాణపరమైన అసాధారణత కూడా అంగస్తంభన వైఫల్యానికి దారి తీస్తుంది. అంగస్తంభన వైఫల్యానికి కొన్ని కారణాలు క్రింద ఇవ్వబడ్డాయి:

• అధిక రక్తపోటు వంటి గుండె వ్యాధులు.
• అధిక కొలెస్ట్రాల్ స్థాయిల కారణంగా ఆటంకమేర్పడిన రక్త నాళాలు (ఎథెరోస్క్లెరోసిస్). ​ 
• మధుమేహం/చక్కెరవ్యాధి .
• ఊబకాయం.
• పార్కిన్సన్స్ వ్యాధి, పలు రక్తనాళాలు గట్టిపడే వ్యాధి-స్క్లెరోసిస్.
• కొన్ని మందుల యొక్క దుష్ప్రభావాలు.
• అధికంగా పొగాకు తీసుకోవడం, అధికంగా మద్యం తీసుకోవడం లేదా ఇతర రకాల పదార్థ దుర్వినియోగం.
• ఒత్తిడి.
• విస్తరించిన ప్రోస్టేట్ గ్రంధి.
• వెన్నుపాము శస్త్రచికిత్సలు, ఇది నరాలను దెబ్బతీస్తుంది.
• కుంగుబాటు, ఆందోళన, మరియు ఇతర మానసిక ఆరోగ్య పరిస్థితులు.
• అసాధారణ థైరాయిడ్ హార్మోన్ స్థాయిలు మరియు పెరిగిన ప్రొలాక్టిన్ స్థాయిలు. (మరింత సమాచారం: హైపర్ థైరాయిడిజం కారణాలు మరియు చికిత్స)

లైంగిక ప్రేరేపణ పరిమాణంపై ఆధారపడిన మరో అంగస్తంభన వైఫల్య కారణాల వర్గీకరణ:  

తగ్గిన లైంగిక ప్రేరేపణతో

• జననగ్రంథి మాంద్యం (హైపోగోనాడిజం) (తగ్గిన టెస్టోస్టెరాన్ స్థాయి).
• డిప్రెషన్/దుఃఖం .

అధిక లైంగిక ప్రేరేపణతో

• ఆందోళనతో సహా మానసిక సమస్యలు.
• మెదడుకు తగ్గిన రక్తప్రసరణ (నాడీవ్రణం/అథెరోమా).
• న్యూరోపతి కారణాలు (ఉదా. డయాబెటిస్, అధిక మద్యపానం, పలుచోట్ల రక్తనాళాలు గట్టిపడే వ్యాధి (మల్టిపుల్ స్క్లేరోసిస్).
• డ్రగ్స్ (ఉదా: బీటా బ్లాకర్స్, థయాజైడ్ డ్యూరైటిక్స్, యాంటీడిప్రజంట్స్ మొదలైనవి).

ప్రమాద కారకాలు  

ఒక వ్యక్తి యొక్క వయస్సు పెరగటం వలన, సంతృప్తికరమైన అంగస్తంభనను సాధించడానికి సాధారణం కంటే ఎక్కువ సమయం పడుతుంది మరియు ఖచ్చితమైన అంగస్తంభన  కాకపోవచ్చు (అంగస్తంభన పట్టులో స్థాయి తగ్గిండొచ్చు) . ఒక వ్యక్తి అంగస్తంభనను నిర్వహించటానికి ప్రత్యక్ష స్పర్శ అవసరం కావచ్చు. అయితే, అంగస్తంభనతో సంబంధం ఉన్న కొన్ని ప్రమాద కారకాలు ఉన్నాయి. అవి:

• మధుమేహం లేదా గుండె సమస్యలు వంటి వైద్య పరిస్థితులు.
• ప్రోస్టేట్ శస్త్రచికిత్స (ప్రోస్టేట్ వ్యాకోచం లేదా ప్రోస్టేట్ క్యాన్సర్తో ఉన్న వ్యక్తుల్లో తీవ్రమైన ప్రోస్టేక్టమీ) సహా కటి ఉదరవాదం లేదా శస్త్రచికిత్స చరిత్ర.
• ధూమపానం. పొగాకు వాడకం రక్త నాళాలకు రక్త ప్రవాహాన్ని నిరోధిస్తుంది, ఇవి దీర్ఘకాలంలో అంగస్తంభన వైఫల్యానికి దారి తీస్తాయి.
• ఊబకాయం.
• అధిక రక్త పోటు.
• హార్మోన్ల లోపాలు (హైపోగోనాడిజం, హైపోథైరాయిడిజం వంటివి).
• మాదక ద్రవ్యాల/డ్రగ్ దుర్వినియోగం (కొకైన్, మేథంఫేటమిన్ వంటివి).
• యాంటీడిప్రజంట్స్, యాంటిహిస్టామైన్లు మరియు రక్తపోటు కోసం తీసుకునే మందులు.
• ఒత్తిడి, ఆందోళన లేదా నిరాశ వంటి మానసిక పరిస్థితులు.
• దీర్ఘకాలిక మరియు భారీగా మద్యపానం చేయడం.

అంగస్తంభన వైఫల్య నివారణ (నపుంసకత్వ నివారణ ) 

అంగస్తంభన వైఫల్య నివారణకు ఉత్తమమైన మార్గం ఏదంటే ఇప్పటికే మీకున్న ఉత్తమ ఆరోగ్య పరిస్థితులను ఓ వైపు నిర్వహించుకుంటూనే, దానితో పాటుగా ఆరోగ్యకరమైన జీవనశైలి మార్పులను కొత్తగా అలవర్చుకోవడం. అంగస్తంభన వైఫల్యాన్ని నిరోధించడానికి మీరు చేపట్టదగ్గ చర్యలు కొన్ని ఇవిగో:

• ధూమపానం గుండె జబ్బులతో ముడిపడి ఉండటం వలన దాన్ని పూర్తిగా విడిచిపెట్టండి, ఎందుకంటే గుండెజబ్బులు అంగస్తంభనకూ ప్రమాద కారకంగా ఉంటుంది కాబట్టి.
• ఒక నియమం ప్రకారం వ్యాయామాన్ని చేయడం ద్వారా మీ బరువును నిర్వహించండి. మీరు రోజంతా చురుకుగా ఉండేటట్టుగా చూసుకోండి. మీరు ఫుట్ బాల్ లేదా టెన్నిస్ వంటి క్రీడలను చేపట్టవచ్చు.
• అంగస్తంభనకు సంబంధమున్న వ్యాధుల నివారణలో ఆహారం కీలక పాత్రను పోషిస్తున్నందున, మీరు ఆరోగ్యకరమైన ఆహారం తీసుకునే విధంగా చూసుకోండి. ధాన్యపు ఆహారాలు, తక్కువ కొవ్వు పదార్ధాలు, పండ్లు మరియు కూరగాయలు తీసుకోవడాన్ని పెంచండి. శుద్ధి చేయబడిన మరియు కొవ్వు పదార్ధాలను అలాగే అధిక సోడియం-సంబంధ పదార్థాలుండే ఆహారాలను తీసుకోకండి.
• మీ బ్లడ్, షుగర్ మరియు రక్త పీడన స్థాయిలను నిర్వహించండి. ​
• మీకున్న అంగస్తంభన వైఫల్య సమస్యను నిరోధించటానికి మద్యపానం మానండి. లేదా మీ నపుంసకత్వ సమస్యనివారణకు కనీసం మీరు తీసుకునే మద్యం ప్రమాణాన్ని కనీస మొత్తానికి తగ్గించి తీసుకోండి.
• అంగస్తంభన వైఫల్య సమస్యను ఒత్తిడి (stress) మరింత తీవ్రతరం చేస్తుంది గనుక ఒత్తిడిని నిర్వహించండి. ధ్యానం, లోతైన శ్వాస ప్రక్రియలు,  లేదా యోగవ్యాయామాలు వంటి సేదదీరే కార్యకలాపాలను చేపట్టండి.
• వినోద ఔషధాలసేవన చేయకండి.

అంగస్తంభనవైఫల్య రోగనిర్ధారణ 

అంగస్తంభనవైఫల్య రోగ నిర్ధారణకు ఐచ్చికమైన లేదా ప్రథమపంక్తి రోగనిర్ధారణా పద్ధతులు లేవు. అంతే కాకుండా, ఇతర వైద్యపరిస్థితులకు భిన్నంగా, అంగస్తంభనవైఫల్య సమస్య దిననిత్యం జరిగే సాధారణ ఆరోగ్యసమస్యల తనిఖీలో భాగంగా తనిఖీ చేయబడదు. సాధారణంగా, రోగానికి సంబంధించిన ఖచ్చితమైన చరిత్ర మరియు శారీరక పరీక్షలే ఖచ్చితమైన రోగ నిర్ధారణ చేయడానికి సరిపోతాయి. రోగి యొక్క రోగనిర్ధారణ కోసం, వైద్యుడు కొన్ని విషయాలను రోగిని అడిగి తెలుసుకుంటాడు. ఈ అంగస్తంభన వైఫల్య సమస్య రోగికి ఎపుడు ప్రారంభమైంది, వ్యాధి ఉధృతిని తీవ్రతరం చేసే వైద్యసంబంధమైన మానసిక జబ్బువల్ల రోగి గతంలో గాని లేక ప్రస్తుతం గాని బాధపడుతున్నాడా, ఏదైనా గాయం గాని, శ్రమతో కూడిన  శారీరకచర్య ఏమైనా అంగస్తంభవైఫల్యానికి దారి తీసిందా అని వైద్యుడు రోగిని విచారిస్తాడు. ఇంకా, ఇతరమైన జబ్బులకుగాను రోగి తీసుకుంటున్న మందుల గురించి కూడా వైద్యుడు రోగిని అడిగి తెలుసుకుని రోగనిర్ధారణ చేస్తాడు.

అంగస్తంభన వైఫల్యం సమస్యకు కారణాన్ని గుర్తించడానికి రోగియొక్క వివరణాత్మక లైంగిక చరిత్ర ఓ ఉత్తమ సాధనం. అంగస్తంభన ఎంతసేపు ఉంటుంది, అంగస్తంభన పరిమాణం పరిపూర్ణముగా, చాలినంతగా ఉంటోందా, లైంగిక వాంఛ, వీర్యం నాణ్యత, ప్రతి వీర్య స్ఖలనానికి (భావప్రాప్తికి) ప్రదర్శన, తదనుగుణంగా వచ్చే అంగసంబంధమైన నొప్పి, అంగం వంకర తిరిగుంటే ఆ వివరాలను వైద్యుడు సేకరించే రోగి చరిత్రకు సంబంధించినవి. ఈ అన్ని వివరాలపై రోగి చరిత్ర దృష్టి పెడుతుంది. అంగస్తంభనవైఫల్యానికి అంతర్లీనంగా దారితీసే చక్కెరవ్యాధి (లేదా డయాబెటీస్), అధిక కొలెస్ట్రాల్ సమస్యలు రోగికి ఉన్నాయేమోనన్న సంగతిని తెలుసుకోవడానికి రక్త పరీక్షలు కూడా సహాయపడతాయి. (మరింత సమాచారం: తక్కువ వీర్యకణాల సంఖ్య చికిత్స)

అంగస్తంభనవైఫల్యానికి గల కారణాలను కనుక్కోవడానికి అనేక ఇతర పరిశోధనలు ఉన్నాయి. రోగి నిద్రలో ఉన్నప్పుడు నిద్రలో అంగానికి సంభవించే స్తంభనను పర్యవేక్షించడమనేది ఆ ఇతర పరిశోధనల్లో ఒకటి. ఇందులో ప్లీథైస్మోగ్రాఫ్ను ఉపయోగిస్తారు. ఒక రాత్రిపూట రోగి అంగం చుట్టూ ప్లీథైస్మోగ్రాఫ్ను అమర్చి ఆ రోగికి నిద్రలో అంగస్తంభన రావడానికి తగినంత రక్త సరఫరా మరియు అతని నరాల పనితీరు సరిపోతుందా అని పరీక్ష చేస్తారు. పాపర్విన్ లేదా ప్రోస్టాగ్లాండిన్ E1 యొక్క ఇంట్రకేవెర్నోసల్ (intracavernosal) ఇంజెక్షన్ ను రోగి అంగానికి చేసి, అంగానికి తగినంతగా రక్తం సరఫరా అవుతోందా  లేదా అని వైద్యుడు తెలుసుకుంటాడు. శిశ్నసంబంధ అంతర్గత ధమని ఆంజియోగ్రఫీ (internal pudendal artery angiography), మరియు స్వయంప్రతిపత్త మరియు పరిధీయ జ్ఞాననరాల పరీక్షలు ఇతర పరిశోధనాపరమైన పరీక్షలు వైద్యులు చేస్తారు.

 

అంగస్తంభనవైఫల్యానికి (నపుంసకత్వానికి) చికిత్స 

రోగికి చేపట్టాల్సిన చికిత్స ఎంపికలు ముఖ్యంగా డాక్టర్ మదింపు చేసిన రోగి యొక్క వైద్య మరియు వ్యక్తిగత చరిత్రపై ఆధారపడి ఉంటుంది. ప్రతి వ్యక్తి (రోగి) విషయంలో, చికిత్స ఎంపికలు మారుతుంటాయి, ఎందుకంటే చికిత్స అనేది వ్యాధి కారకం మీద ఆధారపడి ఉంతుంది గనుక. అంగస్తంభనవైఫల్యానికి మధుమేహం లేదా అధిక రక్తపోటు వంటి ఏవైనా అంతర్లీన వైద్య పరిస్థితులు రోగికి ఉంటే, వాటికి సరైన ఔషధాలతో చికిత్స చేయవలసి ఉంటుంది.

సిల్డెనాఫిల్ (వయాగ్రా, 50-100 ఎం.జి), తడలఫిల్, వడదనాఫిల్ మరియు అవనాఫిల్ వంటి మందులను కొన్ని ఎంపిక చేసిన చికిత్సల్లో (వైద్యులు) ఉపయోగిస్తున్నారు. ఈ మందులన్నీ పురుషాంగం యొక్క కండరాలకు ఉపశమనాన్ని కలిగించి సేదదీరుస్తాయి.  మరియు ఈ మందులు అంగానికి రక్త ప్రవాహాన్ని పెంచుతాయి, మరియు సరైన మరియు సంతృప్తికరమైన అంగస్తంభనను సాధించటానికి సహాయపడుతాయి. పురుషాంగానికి రక్తప్రసరణను పెంచేందుకు ఈ మందులు పని చేయకపోతే, పురుషాంగానికి లేదా మూత్రమార్గంలో చేసే ఇంజక్షన్ మందుల్ని వాడవచ్చు.  

• అంగస్తంభనవైఫల్య సమస్య ఉన్నవారికి టెస్టిస్టెరోన్ భర్తీ చికిత్సను డాక్టర్ సూచించవచ్చు. ఇది బోలు ఎముకల వ్యాధిని నిరోధించడానికి మరియు కండరాల శక్తిని పుంజుకోవడానికి మరియు విశేషమైన లైంగిక వాంఛను రోగిలో పునరుద్ధరించడానికి సహాయపడుతుంది. టెస్టోస్టెరోన్ను నిర్వహించడానికి ఉపయోగించే వివిధ పద్ధతులు ఇంట్రాముస్కులర్ ఇంజెక్షన్లు, సబ్కటానియస్ సూది మందులు, ట్రాన్స్డెర్మల్ సూది మందులు లేదా లోనికి తీసుకునే మందులు.(మరింత సమాచారం: టెస్టోస్టెరోన్ ను పెంచడానికి సహజ చిట్కాలు)
• అంగస్తంభనవైఫల్య సమస్యకు సంబంధించి కొన్ని తీవ్రమైన సందర్భాలలో ఒక వాక్యూమ్ పరికరం ఉపయోగించబడుతుంది. ఇది ఒక బాహ్య ప్లాస్టిక్ సిలిండర్ మరియు ఒక వాక్యూమ్ పంప్ ను కలిగి ఉంటుంది. ఇది రక్తాన్ని పురుషాంగంలోకి లాగబడుతుంది, తద్వారా అంగస్తంభనను కలుగజేస్తుంది. కొన్నిసార్లు, ఒక సాగుదల కల్గిన రింగ్ ను పురుషాంగం యొక్క కుదురుకు అమర్చబడుతుంది, దీన్ని అలా అమర్చడం వల్ల  శరీరము నుండి (అంగానికి) అయిన రక్త ప్రవాహాన్ని ఆగిపోకుండా నివారించవచ్చు.
• అంగస్తంభన సాధించడం కోసం శిశ్న-సంబంధమైన  ఇంప్లాంట్లను (పరికరాలు) అరుదుగా ఉపయోగించబడతాయి (స్థిర రాడ్ లేదా గాలితో నిండిన రిజర్వాయర్ రకాలు).
• పురుషాంగం లోకి తగ్గిన రక్త ప్రవాహం సమస్య ఉన్న యువకులకు నాళాల పునర్నిర్మాణ శస్త్రచికిత్స (Vascular reconstructive surgery) చేయడం జరుగుతుంది. ​
• రోగి మరియు అతని భాగస్వామి భావోద్వేగపరమైన లేదా సంబంధపరమైన సంక్షోభంతో బాధపడుతుంటే వారికి మానసిక చికిత్స నిర్వహిస్తారు.
• ప్రత్యామ్నాయ చికిత్సల్లో కొరియా ఎరుపు జింజెంగ్-Korean red ginseng-
• పానాక్స్ జిన్సెంగ్ 900 mg (రోజుకు మూడు సార్లు తీసుకునేది) ఉన్నాయి. ఈ మందులు అంగస్తంభనను మెరుగుపరుస్తాయి.

జీవనశైలి నిర్వహణ

మానసిక చికిత్సలో భాగంగా రోగి మరియు అతడి/ఆమె జీవిత భాగస్వామితో మానసిక సమస్యల గురించి చర్చించడం. ఇది చాలా ఉపయోగకరంగా ఉంటుంది. జంటకు తగిన   సలహాలను ఇవ్వచ్చు. నరాలవ్యాధి మరియు అంతర-నాళవ్యాధి మెరుగుపరచడానికి అవకాశం లేదు, కానీ అనేక చికిత్సలు అందుబాటులో ఉన్నాయి. లోనికి తీసుకునే ఔషధాలు కూడా అందుబాటులో ఉన్నాయి. రోగి పరిస్థితిని మెరుగుపర్చడానికి, రోగాన్ని నయం చేయడానికి శస్త్రచికిత్సను కూడా ప్రయత్నించవచ్చు.

రోగి చేపట్టదగిన జీవనశైలి మార్పులు:

• కార్డియో వ్యాయామాలు ప్రారంభించండి. ఊబకాయం వదిలించుకోవటంకోసం, మితం మించిన బరువును తగ్గించుకోవడానికిగాను నడక, పరుగు వ్యాయామాలను  ప్రారంభించండి.  
• ఆరోగ్యకరమైన ఆహారం తీసుకోవడం అలవాటు చేసుకోండి. పండ్లు, కూరగాయలు, తృణధాన్యాలు మరియు చేపల వంటి ఆరోగ్యకరమైన ఆహారాలు అంగస్తంభన వైఫల్యం దాపురించే అవకాశాలను తగ్గిస్తాయి.
• అంతర్లీన వ్యాధికి చికిత్స తీసుకోండి. అంగస్తంభన వైఫల్యం సమస్యకు చక్కెరవ్యాధి (డయాబెటిస్) మరియు అధిక రక్తపోటు (హైపర్ టెన్షన్) రెండు ప్రధాన కారణాలు. కాబట్టి, మందులు మరియు ఆహార మార్పులతో, సరైన చికిత్స, అలాగే, వ్యాయామాలు చేపట్టి అంగస్తంభన వైఫల్యం నుండి బయట పదండి.
• శరీరపు కింది భాగానికి అంటే పొత్తికడుపును సంబంధించిన Kegel వ్యాయామాలు వంటి వ్యాయామాలను చేయండి. ఈ వ్యాయామాలు నడుము (పెల్విస్) మరియు శరీరపు కింది భాగాల్లో తగినంత కండరాల స్థాయిని సరిగ్గా నిర్వహించడంలో సహాయపడతాయి.
• . ఒత్తిడిని నిర్వహించండి మరియు తగినంతగా  బాగా నిద్రపోండి.
• ధూమపానం మరియు మద్యం సేవించడాన్ని పరిమితం చేయండి.

అంగస్తంభనవైఫల్య ప్రమాదాలు మరియు ఉపద్రవాలు 

అంగస్తంభనవైఫల్య రోగ నిరూపణ ప్రధానంగా రెండు కారకాలపై ఆధారపడి ఉంటుంది. మొదటిది, సమస్యను గుర్తించి, దానిని నిర్లక్ష్యం చేయకుండా జాగ్రత్తపడడం, రెండవది, మీ వైద్యుడిని సంప్రదించి, మీ ఆరోగ్య సమస్యలను వివరించడం, ఇది సరైన చికిత్సను  పొందడంలో సహాయపడుతుంది. దైహికసంబంధమైన పరిస్థితులు అంగస్తంభనవైఫల్య రోగానికి ప్రధాన కారణాల్లో ఒకటి. కనక, మధుమేహం లేదా రక్తపోటు చికిత్స కోసం ఒక ఆరోగ్యకరమైన చికిత్సాప్రణాళికను అలవర్చుకుని ఆ ప్రకారం చికిత్సనందుకోవడం మరియు దైహిక లోపాలను నియంత్రణలో ఉంచడం అంగస్తంభనవైఫల్య రుగ్మతకు తీసుకునే చికిత్సకు  సహాయపడతాయి. అనారోగ్యకరమైన ఆహారపుటలవాట్లు మరియు ధూమపానం మరియు మద్యపాన వ్యసనం వంటి ఇతర అర్రోగ్యప్రతికూలమైన అలవాట్లు కలిగిన వ్యక్తుల విషయానికొస్తే వారు చాలా తక్కువ రోగనిర్ధారణను కలిగి ఉంటారు. శస్త్రచికిత్సానంతర రోగ నిరూపణ సాధారణంగా మంచిది. మానసికచికిత్స మరియు వైద్య సలహా-సంప్రదింపుల సమావేశాల ద్వారా ఉత్తమమైన రోగనిర్ధారణలను పొందొచ్చు.

ఉపద్రవాలు
అంగస్తంభన వైఫల్యానికి సంబంధించిన క్లిష్టతలు ఎక్కువగా మానసిక సంబంధమైనవి. ఇలాంటి క్లిష్టతలు నిరాశకు దారితీస్థాయి. ఇంకా,  న్యూనతాభావం, భావోద్వేగ అవాంతరాలు, సామాజికవికారం, జీవిత భాగస్వామితో సంబంధపరమైన సమస్యలకు అంగస్తంభన వైఫల్యం దారి తీస్తుంది. ఇది వంధ్యత్వానికీ ((పిల్లలను కనే సామర్థ్యం లేకపోవడం) దారితీస్తుంది. పురుషాంగం లేదా స్క్రోటుంకు ఏదైనా గాయం సంభవించినప్పుడు రక్తపు సరఫరా లేకపోవడంతో పురుషాంగం క్షీణత (పురుషాంగం కండరాల క్షీణత) కూడా కలుగుతుంది.

అంగస్తంభన వైఫల్యం అంటే ఏమిటి? 

పురుషుడు తన భాగస్వామితో సంతృప్తికరమైన లైంగిక సంపర్కము పొందేటందుకు ప్రయత్నించినపుడు తన అంగస్థితిలో గట్టిదనాన్ని (erectness) పొందలేక పోయే స్థితినే “అంగస్తంభన వైఫల్యం” అంటారు. జీవశాస్త్రపరంగా, పురుషాంగం గట్టిదనాన్ని   కొనసాగించేందుకు తగినంత స్థిరమైన రక్త సరఫరాను కలిగి ఉండాలి. అలాగే, నరములు నిరంతరం ప్రేరణలను పంపించగలగాలి. గట్టిపడేందుకుగాను పురుషాంగానికి ఎముక లేదా ఏ ఇతర సహాయక నిర్మాణం గాని లేదు. నరాల వ్యవస్థతో రక్త నాళాలు సంసర్గసంబంధం కలిగినపుడు శిశ్నము గట్టిపడుతుంది. ఆరోగ్యకరమైన మరియు సంతోషకరమైన జీవితం కలిగి ఉండాలి అంటే ఆరోగ్యకరమైన లైంగిక జీవితాన్ని కలిగి ఉండాలి. అంగస్తంభన వైఫల్యానికి పలు కారణాలున్నాయి. వయస్సు కారణంగా రక్తనాళాలు బిరుసెక్కిపోవడం (atherosclerosis), డయాబెటిస్, ఊబకాయం, మితం మించిన ధూమపానం మరియు మద్యపానం మొదలైన వాటికారణంగా శిశ్న నరాలకు తగినంతగా రక్త సరఫరా లేకపోవడం వల్ల అంగస్తంభన వైఫల్యం సంభవిస్తుంది. ఔషధసేవనం, హార్మోన్ థెరపీ, పురుషాంగాన్ని నిక్కించే (ఇంప్లాంట్లు) పరికరాలు, మరియు సలహాలు అంగస్తంభన వైఫల్యానికి చి

అంగస్తంభన లోపం కొరకు అల్లోపతి మందులు

అంగస్తంభన లోపం ఈ అల్లోపతి మందు అన్ని డాక్టర్ సలహాలు మేరకు మాత్రమే తీసుకోవాలి లేకపోతే సైడ్ ఎఫెక్ట్ ఎక్కువ 

Medicine Name	Pack Size
Penegra Tablet	Penegra 100 Tablet
Viagra	Viagra 100 Tablet (1)
Xylo	Xylo 2% Infusion
Tazzle FM Strip	Tazzle 10 FM Disintegrating Strip
Vigreks	Vigreks 100 Tablet
Xylocaine Injection	Xylocaine Viscous Solution
Vigron	Vigron 50 Mg Tablet
Xylocaine Heavy	Xylocaine Heavy 5% Injection
Vistagra	Vistagra 100 Tablet
Xylocard	Xylocard Injection

हमारी ऐप डाउनलोड करें

डॉक्टरों के लिए ऐप

• 
  

ధన్యవాదములు 🙏

మీ నవీన్ నడిమింటి

ఫోన్ -9703706660

అస్వీకార ప్రకటన: ఈ సైటుపై లభ్యమవుతున్న మొత్తం సమాచారము మరియు లేఖనము కేవలం అవగాహనా ఆవశ్యకతల కొరకు మాత్రమే. ఇక్కడ ఇవ్వబడిన సమాచారమును ఏదైనా ఆరోగ్య సంబంధిత సమస్య లేదా అస్వస్థత నుండి కోలుకోవడానికి లేదా స్వస్థత కొరకు నిపుణుల సలహా లేనిదే ఉపయోగించుకోకూడదు. చికిత్స పరీక్షలు మరియు సేవల కొరకు ఎల్లప్పుడూ ఒక అర్హత పొందిన వైద్యుల సలహా తీసుకోవాలి.

శిలాజిత్ ఆయుర్వేదం మందులు ఎవరు తీసుకోవాలి ఏమి అయినా సైడ్ ఎఫెక్ట్ ఉంటది అవగాహనా కోసం లింక్స్ లో చూడాలి

షిలాజిత్ యొక్క అద్భుతమైన ప్రయోజనాలు తెలుసుకోండి | అన్ని అనారోగ్యాలు దూరం చేసుకోండి | Shilajit Uses

ఆరోగ్యాన్ని జాగ్రత్తగా ఉంచుకోవడానికి చాలా మంది అనేకరకాల సప్లిమెంట్లు, మల్టీవిటమిన్స్ ,ఒమేగా త్రీ ఫ్యాటీ యాసిడ్స్, బీ కాంప్లెక్స్, విటమిన్ సి, కా‌ల్షియం, బరువు తగ్గడానికి గ్రీన్ టీ, రకరకాల టానిక్స్, ప్రొటన్ కోసం ప్రొటీన్ పౌడర్, వీటివలన ఎటువంటి దుష్ప్రభవాలు లా కపోయినా ఇన్ని రకాలు వాడకుండా షీలాజిత్  ఒక చిటికెడు తీసుకుంటే మీ ఆరోగ్య సమస్యలు అన్నీ తొలగిపోతాయి. 

షీలాజిత్ అమృతంలాంటిది.దీనిని పూర్వకాలం నుండి అనేక వైద్య విధానాలలో వాడతారు. శారీరిక, మానసిక శక్తిని పెంచడానికి వాడతారు. షీలాజిత్ అనగానే పురుషులలో శృంగారశక్తిని పెంచే గుళికలు అనుకుంటారు. అలా అనుకుంటే అద్బుతమైన ఆరోగ్య ప్రయోజనాలు పోగొట్టుకున్నట్టే. ఇది సహజసిద్ధమైన ఆయుర్వేద ఔషధం. అనేక రకాల ఆరోగ్య సమస్యలను తగ్గించవచ్చు. 

బరువు పెరగడం తగ్గడం కూడా ఈ షీలాజిత్ తో సాధ్యమే. షీలాజిత్ లో ఉండే ఔషధం ఏంటి. అది శరీరంపై ఎందుకు ఇంతబాగా పనిచేస్తుంది అని. ఇందులో పుల్విక్ యాసిడ్ పుష్కలంగా ఉంటుంది. అది శరీరంలో ఉండే సెల్యురిక్ మెమరిన్స్ ద్వారా శరీరమంతా ప్రయాణిస్తుంది. అందుకే మన షరీరంపై దీని ప్రభావం చాలా త్వరగా కనిపిస్తుంది. కొన్నిరోజుల్లోనే మీ శరీరంపై జుట్టుపై చర్మంపై మెదడుపై దీని అద్బుత ప్రభావం చూపడం మొదలుపెడుతుంది. 

అనేక చర్మ సమస్యలు తగ్గిస్తుంది. అలసట, నీరసంతో బాధపడుతున్నా షీలాజిత్ మీకు మంచి ఔషధం. రకరకాల వయసుల వారు షీలాజిత్ ఎలా ఎప్పుడు తీసుకోవాలో తెలుసుకుందాం. అలాగే ఎవరెవరు తీసుకోకూడదో కూడా తెలుసుకుందాం. షీలాజిత్ ని పర్వతాలనుండి సేకరిస్తారు. హిమాలయాల్లో చివరి పర్వతంపైన ఉండే జిగురు ఈ షీలాజిత్. కొన్ని రకాల చెట్లపైనుండి వచ్చే జిగురులా పర్వతంనుండి వస్తుంది ఈ షీలాజిత్. 

దీనిని పర్వతం యొక్క చమురు అంటారు. దీనిని పర్వతాల నుండి తీసాక శుద్ధి చేసి ఫిల్టర్ చేస్తారు. తర్వాత ఘన లేదా ద్రవ రూపంలో అమ్ముతారు. ఆయుర్వేద షాపుల్లో లేదా ఆన్లైన్లో అందుబాటులో ఉంటాయి. గుళికల రూపంలో కల్తీ జరిగే అవకాశం ఉంటుంది. కనుక ద్రవరూపంలో ఉన్నది తీసుకోవాలి. పెద్దలకయితే 150 నుండి 250 మిల్లీగ్రాముల వరకూ తీసుకోవచ్చు. రోజుకు ఆరొందల మిల్లీగ్రాములకు మించి తీసుకోకూడదు.

 ద్రవరూపంలో అయితే చెంచా వెనుక నుండి అంగుళంలోపు ద్రవంలో ముంచి ఎంత వస్తే అంత వేడినీటిలో వేసి కలపాలి. అల్పాహారం కి అరగంట  ముందు తీసుకోవాలి. ఎప్పుడూ పొయ్యి పై షీలాజిత్ మరిగించకూడదు. వేడినీటిలో మాత్రమే కలిపి తాగాలి. పిల్లలకయితే చిన్న బియ్యంగింజల్లా ఉండే గుళికలు చేసి ఇవ్వాలి. ద్రవం రూపంలో అయితే రెండు చెంచాలు నీళ్ళు కలిపిన ద్రవం తాగించవచ్చు. ఇది శరీరంలోని అన్ని అవయవాల ఆరోగ్యాన్ని కాపాడుతుంది. 

అలాగే గర్బవతులు, పన్నెండేళ్ళలోపు పిల్లలు, ఐరన్ శాతం శరీరంలో ఎక్కువగా ఉన్నవారు తీసుకోకూడదు. గుండెసంబంధ వ్యాధులు, హైబీపీ ఉన్నవారు,  హైఫీవర్ ఉన్నవారు , హర్మనల్ టాబ్లెట్స్ వాడేవారు తీసుకోకూడదు. శరీరంలో వేడి ఎక్కువగా చేస్తుంది కనుక చలికాలంలో మాత్రమే వాడాలి. మూడు నెలలకు మించి వాడకూడదు. తర్వాత నెల గ్యాపిచ్చి వాడుకోవచ్చు. ఇందులో కాల్షియం, మెగ్నీషియం, నికెల్‌, స్టోర్నీటియం పుష్కలంగా ఉంటాయి. ఇవన్ని శరీరాన్ని ఆరోగ్యంగా చేయడంలో దోహదపడతాయి. 

షీలాజిత్ గురించి మరింత సమాచారం కోసం క్రింద లింక్ చూడండి

YOU MAY ALSO ENJOY THESE ARTICLES

ధన్యవాదములు 🙏

మీ నవీన్ నడిమింటి

విశాఖపట్నం

ఫోన్ - 9703706660