వెక్తిగత భాగంలో హెర్పెస్ ఇన్ఫెక్షన్ కు తీసుకోవాలిసిన జాగ్రత్త లు అవగాహనా లింక్స్ లో చూడాలి

జననేంద్రియ హెర్పిస్ సమస్య నివారణకు నవీన్ నడిమింటి సలహాలు - Genital Herpes 

జననేంద్రియ హెర్పిస్ అంటే ఏమిటి?జననేంద్రియ హెర్పిస్, ఒక లైంగిక సంక్రమణ వ్యాధి (STD, sexually transmitted disease) ఇది హెర్పిస్ వైరస్ (herpes virus) వల్ల సంక్రమించే ఒక సాధారణ వ్యాధి. ఇది ప్రధానంగా జననాంగాలు, పాయువు, లేదా నోటి భాగాలను ప్రభావితం చేస్తుంది. ఈ వ్యాధి ఇతర లైంగిక సంక్రమణ వ్యాధుల (STDs ) వలె ప్రాణాంతకమైనది కాదు, కానీ దీని శాశ్వతమైన నివారణ (పరిష్కారం) అందుబాటులో లేదు.

హెర్పెస్, హ్యూమన్ ఇమ్మ్యునో డెఫిషియన్సీ వైరస్ (హెచ్.ఐ.వి) సంక్రమణను పొందే ప్రమాదాన్ని పెంచుతుందని అధ్యయనాలు సూచిస్తున్నాయి. భారతీయ జనాభాలో ఈ సంక్రమణ (ఇన్ఫెక్షన్) వ్యాప్తికి సంబంధించిన సమాచారం పరిమితంగానే ఉంది.

దాని ప్రధాన సంకేతాలు మరియు లక్షణాలు ఏమిటి?

రోగులు ఎటువంటి లక్షణాలను అనుభవించరు మరియు సంక్రమణ మొదట్లో అసలు దాన్ని గుర్తించరు. సంక్రమణ సోకిన 2 నుండి 10 రోజుల్లోపు మొదటి రోగ లక్షణాలను గుర్తించవచ్చు. కొన్ని సాధారణ లక్షణాలు:

• జ్వరం
• తలనొప్పి
• బలహీనత
• వికారం
• కండరాల నొప్పి
• ఒకటి లేదా అంతకంటే ఎక్కువ ద్రవం నిండిన  బొబ్బలు జననాంగాలలో, పాయువు, పిరుదులు, లేదా పెదవుల మీద కనిపిస్తాయి
• మూత్రం విసర్జన చేస్తున్నపుడు మంట
• జననాంగాలలో నొప్పి
• యోని స్రావాలు

ద్రవ నిండిన బొబ్బలు పగిలి, తెరుచుకుని మచ్చ ఏర్పర్చకుండా తగ్గిపోతాయి. సంక్రమణ సోకిన 15 నుంచి 23 రోజుల్లో ఇది జరుగుతుంది. పునరావృత్తమయ్యే  సంక్రమణలలో ఫ్లూ-వంటి లక్షణాలు ఉండవు మరియు పుళ్ళు తక్కువ నొప్పితో ఉంటాయి. బొబ్బల సంఖ్య సమయంతో పాటు తగ్గిపోతుంది మరియు ఒక వారం లోపల నయమవుతాయి. లక్షణాలు ఒక వ్యక్తి నుండి వేరే వ్యక్తికి మారవచ్చు.

దీని ప్రధాన కారణాలు ఏమిటి?

జననేంద్రియ హెర్పిస్ రెండు రకాల వైరస్ల వలన సంభవిస్తుంది: హెర్పెస్ సింప్లెక్స్ వైరస్ 1 (HSV 1) మరియు హెర్పెస్ సింప్లెక్స్ వైరస్ 2 (HSV 2). HSV 2 జననాంగాలు, పాయువు మరియు పిరుదులలో పుండ్లకు కారణమవుతుంది మరియు HSV 1  నోటి పూతల యొక్క సాధారణ కారణం.

హెర్పిస్ వైరస్ ప్రభావిత వ్యక్తులతో లైంగిక సంపర్కం (యోని, యానల్ లేదా ఓరల్ సెక్స్) వలన  సంక్రమిత పుండ్ల (infected sores ) ద్వారా  వ్యాపిస్తుంది. వ్యాధి సోకిన వ్యక్తికి పుండు లేనప్పటికీ సంక్రమణ వ్యాపిస్తుంది.

ఎలా నిర్ధారించాలి మరియు చికిత్స ఏమిటి?

పైన పేర్కొన్న లక్షణాలను వ్యక్తి అనుభవించినట్లైతే, సదరు వ్యక్తి మరియు వారి భాగస్వామి వైద్యుడిని సంప్రదించాలి. వైద్యులు వైరస్ను గుర్తించడానికి పుండు (అప్పుడు ఉంటే కనుక) నుండి ద్రవ నమూనాను సేకరిస్తారు.పుండ్లు లేకపోతే, యాంటీబాడీలను (antibodies) గుర్తించడానికి రక్త పరీక్ష చేస్తారు.

వైద్యులు అంటువ్యాధి/సంక్రమణ తీవ్రత మరియు పునరావృత్తాన్ని తగ్గించడానికి వైరస్ వ్యతిరేక (anti-viral) మందులను సూచిస్తారు.. నొప్పిని తగ్గించడానికి మందులు సూచించబడతాయి. దురదృష్టవశాత్తు, ఎటువంటి నివారణ చర్య అందుబాటులో లేదు, కానీ వైరస్ వ్యాప్తిని తగ్గించవచ్చు

• శృంగార (సెక్స్) సమయంలో కండోమ్ ఉపయోగించాలి
• ఒక వ్యక్తికీ లేదా తన  భాగస్వామికి పుళ్ళు ఉంటే సెక్స్ను  నివారించాలి
• బహుళ శృంగార భాగస్వాములను నివారించాల

జననేంద్రియ హెర్పిస్ కొరకు మందులు

Medicine Name	Pack Size
Herpex	Herpex 100 Tablet
Mama Natura Munostim	Mama Natura Munostim
Valanext	Valanext 1000 Mg Tablet
Logivir	Logivir 5% Cream
Logivir DT	Logivir DT 400 Mg Tablet
Valcet	Valcet 1000 Mg Tablet
Valcivir	VALCIVIR 1GM TABLET 10S
Zimivir	Zimivir 1000 Tablet
Valamac	Valamac 1000 Tablet
Valavir	VALAVIR 1GM TABLET 3S

 హెర్పిస్‌ సింప్లెక్స్‌.. ఇది వైరస్‌ క్రిముల ద్వారా సంక్రమించే వ్యాధి. అంటువ్యాధి. పూర్తిగా నయం చెయ్యటం కష్టమే. వస్తూ పోతూ వుంటుంది. దీనికి హెర్పిస్‌ సింప్లెక్స్‌ వైరస్‌-1 మరియు హెర్పిస్‌ వైరస్‌-2 కారణాలుగా గుర్తించారు. అత్యధిక కేసులు హెర్పిస్‌ వైరస్‌-2 కారణంగా సంక్రమిస్తున్నట్లు నిర్ధారించడం జరిగింది. అయినా ఈ రెండు రకాల వైరస్‌ల మూలంగా నోరు, జననేంద్రియాలకు హెర్పిస్‌ సింప్లెక్స్‌ వ్యాధి సంక్రమిస్తున్నట్లు నిర్ధారించారు.

చర్మానికి చర్మం తాకినందువల్ల ఈ వ్యాధి సంక్రమిస్తుంది. చర్మం మీద ఎక్కడా గుల్లలు కనిపించని కేసుల ద్వారా కూడా ఇన్ఫెక్షన్‌ సంక్రమిస్తున్నట్లు గుర్తించారు. స్త్రీలలో యోని నుండి వెలువడే స్రావాలలో (పైన గుల్లలు(blisters) లేనప్పటికీ) వైరస్‌ క్రిములున్నట్లు కనుగొనడం జరిగింది.

ఈ హెర్పిస్‌ సింప్లెక్స్‌ తీవ్రమైన అంటువ్యాధి. ఈ వ్యాధి సోకిన స్త్రీలు గర్భవతులైతే వైద్యుని తప్పనిసరిగా సంప్రదించాల్సి ఉంటుంది. కాన్పు సమయంలో ఈ వ్యాధి- పుట్టే బిడ్డకు సంక్రమించే అవకాశముంది. ఈ వైరస్‌ సోకి పుట్టే బిడ్డలకు కంటిచూపు పోయే ప్రమాదముంది. మెదడు వాపు లాంటి వ్యాధులు సంక్రమించి శిశువు ప్రాణాలకూ ప్రమాదం రావచ్చు. కనుక వైద్యులు సిజేరియన్‌ ఆపరేషన్‌ ద్వారా కాన్పు చేసే విషయం ఆలోచించవలసి వుంటుంది. యోని చుట్టూ గుల్లలు లేని సందర్భంలో మాత్రం యోని ద్వారా కాన్పు చేయడం ఆలోచించవచ్చు.

హెర్పిస్‌ వైరస్‌ మెదడులోని నాడీ కణాలలో దాగి వుండి దేహరక్షణ వ్యవస్థకు తెలియకుండా నిద్రాణంగా ఉండిపోవచ్చు. మధ్యమధ్యలో ఈ క్రిములు విజృంభించి జననేంద్రియాల వద్ద గుల్లల(blisters)కు కారణమవుతుండొచ్చు. రోగనిరోధక వ్యవస్థ ఒత్తిళ్ళకు గురైన సందర్భంలో ఇలా జరిగే అవకాశాలు ఎక్కువ. అలాగే వ్యాధి మూలకంగా రోగనిరోధక వ్యవస్థ బలహీనపడిన సందర్భంలోనూ వైరస్‌ క్రిములు విజృంభించొచ్చు.

మూతిమీద 'కోల్డ్‌ సోర్స్‌' ఉన్న వ్యక్తులను ముద్దాడడం ప్రమాదకరం. వారు వాడిన తువ్వాలు మొదలైన వాడిని వాడరాదు. వారితో సెక్స్‌లో పాల్గొనటం కూడా ప్రమాదకరమే. కండోమ్‌లు వాడినా ముప్పు పొంచే ఉంటుంది. ఎందుకంటే కండోమ్‌ వెలుపల ప్రదేశంలో ఇన్ఫెక్షన్‌తో కూడిన గుల్లలుండొచ్చు.

హెర్పిస్‌ వైరస్‌ వలన రెండు ఇతరత్రా ప్రమాదకర వ్యాధులు సంప్రాప్తించే అవకాశం ఉంది. ఇది ఉంటే ఎయిడ్స్‌కారక హెచ్‌ఐవీ తేలికగా సోకే అవకాశం ఉంది. మరొకటి హ్యూమన్‌ పాపిలోమా వైరస్‌. దీనివల్ల  క్యాన్సర్‌ వచ్చే అవకాశం ఉంటుంది.


ఏటువంటి పరిస్థితులలో ఇది మళ్ళి మళ్ళీ కనిపించును :

• సాధారణ అనారోగ్య సుస్థి చేసినప్పుడు ,
• బాగా అలసటకు గురిచేసే వృత్తిపనులవారిలో(Fatigue),
• అధిక శారీరక లేదా మానసిక శ్రమ ఉన్నపుడు ,
• వ్యాధినిరోధక శక్తి తగ్గించే రోగాలు తో బాధపడుతున్నపుడు,
• పొక్కులు లేదా గుళ్ళలు ప్రదేశములో రాపిడి కలిగినపుడు ,
• బహిస్ట సమయాలలోనూ ఇది వ్యాపించే అవకాశమున్నది ,

• లక్షణాలు లేదా సింప్టమ్‌స్ :

గుల్లలు లేదా పుల్లు - ఇవి మూతి చుట్టూ , జననేంద్రియాల చుట్టూ కనిపిస్తాయి .చాలా నొప్పితో ఉంటాయి. చిన్నగా జ్వరము , శరీరం నొప్పులు ఉంటాయి.

• పరీక్షలు :

ఈ వ్యాధిని గుర్తించడానికి ఏ ల్యాబ్ పరీక్షలు అవసరము లేదు . పొక్కులు లేదా గుల్లలు (blisters) చూసి పోల్చ వచ్చును . సాధారణము గా Lab Tests ...DNA, - or PCR , virus culture మున్నగునవి చేస్తారు.

•  చికిత్స :

చాలా మంది చికిత్స లేకుండానే మామూలు గానే తిరిగేస్తారు. పూర్తిగా ఈ వైరస్ ని శరీరమునుండి సమూలముగా లేకుండా చేయలేము .
యాంటి వైరల్ మందులు(antiviral drugs ) : ఉదా:  acyclovir and valacyclovir can reduce reactivation rates. Aloe Vera జెనిటల్ హెర్పీస్ లో కొంతవరకు పనిచేస్తున్నట్లు అదారాలు ఉన్నాయి.
నొప్పిగా ఉంటే ... tab. ultranac-p రోజుకి 2-3 మాత్రలు 5-7 రోజులు వాడాలి.
దురద , నుసి ఉంటే : tab . cetrazine 1-2 మాత్రలు 3-4 రోజులు వాడాల

• 
  

ధన్యవాదములు 🙏

మీ నవీన్ నడిమింటి

విశాఖపట్నం

9703706660

అస్వీకార ప్రకటన: ఈ సైటుపై లభ్యమవుతున్న మొత్తం సమాచారము మరియు లేఖనము కేవలం అవగాహనా ఆవశ్యకతల కొరకు మాత్రమే. ఇక్కడ ఇవ్వబడిన సమాచారమును ఏదైనా ఆరోగ్య సంబంధిత సమస్య లేదా అస్వస్థత నుండి కోలుకోవడానికి లేదా స్వస్థత కొరకు నిపుణుల సలహా లేనిదే ఉపయోగించుకోకూడదు. చికిత్స పరీక్షలు మరియు సేవల కొరకు ఎల్లప్పుడూ ఒక అర్హత పొందిన వైద్యుల సలహా తీసుకోవా

టైపాయిడ్ ఫీవర్ ఉన్న వాళ్ళు తీసుకోవాలిన జాగ్రత్త లు అవగాహనా కోసం లింక్స్ లో చూడాలి

టైఫాయిడ్ జ్వరం ఉన్న వాళ్ళ తీసుకోవాలిన జాగ్రత్త లు నవీన్ నడిమింటి సలహాలు  -

Typhoid Fever 

సారాంశం

టైఫాయిడ్ అనేది ‘సాల్మొనెల్లా టైఫి’ బ్యాక్టీరియ వల్ల కలిగే ఒక సాంక్రమిక విషక్రిమికారక వ్యాధి. టైఫాయిడ్ తో బాధ  పడుతున్న రోగికి జ్వరం, కడుపు నొప్పి, తలనొప్పి, ఆకలి లేకపోవటం, గులాబీ రంగు మచ్చలేర్పడ్డం వంటి వ్యాధి లక్షణాలుంటాయి. సాధారణంగా రుతుపవనాలకు (ముంగారు వర్షాలు) ముందుకాలం, వర్షాకాలం సీజన్లో మరియు వర్షాకాలం తర్వాత టైఫాయిడ్ వ్యాపిస్తుంటుంది. ఈ వ్యాధి ఒకరి నుండి మరొకరికి మలం ద్వారా, మరియు నోటి మార్గం ద్వారా  వ్యాపిస్తుంది. అందువల్ల, మలపరీక్ష (స్టూల్ టెస్ట్) ద్వారా రోగి టైఫాయిడ్ విషక్రిమితో (బ్యాక్టీరియాతో) బాధపడుతున్నాడా లేదా అన్న దాన్ని నిర్ధారించడం జరుగుతుంది. యాంటీబయాటిక్స్ మందులుపయోగించి టైఫాయిడ్ జ్వరానికి వైద్యులు పూర్తి చికిత్స చేస్తారు. చికిత్స చేయకపోతే, ప్రమాదకరమైన అంతర్గత రక్తస్రావం, కుళ్ళకం (సెప్సిస్) లాంటి  సమస్యలకు దారి తీస్తుంది. అరుదైన సందర్భాల్లో సరైన సమయంలో చికిత్స పొందని  టైఫాయిడ్ జ్వరం వల్ల మరణం కూడా సంభవించవచ్చు

టైఫాయిడ్ అంటే ఏమిటి?

టైఫాయిడ్ మరియు ‘ప్యారాటైఫాయిడ్’ (paratyphoid) జ్వరాలను సమిష్టిగా ‘పేగు జ్వరం’ అని పిలుస్తారు. క్రిమి సంబంధమైన జ్వరమిది. ‘సాల్మొనెల్ల ఎంటేరికా’ కు చెందిన వివిధ జాతుల సూక్ష్మవిషక్రిములైన టైఫి, ప్యారాటైఫి-ఎ, బి మరియూ సి ల కారణంగా దాపురించే ఒక సాధారణ అంటువ్యాధి ఈ టైఫాయిడ్ జ్వరం. ఆరంభంలో ఇది మీ జీర్ణ వ్యవస్థను దెబ్బ తీస్తుంది. కానీ చికిత్స చేయకుండా అట్లే అశ్రద్ధగా వదిలేస్తే ఈ పరిస్థితి తీవ్రంగా మారి రోగి శరీరం యొక్క వివిధ అవయవాలకు వ్యాపిస్తుంది. తద్వారా, ఇది తీవ్రమైన ప్రమాదాలకు దారితీయవచ్చు, అది ప్రాణాంతకమూ  కావచ్చు.

టైఫాయిడ్ యొక్క లక్షణాలు

కలుషితమైన ఆహారాన్ని తీసుకున్న తరువాత, బాక్టీరియా మనిషి జీర్ణ వ్యవస్థలోకి ప్రవేసించి విపరీతంగా వృద్ధి చెందుతుంది. దీనితో టైఫాయిడ్ ప్రేరేపించబడి కింద చెప్పబడిన లక్షణాలు విపరీతమవుతూ ఉంటాయి.

• జ్వరం 102 ⁰ నుండి 104 ⁰F (38⁰-40⁰C) ఉంటుంది.
• కడుపు నొప్పి
• దగ్గు
• ఆకలి తగ్గిపోవడం
• మలబద్ధకం
• అతిసారం 

​​ఈ దశలోనే త్వరపడి చికిత్స చేయకపోతే, లక్షణాలు మరింత విపరీతమై పోతాయి. దానికి తోడు కింద తెలిపిన మరిన్ని ఉపద్రవ లక్షణాలు రోగి అనుభవించాల్సి వస్తుంది.

• అలసట
• గందరగోళం
• భ్రాంతులు (అక్కడ లేనిది ఏదో చూసినట్టు లేదా విన్నట్టు అనిపించడం)
• ముక్కు రక్తస్రావం (అంటే జలుబు కారణంగా ముక్కు నుండి నీళ్లు కారడం)
• ధ్యానలోపం లేదా సావధానత లోటు (దేని పైనా దృష్టి కేంద్రీకరించలేక పోవడం)
• పొట్ట, ఛాతీ పైన గులాబీ రంగులో మచ్చలు (రోజ్ మచ్చలు), దద్దుర్లు ఏర్పడతాయి. 

పిల్లల్లో బలమైన రోగనిరోధక వ్యవస్థ ఉంటుంది మరియు అది మరింత అభివృద్ధి చెందుతూ ఉంటుంది. దీని కారణంగా టైఫాయిడ్ జ్వరం లక్షణాలు పెద్దల్లో కానవచ్చినట్లు పిల్లల్లో అంత త్వరగాను మరియు ప్రస్ఫుటంగాను  బయటపడవు. కనుక, పిల్లల్లో టైఫాయిడ్ లక్షణాలు తేలికపాటివిగా కన్పించినా వెంటనే చికిత్సనందించాలి.

టైఫాయిడ్ యొక్క కారణాలు 

టైఫాయిడ్ ఫీవర్ యొక్క కారణాలుటైఫాయిడ్ జ్వరం ‘సాల్మోనెల్లా టైఫి’ (ఒక రకం బాక్టీరియా క్రిమి) అనే విష క్రిమి వలన సంభవిస్తుంది. టైఫాయిడ్ ఒకరి నుండి మరొకరికి ఎలా అంటుకొంటుందీ అంటే మలం ద్వారా, మరియు నోటి మార్గం ద్వారా. ఒక వ్యక్తి, ఆమె కావచ్చు లేక అతడు కావచ్చు, కలుషితమైన చేతులతో వంట చేయడం, అలా వండిన ఆహారాన్ని ఇతరులకు వడ్డించినా టైఫాయిడ్ అంటువ్యాధి ఒకరి నుండి మరొకరికి వ్యాపిస్తుంది.

ప్రమాద కారకాలు

టైఫాయిడ్ జ్వరం యొక్క కొన్ని ప్రమాద కారకాలు ఇలా ఉన్నాయి:

• కలుషితమైన ఆహారం మరియు నీరు   
  ‘సాల్మోనెల్లా’ విషక్రిమితో కలుషితమైన ఆహారం మరియు నీరు సేవించడం ద్వారా ఈ టైఫాయిడ్ అంటువ్యాధి ఒకరి నుండి మరొకరికి సంక్రమిస్తుంది, ఇదే ఈ వ్యాధిని సంక్రమింపజేసే అత్యంత సాధారణ కారణం. సరిగ్గా శుభ్రపరచకుండా పండ్లు మరియు కూరగాయలను తినడం, కలుషితమైన చోటులో నిల్వ ఉంచబడిన ఆహారాన్ని తినటం, కలుషితమైన నీటిని తాగడం వల్ల టైఫాయిడ్ అంటువ్యాధి ఒకరి నుండి మరొకరికి వ్యాపిస్తుంది.
   
• పరిశుభ్రతా లోపం   
  టైఫాయిడ్ విషక్రిములు కల్గిన అపరిశుభ్ర స్నానపు గదుల్ని లేదా మూత్రశాలల్ని ఉపయోగించిన తర్వాత సరిగా చేతులు కడుక్కోకుండా అదే చేతులతో ఆహారం తినడం, లేదా శిశువులకు, పిల్ల వాండ్రకు తినబెట్టడం చేసినట్లయితే అలంటి వారికి టైఫాయిడ్ వ్యాధి అంటుకునే ప్రమాదం ఉంది. ఇందువల్ల కేవలం మీకే కాక మీ పిల్లలకూ టైఫాయిడ్ అంటుకునే ప్రమాదముంది.
   
• టైఫాయిడ్ క్యారియర్లు   
  టైఫాయిడ్ జ్వరచరిత్ర కలిగిన వ్యక్తులు తరచుగా వారి మలం   మరియు మూత్రంలో టైఫాయిడ్ బ్యాక్టీరియా ఉన్న సంగతిని గుర్తించలేకపోవచ్చు. అందువల్ల, అలాంటి వారు టైఫాయిడ్ వ్యాప్తికి నిరంతర మూలస్థానంగా మారతారు. కలుషితమైన ఆహారం, నీరు, మరియు పరిశుభ్రంగా లేని వస్తువులను కుటుంబంలోని వారు వాడడం వల్ల టైఫాయిడ్ ఆ కుటుంబంలోని వారికే కాకుండా ఇతరులకు కూడా సంక్రమించే అవకాశం మెండుగా ఉంటుంది. టైఫాయిడ్ జ్వరంతో ఉన్న వ్యక్తి ఆహార పదార్థాలను ఇతరులకు వడ్డించడం, లేదా  ఆ ఆహారాన్ని నిర్వహించడం వంటి పనులు చేసినట్లయితే ఒకరి నుండి మరొకరికి టైఫాయిడ్ సోకుతుంది.
•  
• పర్యాటకం   
  అధిక పారిశుద్ధ్యలోపం మరియు పరిశుభ్రమైన నీటి కొరత ఉన్న పర్యాటక ప్రదేశాల (high-risk areas) కు వెళ్లడం లేదా అలాంటి ప్రమాదకర పర్యాటక ప్రదేశాలనుండి ఇతర ప్రాంతాలకు ప్రయాణించడం కూడా టైఫాయిడ్ జ్వరము యొక్క వ్యాప్తికి  కారణమవుతుంది.
   
• లైంగిక సంబంధం
  టైఫాయిడ్ (విషక్రిమిని) కల్గిన వ్యక్తితో అసురక్షిత (అంటే ‘నిరోద్’ వంటి గర్భనిరోధకాలు వాడకుండా)  లైంగిక సంపర్కం-అది (Oral) నోటి సంపర్కం లేదా అంగ సంపర్కం కావచ్చు-చేయడం వల్ల అతని/ఆమె భాగస్వామికి కూడా టైఫాయిడ్ సోకవచ్చు.
   
• మలం 
  ‘సాల్మోనెల్లా’ విషక్రిమితో కూడిన మలాన్నిపొలాలకు వేయడం వల్ల ఆ ప్రాంతం నేల, నీరు, అక్కడ పండే కూరగాయలు ఇతరత్రా పంటలు కూడా సాల్మొనెల్లా విషక్రిమితో సంకరమైపోతాయి, ఇలా కలుషితమైన ప్రదేశాల నుండి తెచ్చిన ఆహారాన్నిప్రజలు తినడం వల్ల టైఫాయిడ్ జ్వరం విస్తారంగా వ్యాప్తి చెందవచ్చు.
   
• మూత్రం   
  మూత్రం ద్వారా టైఫాయిడ్ వ్యాప్తి చెందే అవకాశం తక్కువగా ఉన్నప్పటికీ, కొన్ని సందర్భాల్లో టైఫాయిడ్ సోకడానికి మూత్రం కూడా కారణమవడం సాధ్యమే.

టైఫాయిడ్ యొక్క వ్యాధినిర్ధారణ 

మీ అనారోగ్య పరిస్థితి నిర్ధారణకు ఒకటి లేదా అంతకన్నా ఎక్కువ పరీక్షలను చేయించుకొమ్మని మీ డాక్టర్ మీకు సూచించవచ్చు. ఈ పరీక్షలు క్రింది విధంగా ఉన్నాయి:

• మలం పరీక్ష (స్టూల్ టెస్ట్) 
  ఈ పరీక్షలో, మీనుండి సేకరించిన ‘మలం మాదిరి’ (stool sample) లోని   ‘సాల్మోనెల్లా టైఫి’ విషక్రిమిని కనిపెట్టేందుకు సూక్ష్మదర్శిని (కంటికి కనిపించని జీవాలను మరియు పదార్ధాలను చూడడానికి ఉపయోగించే పరికరం) కింద పరిశీలించబడుతుంది.

• రక్త పరీక్ష
  ఈ పరీక్షలో, మీ రక్తం నమూనాను CBC (పూర్తి రక్త గణన) పరీక్ష కోసం తీసుకోబడుతుంది. రక్త నమూనానిచ్చిన సదరు వ్యక్తికి టైఫాయిడ్ సంక్రమించి ఉంటే తెల్ల రక్త కణాల సంఖ్య పెరిగి ఉండడాన్ని ఈ పరీక్ష నిర్ధారిస్తుంది. రక్తాన్ని సూక్ష్మదర్శినిలో కూడా పరిశీలించి టైఫాయిడ్ సోకిందీ లేనిదీ నిర్ధారిస్తారు. టైఫాయిడ్ సోకి ఉంటే ప్లేట్లెట్ల (platelets)  సంఖ్య గణనీయంగా పడిపోయి ఉండడం ఈ రక్త పరీక్షలో తెలుస్తుంది.

• మూత్ర పరీక్ష
  మూత్రం ద్వారా టైఫాయిడ్ బ్యాక్టీరియా వ్యాప్తి చెందడం అరుదు.  అరుదైనప్పటికీ ఒకవేళ సదరు వ్యక్తికీ టైఫాయిడ్ బ్యాక్టీరియా మూత్రం ద్వారానే సోకే  అవకాశం ఉంది. సూక్ష్మదర్శిని పరీక్ష టైఫాయిడ్ బాక్టీరియా ఉనికిని బహిర్గతం చేయవచ్చు.

• ఎముక మజ్జ పరీక్ష
  పైన తెలిపిన పరీక్షలు ఏమీ తేల్చక పొతే ఎముక మజ్జ పరీక్షను చేస్తారు. ఎందుకంటే ఇది ఖచ్చితమైన పరీక్ష కాబట్టి. ఈ పరీక్షను చివరి పరిష్కారంగా జరుపుతారు. ఈ పరీక్ష ఒకింత బాధాకరమైన మరియు ఎక్కువ సమయం తీసుకునే ప్రక్రియ.

ఇతర పరీక్షలు:

• ఎలిసా-టై (ELISA-Ty) పరీక్ష: (రసాయనికామ్లద్రవ-సంబంధమైన టైఫాయిడ్ రోగనిరోధక పరీక్ష)
  ఈ పరీక్ష శరీరంలోని టైఫాయిడ్-ప్రతిరోధకాలైన IgM మరియు IgG ల యొక్క రక్తరసి స్థాయిలను కొలుస్తుంది. శరీరంలో రోగకారక సూక్ష్మజీవులు మరియు వాటి ఉత్పత్తులను తటస్థం చేయడంలో IgM మరియు IgG ప్రతిరోధకాలు సాయపడతాయి.

• పరోక్ష ఫ్లోరోసెంట్ యాంటిబాడీ టెస్ట్
  ​మరొక సెరోలాజికల్ పరీక్ష ఇది. టైఫాయిడ్ అంటువ్యాధిని  నిర్థారించడానికి ఉన్న వేగవంతమైన పరీక్ష

పైన పేర్కొన్న పరీక్షలు రోగిలో టైఫాయిడ్ అంటువ్యాధిని నిర్ధారించినప్పుడు, సదరు రోగి కుటుంబ సభ్యులకు కూడా ఈ పరీక్షలు జరిపి వారికేమైనా టైఫాయిడ్ సంక్రమణ ఏమైనా జరిగిందా లేదా అనే విషయాన్ని నిర్ధారిస్తారు.

టైఫాయిడ్ యొక్క చికిత్స 

టైఫాయిడ్ లక్షణాలు మరింత తీవ్రతరం కావడానికి ముందే తక్షణ వైద్య సహాయాన్ని తీసుకోవడం చాలా ముఖ్యం. మీరు తీసుకోబోయే చికిత్స యొక్క సాధారణ కోర్సు ఇక్కడ వివరించబడింది:

• ఓరల్ యాంటీబయాటిక్స్
  మీరు వైద్య సహాయం కోసం వెళ్ళినప్పుడు మరియు రోగనిర్ధారణ ప్రారంభం కాగానే, 7-14 రోజులకు యాంటీబయాటిక్స్ (సూక్ష్మజీవులకు వ్యతిరేకంగా ఇచ్చే మందులు) లోనికి తీసుకునేందుకు సూచించబడుతాయి. ఔషధాలను తీసుకొన్న 2-3 రోజులలోపు మీ జబ్బు లక్షణాలు తగ్గిపోవచ్చు, అట్లాగని యాంటీబయాటిక్స్ తీసుకోవటాన్ని నిలిపివేయవద్దని మీకు సిఫార్సు చేస్తున్నాం. ఎందుకంటే యాంటీబయాటిక్స్ కొనసాగించడం వల్ల మీ శరీరంలో బ్యాక్టీరియా పూర్తిగా తొలగించబడుతుంది.

• ద్రవాహార ప్రత్యామ్నాయాలు
  మీ నిర్జలీకరణాన్ని (శరీరంలో నీరు లేకపోయే స్థితి)  మెరుగుపర్చడానికి పుష్కలంగా ద్రవాలను తీసుకోవాలని మీకు వైద్యులు సలహా ఇస్తారు.  రోగనిర్ధారణ ప్రారంభ సమయంలో సాధారణంగా ఆసుపత్రిలో ఉండి చికిత్స పొందనవసరం లేదు మరియు రోగికి ఇంటి వద్దనే  యాంటీబయాటిక్ కోర్సును కొనసాగించవచ్చు.

• ఆసుపత్రిలో
  ఎదో ఒక కారణం వల్ల మీరు చికిత్సను ఆలస్యం చేసినప్పుడు, యాంటీబయాటిక్స్ యొక్క పూర్తి కోర్సును తీసుకున్న తర్వాత కూడా టైఫాయిడ్ జ్వర లక్షణాలు తొలగిపోక పోయినా, లేదా లక్షణాలు మరింత తీవ్రమయినా వైద్యుడు మీ పరిస్థితిని పర్యవేక్షించడానికి ఆసుపత్రిలో చేరమని సలహా ఇస్తారు. మీ పరిస్థితి తీవ్రమైనది అయినట్లయితే, యాంటిబయోటిక్ సూది మందులు ఇవ్వబడతాయి. ఈ యాంటీబయాటిక్స్ వేగంగా పని చేస్తాయి మరియు మీ టైఫాయిడ్ లక్షణాల తీవ్రతను తగ్గించడానికి సహాయం చేస్తాయి. ఫ్లూయిడ్ (ద్రవాలు) మరియు ఎలెక్ట్రోలైట్ ప్రత్యామ్నాయం కూడా ఇంట్రావీనస్ (డ్రిప్స్) మార్గాన్ని ఉపయోగించి డాక్టర్ వైద్యం చేయడం జరుగుతుంది.

• రెండవసారి మల పరీక్ష (స్టూల్ టెస్ట్)
  పూర్తి చికిత్స తర్వాత, ఇకపై మీ మలంలో టైఫాయిడ్ బ్యాక్టీరియా లేదని నిర్ధారించుకోవడానికి రెండవ స్టూల్ పరీక్ష (మల పరీక్ష) జరుగుతుంది. ఈ మల పరీక్షలో మళ్ళీ టైఫాయిడ్ బ్యాక్టీరియా ఉన్నట్లు తేలితే మరో 28-రోజుల నోటి యాంటీబయాటిక్స్ కోర్సు మీకు ఇవ్వబడుతుంది. అటుపై మీ మలంలో టైఫాయిడ్ విషక్రిములు పూర్తిగా తొలగాయా లేదా అని ధృవీకరించుకోవడానికి మల్లె మల పరీక్ష చేస్తారు.

• పునఃస్థితి
  కొన్ని సందర్భాల్లో, పునఃస్థితి (తిరిగి టైఫాయిడ్ లక్షణాలు రావడం) సంభవిస్తుంది. పునఃస్థితి సాధారణంగా, మీ మందుల సేవనం పూర్తి చేసిన వారం తర్వాత రావచ్చు. పునఃస్థితి లక్షణాలు తేలికపాటివి  మరియు స్వల్పకాలికమైనవి. అయినా, యాంటీబయాటిక్స్ కోర్సు సాధారణంగా సూచించబడుతుంది. ఈ సందర్భంలో వైద్యుడు ప్రత్యేకంగా కుటుంబ సభ్యులను కోరేదేమంటే రోగిని పరీక్షగా జాగ్రత్తగా గమనించమని, ఎందుకంటే టైఫాయిడ్ యొక్క పునఃస్థితి శరీరాన్ని  బలహీనపరుస్తుంది.

టైఫాయిడ్ చికిత్సలో ఇటీవలి సవాళ్లు

వైద్య పరిశోధకులు టైఫాయిడ్ బాక్టీరియా యొక్క కొన్ని జాతులను ఎదుర్కొంటున్నారు. ఈ జాతులు ‘సిప్రోఫ్లోక్ససిన్’ వంటి యాంటీబయాటిక్స్ కు లొంగకుండా పోతున్నాయి. ఇటీవల పలు యాంటీబయాటిక్స్ ను వాడినా వాటికి లొంగకుండా టైఫాయిడ్ ను తీవ్రతరం చేసే పలు బ్యాక్టీరియాలను వైద్య పరిశోధకుల దృష్టిలోకి వచ్చాయి. అందువల్ల, పరిశుభ్రత మరియు పారిశుద్ధ్యాలను నిర్వహించినట్లయితే టైఫాయిడ్ అంటువ్యాధి నివారణా  బాధ్యత వైద్యుల చేతిలో కంటే మన చేతుల్లోనే చాలా బాగా కృతకృత్యమవుతుంది.

స్వీయ రక్షణ

• అందరు వైద్యులు టైఫాయిడ్ రోగి ప్రారంభదశలో పూర్తి బెడ్ రెస్ట్ తీసుకొమ్మని సలహానిస్తారు.
• టైఫాయిడ్ రోగి శరీరం బలహీనంగా మరియు వివిధ అంటురోగాలకు బాలయ్యేదిగా ఉంటుంది గనుక, కొబ్బరి నీరు, పండ్ల  రసాలను, లస్సీ, గ్లూకోజ్, నీరు వంటి ద్రవాహారాలను క్రమం తప్పకుండా తీసుకోవాలని వైద్యులు సలహా ఇస్తారు.
• తేలికైన మరియు సులభంగా జీర్ణమయ్యే భోజన పదార్థాలైన వరిఅన్నం, పండ్లు మొదలైనవాటిని తక్కువ తక్కువ వ్యవధుల్లో తీసుకోవలసి ఉంటుంది. రోజులో మూడు సార్లు భారీగా భోంచేయడం కంటే ఇలా తక్కువ వ్యవధుల్లో చాలా సార్లు కొంచం కొంచం తినడం సబబని వైద్యులు చెబుతున్నారు.
• నెయ్యి, పాలు, మొదలైనవి కొవ్వుకారకాలు గనుక అలంటి ఆహారాన్ని తినవద్దు. మంచి వ్యక్తిగత పరిశుభ్రతను పాటించమని కూడా మీకు వైద్యులు సలహా ఇస్తారు.
• టైఫాయిడ్ చికిత్స అనంతరం చాలామంది ఒకింత బాగైపోయినట్లు భావించి వెంటనే పనికెళ్ళడం లేదా విద్యార్థులైతే పాఠశాలలకు వెళ్లడం చేస్తుంటారు. అయితే, అయిదు సంవత్సరముల లోపు వయస్సు ఉన్న పిల్లలు, వృద్ధులు, ఉద్యోగం చేస్తూ, ఇల్లు-పిల్లల్ని సంరక్షించుకునే మహిళలు టైఫాయిడ్ చికిత్సానంతరం వెంటనే పనిలో కెళ్లకుండా కాస్త ఓపిక పట్టాలి. మలపరీక్షలో టైఫాయిడ్ క్రిమి లేదని, జ్వరం పూర్తిగా తగ్గిపోయిందని నిర్ధారించుకున్నాకే పనిలో కెళ్ళడం లేదా విద్యార్థులైతే పాఠశాలకు వెళ్లడం చేయచ్చు.

టైఫాయిడ్ యొక్క చిక్కులు 

టైఫాయిడ్ విషయంలో వ్యాధి నిర్ధారణ సాధ్యమైనంత ముందుగానే చేయించుకుని చికిత్స తీసుకోకపోతే, తీవ్రమైన కష్టకర పరిస్థితి దాపురిస్తుంది. ప్రముఖంగా, టైఫాయిడ్ కు చికిత్స చేయకుండా అశ్రద్ధ చేస్తే జీర్ణ వ్యవస్థలో అంతర్గత రక్తస్రావం ఏర్పడడం,  ప్రేగు పడుట, సెప్సిస్, పేగుల్లో బెజ్జాలేర్పడడం, బహుళ అవయవ వైఫల్యం వంటి ప్రమాదకర పరిస్థితులు దాపురించి ప్రాణం మీదికొస్తుంది. అలా అశ్రద్ధ చేస్తే మరణం కూడా సంభవించే అవకాశం ఉందని వైద్యులు హెచ్చరిస్తున్నారు.

• అంతర్గత రక్తస్రావం
  టైఫాయిడ్ బ్యాక్టీరియా త్వరితగతిన పెరుగుతూ, విషాన్ని విడుదల చేస్తే, అది ప్రేగు గోడలను నాశనం చేస్తుంది. ఇది చివరికి అంతర్గత రక్తస్రావానికి దారితీస్తుంది. ఇలాంటప్పుడు, రోగి వ్యాధిలక్షణాలు శోషణ, శ్వాసలో కష్టం, పాలిపోయినట్లున్న లేత చర్మం (రక్త నష్టం వల్ల రక్తహీనత), క్రమరహిత హృదయ స్పందన, వాంతుల్లో రక్తం పడడం,  అంతర్గత రక్తస్రావం వలన రోగి మలంలో నలుపు చారాలేర్పడ్డం వంటివి ఉంటాయి. మీ అంతర్గత రక్తస్రావం సుదీర్ఘకాలం కొనసాగినట్లయితే మీరు కోల్పోయిన రక్తాన్ని భర్తీ చేయడానికి రక్త మార్పిడి అవసరం కావచ్చు. పేగుల్లో ఎక్కడ రక్తస్రావం జరుగుతోందో అక్కడ రక్తం నష్టాన్ని నివారించడానికి శస్త్రచికిత్స చేయడం అనివార్యం అవుతుంది.

• పేగుల్లో బెజ్జాలేర్పడ్డం (పెర్పొరేషన్)
  దీర్ఘకాలం చికిత్స తీసుకోని టైఫాయిడ్ రోగుల్లో పేగులకు రంధ్రాలు పడుట అనేది చాలా తీవ్రమైన సమస్య. పేగుల్లో బాక్టీరియా దీర్ఘకాలం చేరడం మరియు అవి వదిలే విషాల యొక్క నిరంతర స్రావం చివరకు ప్రేగు గోడలో రంధ్రాలు పడుటకు దారితీస్తుంది. అలా పేగుల్లో  రంధ్రాలేర్పడిన తర్వాత, పొత్తికడుపు యొక్క పొరలో (పెరిటోనియం) టైఫాయిడ్ బాక్టీరియా మరింత పెరుగుతుంది. పెరిటోనియం అనేది ఒక క్రిమిరహిత (సూక్ష్మజీవులు లేదా సంక్రమణం లేకుండా) అవయవము. పొత్తికడుపులో S. typhi బాక్టీరియా పెరుగుదల కారణంగా పదునైన కడుపు నొప్పి ఆకస్మికంగా వస్తుంది. ఈ లక్షణాలతో కూడిన అత్యవసరమైన వైద్య పరిస్థితి పొత్తికడుపులో పెరిటోనియంలో ఏర్పడుతుంది.

• కుళ్లకం/ విషసర్పణము​  
  రక్తప్రసరణ ద్వారా సూక్ష్మజీవులు పెరిటోనియం కు వ్యాప్తి చెంది విషసర్పణము అనే విషమ పరిస్థితి దాపురిస్తుంది. 

• అని పిలిచే ఒక పరిస్థితికి దారితీసే
  టైఫాయిడ్ లో భాగంగా భిన్నాంత్రోదరము (పెర్టోనిటిస్ లేదా ఉదర వాపు) తర్వాత బ్యాక్టీరియ రక్తప్రవాహం ద్వారా వ్యాప్తి చెందుతుంది. ఈ బాసిరియా వ్యాప్తి నే కుళ్లకం లేదా సెప్సిస్ దశ గా వ్యవహరిస్తారు.

• అనేకావయవాల వైఫల్యం
  టైఫాయిడ్ బ్యాక్టీరియా శరీరంలోని వివిధ భాగాలకు వ్యాపిస్తుంది. ఆ భాగాలే శోషరస గ్రంథులు (శరీరం నుండి విషాన్ని మరియు హానికరమైన అంటువ్యాధులు తొలగించడంలో సహాయపడే రోగనిరోధక వ్యవస్థ యొక్క భాగం), పిత్తాశయము, కాలేయం, ప్లీహము, మొదలైనవి. ఇలా టైఫాయిడ్ బ్యాక్టీరియా ఈ భాగాలకు వ్యాపిస్తే శరీరంలోని ఇతర అవయవాలకు కూడా దీని ప్రభావం సోకి ‘బహుళఅవయవాల వైఫల్యం’ ఏర్పడుతుంది. ఈ దశలో, రోగుల పరిస్థితి చాలా క్లిష్టమైనదిగాను, దయనీయంగాను ఉంటుంది. .

• మరణం
  ఈ దశలో బతికే అవకాశం చాలా అరుదు గా ఉంటుంది.  వైద్య శాస్త్రం ఎంత పురోగతి చెందినా ఈ దశలో వైద్యం సాయం చేసే అవకాశాలు చాలా తక్కువ. ఇది దురదృష్టకరమే. టైఫాయిడ్ జ్వరం విస్తృతమైనప్పుడు మరియు రోగి అన్ని రకాల చికిత్సలకు ప్రతిస్పందించకుండా ఉన్నప్పుడు, కొన్ని తీవ్రమైన సందర్భాల్లో ప్రాణాంతకమైన ఫలితం ఎక్కువగా ఉంటుంది. అందువల్ల టైఫాయిడ్ జ్వరాన్ని చాలా తేలికగా తీసుకోకూడదు, టైఫాయిడ్ జ్వరంతో ఉన్నామని తెల్సిన తక్షణం శ్రద్ధతో చికిత్స తీసుకోవడం ఉత్తమ మార్గం.

టైఫాయిడ్ యొక్క నివారణ 

టీకా మందు:టైఫాయిడ్ జ్వరం రాకుండా నివారించేందుకు వివిధ రకాల టీకా మందులు  అందుబాటులో ఉన్నాయి. అలాంటి టీకా మందుల్లో కొన్ని ఏవంటే:

• ఓరల్ టీకా
  ఓరల్ టీకా మందు ద్రవ సస్పెన్షన్ మరియు ‘ఎంటరిక్ పూత గుళికలుగా అందుబాటులో ఉన్నాయి. ఈ  టీకా మందును రోజు విడిచి రోజు మూడు మోతాదులు ఇవ్వబడుతుంది, అదనంగా, తర్వాతి మూడు సంవత్సరాల్లో, ప్రతి ఏడాదీ ఒక ‘బూస్టర్ డోస్’ ఇవ్వబడుతుంది. ఈ టీకా మందును గర్భిణీ స్త్రీలకు వాడకూడదు. కాప్సుల్/ప్యాకెట్ రూపంలో వచ్చే ఈ టీకామందును సురక్షిమైన త్రాగునీటితో ఇవ్వాలి.

• వి వ్యాక్సిన్ (Vi vaccine) సూది మందు
  ఇది ఒక సూది మందుగా చర్మానికి దిగువున లేదా ఇంట్రాముస్కులర్ గా (భుజం లేదా హిప్ కండంలో) ఒక మోతాదుగా ఇవ్వబడుతుంది. ప్రతి మూడేళ్లకూ మళ్ళీ మళ్ళీ (రివాక్సినేషన్) ఈ వి వాక్సిన్ ని తీసుకోవలసి ఉంటుంది.

రెండు సంవత్సరాలు అంత  కంటే తక్కువ వయస్సు గల చిన్నపిల్లల సంరక్షణకుపయోగపడే ఈ టీకా మందుల సరఫరాలో కొరత ఏర్పడుతూ ఉంటుంది.

ఇప్పుడు 9 నుండి 12 నెలల మధ్య వయసున్న శిశువుల కోసం, టీకా మందులు వేయడం జరుగుతోంది. ఇటీవల విడుదలైన ఈ నాల్గవ-తరం టీకా మందును శిశువుకు వేసిన నాటి నుండి పది సంవత్సరాల పాటు టైఫాయిడ్ రాకుండా రక్షణ కల్పిస్తుంది.

పర్యాటకులు టైఫాయిడ్ జ్వరానికి అత్యంత ప్రమాదభరితమైన ప్రాంతాలకు     (హై-టైఫాయిడ్ రిస్క్ ప్రాంతాలు-దక్షిణ మరియు ఆగ్నేయ ఆసియా, భారత ఉపఖండం, ఆఫ్రికా, దక్షిణ అమెరికా తదితరాలు) వెళ్లడానికి ముందు ఈ టీకాలు వేయించుకోవాలి.

టైఫాయిడ్ వ్యాధి వ్యాప్తి సమయంలో, వ్యాధి సోకినవారున్న ప్రాంతంలో టైఫాయిడ్ మరింతగా వ్యాప్తి చెందకుండా నివారించడానికి మొత్తం అక్కడున్నవారందరికీ టీకాలు వేయాలి.

జాగ్రత్తలు:

‘మురికి వాతావరణం వ్యాధులకు ఒక నిలయమ’న్న సత్యం అందరికీ తెల్సిందే. అందువల్ల, టైఫాయిడ్ మరియు ఇతర అంటురోగాలను నివారించడానికి మీరు చేయగలిగిన కొన్ని జాగ్రత్తల జాబితాను మీకిక్కడ  అందిస్తున్నాము.

• ఎల్లప్పుడూ సీలు చేయబడిన నీటిని, సీసా నీరు లేదా వేడి చేసిన (ఒక  నిమిషం పాటు వేడి చేసి) నీటిని త్రాగండి.
• మంచు నీటిని, మంచు పానీయాలను ఉపయోగించకుండా ఉండండి. సీసా నీటి నుండి తయారైన మంచు (ఐస్) గద్దలైతే సరే తాగొచ్చు.  
• వీధి విక్రయదారుల నుండి లేదా శుభ్రమైన నీటిని ఉపయోగించని అనుమానిత విక్రేతల నుండి రుచికరమైన ఐస్-క్యాండీలను తినడం మానుకోండి.
• పచ్చి కూరగాయలు లేదా పండ్లను బాగా కడిగి శుభ్రపరిచాకనే తినండి.
• మీరు పర్యాటకుడిగా ప్రయాణిస్తున్నట్లయితే, తినడానికి ముందు మీ చేతులను కడుక్కొనేందుకు మరియు టాయిలెట్ ను ఉపయోగించిన తర్వాత కూడా మీ చేతుల్ని కడుక్కునేందుకు ఒక సబ్బును వెంట ఉంచుకోండి. మీరు కొన్న పండ్లు, కూరగాయల్ని ఎల్లప్పుడు కడగడం మరువకండి, మరియు పీలర్ తో తొక్క తీసిన తర్వాతే వాటిని తినండి. వీధి విక్రేతలు మరియు రోడ్డుపక్క స్టాల్స్ నుండి ఆహారం కొనుగోలు మానుకోండి. మీ పర్యాటక మార్గంలో ఆకు కూరలను తినవద్దు, ఎందుకంటే వాటిని కడగడం కష్టం. మీరు చేతులు కడగడానికి పరిశుభ్రమైన నీటిని పొందలేకపోతే, ‘హ్యాండ్ స్యానిటైజర్’ తో చేతుల్ని కడుక్కోండి. అయితే మీరు ఎల్లప్పుడూ చేతులు కడుక్కోవడం మరియు కడగడం మంచిదన్నసంగతి మాత్రం గుర్తుంచుకోండి. .
• వ్యక్తిగత పరిశుభ్రత మరియు పారిశుద్ధ్యం నిర్వహించండి మరియు మీ పిల్లలకు అదే బోధించండి.
• ఎల్లప్పుడు మీ భోజనాన్ని బాగా ఉడికించాలి మరియు మీరు పర్యటనలో  ఉన్నపుడు వేడి ఆహారాన్ని మాత్రమే తినండి.

టైఫాయిడ్ జ్వరం కొరకు మందులు 

Medicine Name	Pack Size
Rite O Cef	Rite O Cef 100 Syrup
Extacef	Extacef DS Dry Syrup
Ciplox	Ciplox 100 Tablet
Ceftas	Ceftas 400 Tablet DT
Milixim	Milixim 100 Mg DS Syrup
Zifi	Zifi 100 Dry Syrup
Rite O Cef CV	Rite O Cef CV Tablet
Dexoren S	Dexoren S Eye/Ear Drops
Gramocef Cv	Gramocef-CV 100/62.5 Tablet
Taxim O	Taxim O 100 Tablet

• 
  
• 

టైఫాయిడ్‌ అనేది సాల్మొనెల్లా టైఫి బ్యాక్టీరియా ద్వారా సర్వసాధారణంగా సోకుతుంది. ఈ S.టైఫి త్వరితగతిన మరియు భారీసంఖ్యలో వృద్ధి చెందుతుంది. తీసుకున్న ఆహారం మరియు నీటినుండి ఈ బ్యాక్టీరియా ప్రేగునాళాల ద్వారా వ్యాపించి ప్రేగు గోడలలోకి చొచ్చుకొని పోయి రక్తంలో ప్రవేశిస్తుంది మరియు దీనిని మలం మరియు రక్తనమూనాల ద్వారా రోగ నిర్ధారణ చేయవచ్చు. పారిశ్రామిక నగరాలయొక్క పేదలుండే ప్రదేశాలలో మరియు సులభంగా నీరు కలుషితమయ్యే ప్రాంతాలలో టైఫాయిడ్‌ ఎక్కువగా ప్రబలుతుంది. కోస్తా తీర ప్రాంతాలలో నివశించే ప్రజలకు ఈ వ్యాధి ఎక్కువగా సోకుతుంది. అధికంగా పిల్లలపై మరియు 5మరియు 19సంవత్సరాల మధ్య వయసుగల యుక్తవయస్కులైన పిల్లలపై మరియు వయసు పైబడిన వృద్ధులపై మరియు రోగనిరోధక శక్తి కోల్పోయిన వ్యక్తులపై దీని ప్రభావం ఉంటుంది.

టైఫాయిడ్‌ వలన 104 డిగ్రీలF వరకు వదిలిపెట్టని జ్వరం, ముచ్చెమటలు, అతిసారం కలుగుతుంది మరియు కొంతమందిలో శరీరం మీద ఎర్రటి మచ్చలు ఏర్పడవచ్చును. లక్షణాలు ముదిరి స్పృహ కోల్పోవచ్చును. చికిత్స చేయకుండా వదిలివేస్తే ప్లీహం మరియు కాలేయం పెరగవచ్చును. ఈ సందర్భంలో, ఇది నాలుగు వారాల వరకు ఉంటుంది మరియు ప్రాణాంతకం కూడా కావచ్చును. కావున, ఈ వ్యాధి బారినపడిన వ్యక్తికి చికిత్సనందించే చర్యలు చేపట్టడం చాలా ముఖ్యం. 'చికిత్స కంటే నివారణే ఉత్తమం' అనే విషయం మనకు తెలిసిందే. ఇలాంటి భయంకరమైన వ్యాధులకు చికిత్సనందించే ప్రయత్నంకన్నా ఇవి ప్రబలకుండా నివారించటానికి తీసుకొనే చర్యలు ఎంతో సులువైనవి. దాదాపు 3%-5% మంది రోగులు తీవ్రంగా ఈ వ్యాధి బారినపడిన తర్వాత ఈ బ్యాక్టీరియాను వ్యాప్తిచేసే వాహకులవుతారు మరియు ఈ అంటువ్యాధి యొక్క నిధిగా వ్యవహరిస్తారు. వీరు తమ మలంలో ఈ బ్యాక్టీరియాను విడుదల చేస్తూ ఉంటారు. ఇది ఆహారాన్ని మరియు నీటిని కలుషితం చేస్తుంది మరియు ఈ వ్యాధి ఇతరులకు సంక్రమింపజేస్తుంది.

• టైఫాయిడ్ జ్వరములో స్టేజీలు :

ఫస్ట్ స్టేజ్ : ఈ సమయము లో తీవ్రమైన జ్వరము , నీరసము , తలనొప్పి , కడుపు నొప్పి, చర్మముపై దద్దుర్లు ఉంటాయి.

సెకెండ్ స్టేజ్ : బరువు తగ్గిపోవడము , జ్వరము , విరోచనాలు లేదా మందము , కడుపుబ్బడము ఉంటాయి.

థర్డ్ స్టేజ్ : 2-3 వారాలు చికిత్స లేని టైఫాయిడ్ లో మనిషి బాగా నీరసించి , అపస్మారక స్థితిలోనికి జారుకుంటాడు . పేలాపన , తీవ్రమైన జ్వరము ఉండి ... మరణానికి దగ్గరగా ఉంటాడు .

• రోగ నిర్ధారణ

* వైడాల్ పరీక్ష (Widal test) ద్వారా సాల్మోనెల్లా ప్రతిరక్షకాలను గుర్తించడం జరుగుతుంది.
* రక్తం మరియు మల పరీక్ష (Blood and Stool culture) ద్వారా సాల్మోనెల్లా క్రిములను ప్రయోగశాలలో వృద్ధిచెందించి గుర్తిస్తారు.

నివారణ వ్యాక్సిన్లు లభ్యమవుతున్నప్పటికీ, ఇవి 60-80%మాత్రమే సురక్షితం మరియు ముఖ్యంగా ఈ వ్యాధి ప్రబలినప్పుడు ఉపయోగపడతాయి. మలవిసర్జన తర్వాత మరియు ఆహారాన్ని హ్యాండిల్‌ చేసేముందు ఆరోగ్య సబ్బుతో మీ చేతులు కడుగుకోవటం అనేది ఈ అంటువ్యాధిని మరియు మరిన్ని ఇతర రోగాలను నివారించటానికి దోహదపడటంలో ఎంతో మేలు చేస్తుంది. బయటనుండి ఇంటికి వచ్చిన తర్వాత చేతులను కడుగుకోవటం కూడా చాలా ముఖ్యం. ఇలాంటి అలవాట్లు చిన్నతనం నుండే అలవడితే ఇంతకన్నా మంచిదేముంటుంది. మానవ మల మూత్రాలు ఆహారం మరియు త్రాగునీటితో కలిసిన ప్రదేశాలలో టైఫాయిడ్‌ ప్రబలుతుంది. సరిగ్గాలేని లేదా సక్రమంగా వండని ఆహారం మరియు పచ్చి ఆహారంను తినుట లేదా పచ్చిపాలను త్రాగుటవలన ఈ వ్యాధి విస్తరిస్తుంది. ముఖ్యంగా వర్షాకాలంలో మరియు ఈ వ్యాధి ప్రబలినప్పుడు త్రాగునీటిని తప్పనిసరిగా కాయాలి మరియు తెరచి ఉన్న పాత్రలనుండి త్రాగునీటిని త్రాగకుండా ఉండటం ఒక మంచి ఆలోచన అవుతుంది.

మీ చేతులను శుభ్రంగా ఉంచుకోవటం అనేది రోగాలకు దూరంగా ఉండే అత్యంత సులభమైన మార్గం. అసలు మిమ్మల్ని ఆరోగ్యకరంగా ఉంచే మంచి మార్గం. మిమ్మల్ని మీరు శుభ్రంగా ఉంచుకోవటం మరియు బ్యాక్టీరియా నుండి విముక్తి అవటం. సురక్ష ద్వారా తందురుష్టి.

మీ ఆరోగ్యానికి రక్షణ ఇస్తాయి ఒక మంచి హెల్త్‌ సోప్‌ మరియు మీ శుభ్రమైన చేతులు.

చేయవల్సినవి మరియు చేయకూడనివి
* పచ్చి లేదా సరిగ్గా వండని ఆహారానికి దూరంగా ఉండండి.
* వ్యాధిసోకిన వ్యక్తితో ఆహారాన్ని పంచుకోవద్దు.
* బయటినుండి వచ్చిన తర్వాత మరియు టాయ్‌లెట్స్‌ తర్వాత మంచి ఆరోగ్య సబ్బుతో మీ చేతులను మరియు ముఖాన్ని కడుక్కోండి.
* గోళ్లు కొరికే అలవాటును మానండి.
* యాక్టివ్‌ 5 లాంటి రక్షిత పదార్థాలను కలిగిన సబ్బు సాధారణ సబ్బుకు విరుద్ధంగా అదనపు రక్షణను ఆఫరు చేస్తున్నది.

చికిత్స : పెద్దవారికి ->

Tab.Ciprofloxin(500mg) +Tinidazole(600mg) -- combination two times/day for 7-10 days .
Tab.paracetamol 500mg three times / day for fever controle 7-10 days,
Rest for10 days.

1960 లో ఓరల్ రిహైడ్రేషన్‌ చికిత్స కనుగొన్న తర్వాత టైఫాయిడ్ జ్వరము , విరోచనాలు వలన చనిపోయేవారి సంఖ్య బాగా తగ్గిపోయినది . మంచి అధునాతన యాంటీబయోటిక్స్ అందుబాటులోనికి రావడము వలన దీని చికిత్స చాలా సునాయాసము అయిపోయినది . సమయానికి యాంటీబయోటిక్స్ వాడడము వలన సుమారు 99% మరణాలు నుండి బయటపడడము జరుగుతూ ఉన్నది .

సాదారణము గా సిఫ్రోఫ్లోక్షాసిన్‌ , 3వ తరము సెఫలోస్పోరిన్స్ బాగా పనిచేస్తాయి. 2 వారాలు పాటు చికిత్స చేయాలి .

• 
  

ధన్యవాదములు 🙏

మీ నవీన్ నడిమింటి

విశాఖపట్నం

9703706660

అస్వీకార ప్రకటన: ఈ సైటుపై లభ్యమవుతున్న మొత్తం సమాచారము మరియు లేఖనము కేవలం అవగాహనా ఆవశ్యకతల కొరకు మాత్రమే. ఇక్కడ ఇవ్వబడిన సమాచారమును ఏదైనా ఆరోగ్య సంబంధిత సమస్య లేదా అస్వస్థత నుండి కోలుకోవడానికి లేదా స్వస్థత కొరకు నిపుణుల సలహా లేనిదే ఉపయోగించుకోకూడదు. చికిత్స పరీక్షలు మరియు సేవల కొరకు ఎల్లప్పుడూ ఒక అర్హత పొందిన వైద్యుల సలహా తీసుకోవాలి.

పాదాలు ఫై ఆనెలు నివారణకు తీసుకోవాలిసిన జాగ్రత్త లు అవగాహనా కోసం లింక్స్ లో చూడాలి

ఆనెకాయలు నివారణకునవీన్ నడిమింటి సలహాలు అవగాహనా కోసం  - Calluses i

ఆనెకాయలు (Calluses) అంటే ఏమిటి?

ఆనెకాయలు (Calluses) అనేవి మన చేతులు మరియు కాళ్ళ చుట్టూ చర్మం పైన కఠినమైన చర్మంతోకూడిన మచ్చలు (patches). అవి కేవలం బాధించేటివీ మరియు అసౌకర్యమైనవే  కాదు, చూడడానికి కూడా ఆహ్లాదకరమైనవేం కాదు. ఆనెకాయలు ఓ తీవ్రమైన సమస్య కాదు, కానీ అవి వాటిని సులభంగా నివారించవచ్చు మరియు నయమూ చేసుకోవచ్చు.

ఆనెకాయలు మరియు ఆనెలు (corns) రెండూ ఒకటి కాదు. తరచుగా ఆనెకాయల్నే ఆనెలుగా వ్యవహరిస్తూ పొరపాటు పడటం జరుగుతోంది. ఆనెలు మరియు ఆనెకాయలు రెండూ కూడా ఘర్షణకు విరుద్ధంగా ఏర్పడే ప్రక్రియలో రక్షించుకోవడానికి చర్మపు కఠిన పొరలతో ఏర్పడ్డవే అయినా అనెకాయలు సాధారణంగా ఆనెల కంటే పెద్దవిగా ఉంటాయి. అనెకాయలు కేవలం ఆనెలు ఏర్పడేచోట్లలోనే కాక వేర్వేరు ప్రాంతాల్లో ఏర్పడతాయి మరియు అరుదుగా ఎప్పుడూ బాధాకరమైనవే.

ఆనెకాయల ప్రధాన సంకేతాలు మరియు లక్షణాలు ఏమిటి?

ఆనెకాయలు ముఖ్యంగా అడుగుల కింది అరికాళ్ళు లోని మడిమెల్లో (హీల్స్)  మరియు (పాదం బంతుల్లో) ముందు భాగంలో, అరచేతులు లేదా మోకాళ్లు; శరీరం భంగిమలు మరియు కదలికల నుండి కలిగే ఒత్తిడిని భరించే కేంద్రభాగాల్లో ఎక్కువగా ఏర్పడతాయి. అవి  సాధారణంగా ఈ క్రింది విధంగా కనిపిస్తాయి.

• గట్టి బుడిపె లాగా పైకి ఉబికి ఉంటాయి.
• గట్టిగా నొక్కినప్పుడు బాధాకరంగా ఉంటాయి. లేదా దాని ఉపరితలం క్రింద లోతులో సున్నితత్వంతో కూడిన నొప్పి కల్గుతుంది.
• చర్మంపై మందమైన చర్మంతో కూడిన కఠినమైన పాచ్ (మచ్చ)
• చర్మం మైనంలాగా,  పొడిగా మరియు పొరలు (పొలుసులు) గా కనిపిస్తుంది

ఆనెకాయలకు ప్రధాన కారణాలు ఏమిటి?

ఆనెకాయలకు ప్రధాన కారణం ఘర్షణ లేక రాపిడి. పాదాలకు ఈ ఘర్షణ లేదా రాపిడి ఎందుకు కలుగుతుందంటే:

• పాదరక్షలు చాలా గట్టివి (hard) లేదా చాలా బిగుతు (tight )గా ఉన్నవి వేసుకోవటంవల్ల
• కొన్ని సంగీత వాయిద్యాలను వాయించడం ద్వారా
• జిమ్ పరికరాలతో పని చేయడం
• బ్యాట్ లేదా రాకెట్ ను పట్టుకుని ఆడే క్రీడలో ఆడటంవల్ల
• దీర్ఘకాలంపాటు కలం (pen) వంటి వాటిని పట్టుంకుని రాయడం మూలంగా కూడా చర్మంపై కాయలు కాస్తాయి.
• తరచుగా చాలా దూరాలకు సైకిల్ లేదా మోటారుబైక్ పై స్వారీ
• బూట్లు తో పాటు మేజోళ్ళు (సాక్స్) ధరించకపోవడంవల్ల.
• కాలిబొటనవ్రేలి గోరుచుట్టు లేక మడమ శూలలు (Bunions) ,కాలిగోళ్ల వికృతరూపాలు లేదా ఇతర వైకల్యాలు ఆనెకాయల (calluses) ప్రమాదాన్ని పెంచుతాయి.
• కొన్నిసార్లు, శరీరభాగాలన్నింటికీ సరిపోని రక్త ప్రసరణ మరియు మధుమేహం వంటి పరిస్థితులు కూడా ఆనెకాయల్ని కలిగించవచ్చు.

ఆనెకాయల నిర్ధారణను ఎలా చేస్తారు మరియు దీనికి చికిత్స ఏమిటి?

ఆనెకాయలను (calluses) గుర్తించడానికి డాక్టర్ కు కేవలం ఓ సాధారణ పరిశీలన చాలు. ఆనెకాయలకు కారణమైన  వికృతం ఎదో కంటికి కనిపించకుండా శరీరంలోపల ఉందని అనుమానమొస్తే ఓ X- రే తీయించామని డాక్టర్చే మీకు సలహా ఇవ్వబడుతుంది.

చాలా తరచుగా, ఆనెకాయలు తమకు తాముగా అదృశ్యం అయిపోతాయి, లేదా కొన్ని సాధారణ గృహ చిట్కాల వంటి వాటి సంరక్షణతోనే సమసిపోతాయి. వైద్యులు సాధారణంగా అనేకాయల చికిత్సలో సూచించే ప్రక్రియలు కిందున్నాయి:

• పొడిగా తయారైన అదనపు చర్మాన్నితొలగించడం లేదా కత్తిరించడం.
• అనెకాయల్ని తీసివేయడానికి పొరలు (Patches) లేదా ఔషధాలు
• శాలిసిలిక్ ఆమ్లాన్ని (salicylic acid ) రాయడం ద్వారా ఆనెకాయల్ని  వదిలించుకోవటం
• ఘర్షణను తగ్గించడానికి మరియు మరింతగా ఆనెకాయలు ఏర్పడకుండా ఉండేందుకు షూ ఇన్సర్ట్ను (shoe inserts) ఉపయోగించడం
• ఏర్పడదగ్గ వైకల్యాన్ని నయం చేయదగ్గ సందర్భంలో శాస్త్ర చికిత్స
• ఆనెకాయలేర్పడ్డా చోట చర్మాన్ని నానబెట్టి మృదుపర్చడం, తేమమర్దనం చేయడం, పూమిక్ స్టోన్ లేదా ఎమెరీ బోర్డు ను ఉపయోగించి మృతచర్మాన్ని తొలగించడం.
• అన్ని సమయాలలో సాక్స్లతో చక్కగా అమర్చిన బూట్లు ధరించడం

ఆనెకాయలు కొరకు మందులు 

Medicine Name	Pack Size
Etaze SA	Etaze SA Lotion
Halozar S	Halozar S Ointment
Tripletop	Tripletop Ointment
Halobik S	HALOBIK S OINTMENT 15GM
Halosys S	Halosys S Lotion
Halosys S	Halosys S Ointment
Saliac	Saliac Face Wash
Salicylix	SALICYLIX 6% CREAM 50GM

ఆనెలు నివారణకు ఆయుర్వేదం లో నవీన్ సలహాలు 

                                         పాదాలలో ఆనెలు                            
 

            కలబంద గుజ్జు మీద పసుపు చల్లి ఆనెల మీద రుద్ది ఆ బిళ్ళను ఆనెల మీద పెట్టి దూది కప్పి ప్లాస్టర్  అంటించాలి.ఈ విధంగా రాత్రి పడుకునే ముందు 10,15 రోజులు చేస్తే ఆనెలు పూర్తిగా నివారింప బడతాయి.
 

2          దాక్చిన చెక్కను ఇనుప బాణలి లో వేసి బాగా మాడ్చి బూడిద లాగా చెయ్యాలి.చిటికెడు  బూడిదలో గురి గింజంత నీరు సున్నం కలిపి ఆనేలకు పట్టించాలి.
 

                              ఆనెల సమస్య --నివారణ                              
1.                        కలబంద గుజ్జు         -----కొద్దిగా
                           పసుపు పొడి          ----- 3 చిటికెలు

     కలబంద గుజ్జు మీద పసుపు పొడి చల్లి బిళ్ళగా ఆనెల మీద పెట్టి దూది కప్పి కట్టు కట్టాలి.  ఈ విధంగా   20 నుండి 40 రోజులు చేస్తే పూర్తిగా నివారింప బడతాయి.

2.                       దాల్చిన చెక్క పొడి               ----- కొద్దిగా
                          నీరు సున్నం                       ----- తగినంత

     దాల్చిన చెక్కను బాణలిలో వేసి నల్లగా బూడిద లాగా మారేంత వరకు వేయించాలి. దీనిలో నీరు సున్నం   కలిపి ఆనెలకు పట్టించాలి.

     సూచన:-- పై రెండింటిలో ఏదో ఒకటి మాత్రమే చెయ్యాలి.

                       ఆనెలు, పులిపిర్లు,కురిడీలు -- నివారణ                                 

     చేతుల వేళ్ళ మీద వచ్చే చిన్న గద్దల్లాంటి లేదా గుల్లల్లాంటి లేదా గట్టి రాళ్ళ వంటి వాటిని కురిడి కాయలు  అంటారు.

     అరటి పండు తిన్న తరువాత తొక్కను తీసి దాని అడుగు భాగాన వున్న తెల్లని పదార్ధాన్ని గుజ్జుగా చేసి  ఆనేల మీద, పులిపిర్ల మీద, కురిడి కాయల మీద పట్టించాలి.  ఆనేల పై పట్టించే ముందు వాటిని బ్లేడు తో కొద్దిగా గీకాలి తరువాత ఈ గుజ్జును దట్టంగా పట్టించి దూది కప్పి ప్లాస్టర్ వెయ్యాలి.

                                ఆనెలు--చర్మ కీలలు-- నివారణ                                

అతి మధురం పొడి                 --- ఒక టీ స్పూను
పెట్రోలియం  జెల్లి                   ----ఒక టీ స్పూను  ( వాజలీన్)

    రెండింటిని కలిపి ఆనేల మీద గీరి పూయాలి.

                                             ఆనెలు -- నివారణ                                    

  లక్షణాలు:--

    ఆనెలున్నపుడు నడకలో మార్పు వస్తుంది.  దీని వలన శరీర ఆకృతిలో మార్పు వచ్చి సమస్యలు
ఏర్పడతాయి.

కారణాలు:--    పాదం మీద ఒత్తిడి పడడం, బిగుతుగా వున్న లేక వదులుగా వున్న చెప్పులు ధరించడం వలన ఒరిపిడి  కలగడం  , సాక్స్ లేకుండా  షూస్ వేసుకోవడం  , పనిముట్లు ఎక్కువగా వాడేటపుడు అంటే చెప్పులులేకుండా మిషన్ తొక్కడం, కారు ఆక్సిలరేటర్ తొక్కడం వంటి వాటి వలన వస్తాయి.

     బూట్లు ధరించినపుడు లోపల వేళ్ళు కదిలించ గలిగే విధంగా వుండాలి
.
చేయవలసిన పనులు :--   ఆనేలున్నపుడు సముద్రపు ఒడ్డున వున్న ఇసుకలో నడిస్తే ఆ రాపిడికి నివారింప  బడతాయి
.
     స్నానం చేసేటపుడు పాదం మీద వేసి రుద్దుకోవాలి.

     ఒక టీ స్పూను కలబంద గుజ్జులో అర టీ స్పూను పసుపు పొడిని కలిపి ఆనెల మీద పెట్టి పాలిథిన్ పేపర్ ను తొడిగి పడుకోవాలి. ఉదయం వేడి నీళ్ళతో కడగాలి.  పది నిమిషాలు ఆగి ఆనెల మీద ఆముదం పూయాలి.

    కాళ్ళను త్రిఫల కషాయం లో నానబెట్టి ఫ్యూమిక్ రాయి తో రుద్దాలి.

    మెగ్నీషియం  సల్ఫేట్  నీళ్ళలో పాదాలుంచి  పేపర్ తో రుద్దాలి.

                       


          అతి మధురం పొడిని పెట్రోలియం  జెల్లి తో కలిపి ఆనెల మీద రుద్దితే తగ్గుతాయి.

               అరి కాళ్ళలో ఆనెలు -- పరిష్కార మార్గాలు         

          ఒత్తిడితో పాదాలు జీవం కోల్పోవడం వలన  గట్టిపడి  ఆనెలు ఏర్పడతాయి. వాటిలోపల ఇన్ఫెక్షన్ చేరినపుడు నొప్పి తెలుస్తుంది. ఇతరుల చెప్పులను వాడడం వలన కూడా ఆనెలు వచ్చే అవకాశం వున్నది.

 కెమికల్స్ కలిసివున్న  చెప్పులను వాడడం వలన కూడా వచ్చే  అవకాశం వున్నది.
 రాళ్ళలో నడిచినపుడు రాళ్ళ లోని  ఇన్ఫెక్షన్ వలన కూడా రావచ్చు,

 కాళ్ళను సరిగా శుభ్రం చేసుకోక పోవడం వలన కూడా రావచ్చు.
 

లక్షణాలు :-- నడవలేక పోవడం, నొప్పి, మంట వుంటాయి.
 

                                                పెద్ద పెద్ద ఆనేలకు అగ్నికర్మ చికిత్స
 

           పంచలోహాలతో తయారైన పరికరాన్ని వేడి చేసి దానితో కాపడం పెట్టాలి.
 

            ఉత్తరేణి మొక్కను సమూలముగా తెచ్చి కాల్చి బూడిదను సేకరించుకోవాలి.
 

ఉత్తరేణి బూడిద                       --- 50 gr

దాల్చిన చెక్క బూడిద              ----50 gr

నీరుసున్నం                           ---- 25 gr                          

ఆముదం                               ---- తగినంత
 

      అన్నింటిని పేస్ట్ లాగా కలిపి సీసాలో భద్ర పరచుకోవాలి.
 

       దీనిని రాత్రి పూట ఆనేలకు పట్టించి ఉదయం కడుగుతూ వుంటే సమస్య నివారింప బడుతుంది.

                            ఆనెలు ---చర్మ కీల హర చికిత్స                             

కారణాలు:-- చెప్పులు,  బూట్లు సరిగా సెట్ కాకపోవడం,  సాక్స్ వేసుకొని బూట్లు వేసుకోకపోవడం వలన వచ్చే
అవకాశం కలదు .

వంటసోడా                      ---- 30 gr
ప్రొద్దుతిరుగుడు నూనె       ---- 45 gr  ( లేదా వంట నూనె )
వెనిగర్                          ---- 10 ml

       ఒక పెద్ద పాత్రలో నీళ్ళు  పోసి కాచాలి .  ఆ నీటిలో స్క్రబ్బర్  ను ముంచి దానితో పాదాలను రుద్దాలి .
ఆ వేడి నీటిలో వంటసోడా ను కలిపి దానిలో పాదాలను  నీళ్ళు చల్లారేవరకు ఉంచాలి . ఈ లోగా ఒక చిన్న గిన్నెలో
నూనె ,  వెనిగర్  వేసి బాగా కలిపి పెట్టుకోవాలి .  బాగా రుద్దాలి .

      పాదాలను బయటకు తీసిన తరువాత స్క్రబ్బర్ తోరుద్ది తడి లేకుండా తుడవాలి . తరువాత నూనె,  వెనిగర్ ల
మిశ్రమాన్ని పోయాలి.

      ఈ విధంగా 30 రోజులు చేస్తే మంచి ఫలితం వుంటుంది

      వంటసోడా శరీరాన్ని మృదువుగా మారుస్తుంది .

                    ఆనేల  నివారణకు  అర్క లేపనం                      

జిల్లేడు పాలు                --- 50 gr
ఆముదం                     --- 50 gr
తేనేమైనం                    ---100 gr 

          తేనేమైనాన్ని కరిగించి వదపోసుకోవాలి .  దానిలో జిల్లెడుపాల ,  ఆముదం యొక్క మిశ్రమాన్ని కొద్ది , కొద్దిగా వేస్తూ
బాగా కలపాలి .కొద్ది సేపటికి ఆ మిశ్రమం చల్లబడుతుంది . దీనిని వెడల్పు మూత వున్న  సీసాలో నిల్వ చేసుకోవాలి .
         దీనిని ఆనేల మీద పోయాలి
         ఇది ఎన్ని సంవత్సరాలున్నా చెడిపోదు
                 
                             ఆనెలు    ---  నివారణ                               

   1.     పచ్చి జీడిపప్పు గంధాన్ని ఆనేల మీద నెల రోజులు పూస్తే తగ్గుతాయి
   2.     మామిడి ఆకులను ఎండబెట్టి కాల్చి భస్మం చేసి జల్లించి నిల్వ చేసుకోవాలి .
           తగినంత భస్మాన్ని తీసుకొని నీరు కలిపి మెత్తగా చేసి ఆనేల పై రుద్దాలి .
సూచన :   మెత్తని చెప్పులను వాడాలి .

• 
  

ధన్యవాదములు 🙏

మీ నవీన్ నడిమింటి

విశాఖపట్నం

ఫోన్ -9703706660

అస్వీకార ప్రకటన: ఈ సైటుపై లభ్యమవుతున్న మొత్తం సమాచారము మరియు లేఖనము కేవలం అవగాహనా ఆవశ్యకతల కొరకు మాత్రమే. ఇక్కడ ఇవ్వబడిన సమాచారమును ఏదైనా ఆరోగ్య సంబంధిత సమస్య లేదా అస్వస్థత నుండి కోలుకోవడానికి లేదా స్వస్థత కొరకు నిపుణుల సలహా లేనిదే ఉపయోగించుకోకూడదు. చికిత్స పరీక్షలు మరియు సేవల కొరకు ఎల్లప్పుడూ ఒక అర్హత పొందిన వైద్యుల సలహా తీసుకోవాలి.