Healthy Food Tips By Charakudu

చరకుడు చెప్పిన ఆహార నియమాలు:

1. భోజనం పరిమళ భరితంగా ఉండాలి ( నెయ్యి , నూనె వంటివి కలపడం వలన పరిమళం వస్తుంది )

2. భోజనం వేడిగా తాజాగా ఉండాలి

3. భోజనాన్ని అందమైన , ప్రశాంతమైన ప్రదేశం లో కూర్చుని భుజించాలి

4. భోజనం చేసే సమయం లో మాట్లాడకూడదు

5. క్రింద కూర్చుని మఠం వేసుకుని కూర్చుని భోజనం చెయ్యడం ఉత్తమం

6. సంతోషకరమైన మనస్సుతో , శాంతియుతంగా భోజనం చెయ్యాలి

7. ఎప్పుడూ నిర్ణీత సమయం లోనే భోజనం చెయ్యాలి . ( అందువలన బయోలాజికల్ క్లాక్ సక్రమంగా ఉంటుంది )

8. ఆహారం నెమ్మదిగా పూర్తిగా నమిలి తినాలి ( ఘన పదార్ధాలను త్రాగండి అంటారు . అంటే నోటిలోనే సగం నమలబడాలి . అందువలన లాలాజలం పూర్తిగా కలిసి , ముద్దా మింగడం సులువు అవుతుంది . పిండి పదార్ధాలు పూర్తిగా జీర్ణం అవుతాయి . కడుపులో ఊరే ఆమ్లాలకు లాలాజలం ( క్షారం ) విరుగుడు గా పనిచేస్తుంది .

9. ఆహార నియమాలను పాటించే వ్యక్తికి ఔషధాల అవుసరం ఏమి ఉంటుంది ? ఆహార నియమాలను పాటించని వ్యక్తికి ఔషధాలు ఏమి ఫలితాలను ఇవ్వగలవు ?

పధ్యే సతి గదార్తస్య కి మౌషద నిషేవనై:

వినాపి భేశాజేవ్యర్ది : పత్యాదేవ్ నివర్తత

న తు పథ్య విహీనస్య భేశాజానాం శథైర్యపి

అంటే రోగికి ఔషధాల అవుసరం లేకుండానే కేవలం నియమిత ఆహారం పాటించడం వలన వ్యాధులు దూరమవుతాయి .

రోగికి ఆహారం పై నియంత్రణ లేక పోతే మాత్రం అత్యుత్తమ మైన మందులు కూడా ఫలితాన్ని ఇవ్వలేవు అని అర్ధం .

షుగర్ వ్యాధి విషయం లో ఈ విషయాలు అందరికీ తెలుసు కదా !

చరకుడు ఇంకా ఇలా కూడా అన్నారు :-

ఆహారం జీఎవరాసులకు ప్రాణం . అందుకే ఈలోకం ఆహారం కోసం పరుగులు పెడుతుంది . మన చర్మ కాంతి , అందం , స్వరం , జీవితం , ప్రతిభ , సంతృప్తి , అధికారం , తెలివితేటలు అన్నీ ఆహారం మీదనే ఆధార పడి ఉంటాయి.