ఛాతీలో మంట ఆందోళన చిరాకు అనగా ఏమిటి? దానిని నివారించటం లేదా తగ్గించుకోవటం ఎలా?అవగాహనా కోసం నవీన్ నడిమింటి సలహాలు
ఛాతీలో మంట (Heartburn) దీనినే అసిడిటీ (acidity) లేదా ఆసిడ్ రిఫ్లెక్స్ (acid reflux) అని కూడా చెప్పవచ్చు. ఈ సమస్య ఉన్నవారు ఆహారం తీసుకున్న తర్వాత చాలా సమయం వరకు ఛాతీలో మంటగా ఉంటుంది, పుల్లటి త్రేన్పులు ఎక్కువగా వస్తుంటాయి మరియు గొంతులో అసౌకర్యంగా ఉంటుంది. (Heartburn) ఛాతీలో మంటకి గుండెకి సంబంధం లేదు, ఇది గుండె సంబంధ వ్యాధి కాదు. ఈ పరుగుల ప్రపంచంలో ఇంటి భోజనం తినడం రోజు అందరికీ కుదరదు అలాంటపుడు అందుబాటులో ఉన్న హోటల్స్ లోనో కాంటీన్లలో తింటారు. ఇలా బయట ఆహారం తినటం, సమయానికి భోజనం తినకుండా చిరుతిళ్ళు తినటం, సోడా వంటి పానీయాలు త్రాగటం, రోజు కాఫీ త్రాగటం లాంటి అలవాట్లు ఛాతీలో మంటకు కారణం.
![](data:image/svg+xml;charset=utf-8,<svg height="622px" width="932px" xmlns="http://www.w3.org/2000/svg" version="1.1"/>)
Contents
ఛాతీలో మంట/అసిడిటీ/జిఇఆర్డి (GERD) అంటే ఏంటి?
కడుపులో ఉండే ఆమ్లాలు (acids) అన్నవాహిక (esophagus)లోకి వచినప్పుడు కలిగే సమస్యనే మనం ఛాతీలో మంట లేదా అసిడిటీ అంటాము. పొట్ట లోపల ఉండే గ్రంధులు ఆమ్లం ఉత్పత్తి చేస్తాయి. ఈ ఆమ్లం మన ఆహారం జీర్ణం అవటానికి ఎంతో అవసరం. మనం ఆహారం తీసుకున్నప్పుడు మన కడుపులో ఉండే ఆమ్లం ఆహారం అరుగుదలకి ఉపయోగపడుతుంది. ఒక్కోసారి ఈ ఆమ్లాలు అధికంగా తయారై కడుపులో నుండి పైకి అన్నవాహికలోకి ప్రవేశిస్తాయి. అప్పుడు మనకి ఛాతీ నుండి గొంతు వరకు మంటగా అనిపిస్తుంది. ఇదే ఛాతీలో మంట అంటే. ఈ సమస్య తీవ్రంగా మారితే దాన్నే GERD (Gastroesophageal Reflux Disease) అంటారు. ఛాతీలో మంటని నిర్దారించుకోవటానికి వైద్యుని కలవాలి. వారు మొదట మీ లక్షణాలు విని తర్వాత ఎండోస్కోపీ చేస్తారు. అలా నిర్ధారిస్తారు.
అనవాహికలోకి ఆమ్లం ఎలా వెళ్తుంది:
అసలు కడుపులో ఉండే ఆమ్లాలు అన్నవాహికలోకి (esophagus) ఎలా వచ్చి చేరతాయి అనేది తెలుసుకుందాం. అన్నవాహిక అనేది మనం నోటి ద్వారా తీసుకునే ఆహారాన్ని కడుపులోకి తీసుకువెళ్తుంది. అప్పుడు అక్కడ ఉండే ఆమ్లాలు అది జీర్ణం అవటానికి తోడ్పడతాయి. ఇది మామూలుగా అందరిలో జరిగే ప్రక్రియ. అయితే ఒక్కోసారి ఈ అన్నవాహికలోని కండరాలు వదులుగా మారివచ్చు, అలాంటపుడు ఈ ఆమ్లాలు కడుపులో నుండి అన్నవాహికలోకి (Esophagus) వెళ్తాయి. అదే ఛాతీలో మంటకు కారణం.
అన్నవాహిక (Esophagus) కవాటం ఎందుకు వదులుగా మారుతుంది:
అసలు ఈ అన్నవాహిక లోపల కండరాలు ఎందుకు వదులుగా మారుతాయి, ఏ వయసులో వారిలో ఇది చూడవచ్చో తెలుసుకుందాం. మనం తీసుకునే క్రొవ్వు పదార్ధాలు, కాఫీలో ఉండే కెఫిన్, చాక్లెట్లు, ఐస్ క్రీంలు మరియు కూల్ డ్రింక్స్ దీనికి ముఖ్య కారణంగా చెప్పచ్చు. ఈ పదార్ధాలు తిన్నప్పుడు లేదా తాగినపుడు అక్కడి కండరాలు మెత్తబడి ఆమ్లం పైకి వస్తుంది. దీనినే అసిడిటీ లేదా ఆసిడ్ రిఫ్లెక్స్ అంటాం. ఇంకొక కారణం ధూమపానం. ప్రోగ తాగేవారిలో కూడా ఈ కండరాలు మెత్తబడి అవి మళ్ళీ మాములుగా అవటానికి చాలా సమయం తీసుకుంటాయి, అందుకే వారికి ఈ సమస్య వచ్చే అవకాశం అధికంగా ఉంది.
అలాగే గర్భిణీ స్త్రీలలో కూడా ఈ సమస్య ఎదురవుతుంది. వారిలో పిండం పెరిగే కొద్ది కడుపులో ఎక్కువ ఖాళీ ఉండదు. అపుడు ఈ ఆమ్లాలు అన్నవాహికలోకి చేరతాయి. అందుకే నెలలు నిండిన స్త్రీలు ఆహారం కొద్ది కొద్దిగా తీసుకోవాలి. పైన చెప్పినవి అన్నవాహిక వదులుగా మారటానికి గల కారణాలు.
అసిడిటీ ఉన్నవారిలో కనిపించే లక్షణాలు:
- పొట్ట పైభాగం నుండి గొంతులోకి అసౌకర్యం, మంటగా ఉంటుంది. ఇది ముఖ్య లక్షణం.
- గొంతు మరియు నోరు పుల్లగా మారటం.
- కొన్నిసార్లు దీని వలన దంతాలు కూడా రంగు మారతాయి.
- త్రేన్పులు రావటం, ఏమి తినకపోయినా త్రేన్పులు వస్తూ ఉంటాయి.
- పొట్ట ఉబ్బరంగా ఉండటం అంటే లోపల గ్యాస్ చేరి పొట్ట లావుగా ఉబ్బినట్టు ఉంటుంది.
- ఆహారం తిన్న తర్వాత వికారంగా అనిపించటం.
- తిన్న పదార్ధాలు బయటకి వస్తునట్టు అనిపించటం.
- పొట్ట పైభాగంలో నొప్పి రావచ్చు.
- ఛాతీలో మంటగా అనిపిస్తుంది.
- మింగటానికి ఇబ్బందిగా ఉంటుంది.
- గొంతులో పుండు ఉనట్టు లేదా గొంతులో గరగర అనిపిస్తుంది.
- పొడి దగ్గు వస్తుంది.
GERD కాన్సర్ వ్యాధికి దారి తీస్తుందా:
ఈ అసిడిటీ లేదా ఛాతీలో మంట అప్పుడప్పుడు వస్తుంటే ఆందోళన చెందాల్సిన పని లేదు. కానీ ఒక వారానికి రెండు సార్లు కంటే ఎక్కువగా వస్తుంటే వైద్యుని సంప్రదించాలి. మందులతో అదుపులోకి వస్తుంది. చాలా అరుదుగా కడుపులో పుండ్లు వచ్చి కాన్సర్ వ్యాధికి దారి తీయవచ్చు. అందరికీ ఇలా జరగదు అని గమనించాలి.
ఛాతీలో మంటకి గుండె నొప్పికి తేడా ఏంటి?
ఛాతీలో మంట అనేది కడుపులో నుండి మొదలై గొంతులోకి వస్తుంది, పుల్లటి త్రేన్పులు రావటం ఇలాంటి లక్షణాలు ఉంటాయి. గుండెలో నొప్పి పొట్ట పైభాగంలో ఎడమ పక్కన మొదలవుతుంది. అది మెడ భుజం వరకు కూడా పాకవచ్చు. ఊపిరి తీసుకోవటం కష్టంగా ఉండవచ్చు. ఇవి గుండె నొప్పి లక్షణాలు. మీకు రెండిటికి తేడా తెలియనపుడు వైద్యుని కలవటం శ్రేయస్కరం.
చికిత్స:
మందులు వాడటం వలన ఈ అసిడిటీ సమస్య అదుపులో ఉంటుంది. ఒకవేళ మందులకి తగ్గకపోతే ఆపరేషన్ చేసి ఆమ్లాలు అన్నవాహికలోకి రాకుండా చేస్తారు. దాని వలన ఉపశమనం లభిస్తుంది.
అసిడిటీ తగ్గటానికి సహజ మార్గాలు:
అసిడిటీ తగ్గటానికి చాలా మందులు అందుబాటులో ఉన్నాయి. అయితే రోజు వాటిని వాడటం వలన వేరే ఇబ్బందులు తలెత్తవచ్చు. మరి సహజంగా ఛాతీలో మంటని తగ్గించుకోవటం సాధ్యమేనా. అవును చాలా పద్ధతులు ఉన్నాయి సహజంగా చేసుకోదగినవి. వీటిలో కొన్ని చిట్కాలు మనం తెలుసుకుందాం
- యాలుకలు – మీరు అసిడిటీ సమస్య తగ్గాలంటే ఇంట్లో చేసుకోగల ఉపాయం ఇది. రెండు లేదా మూడు యాలుకలు మెత్తగా దంచి ఒక గ్లాస్ నీటిలో కలిపి మరిగించాలి. దీన్ని తాగటం వలన ఛాతీలో మంట నుండి ఉపశమనం లభిస్తుంది.
- ఇంట్లో ఉండే వాము, ఆవు నెయ్యి మరియు కండ చెక్కెర కలిపి ఒక చక్కటి ఔషధం తయారు చేసుకోవచ్చు. ఎలాగో చూద్దాం ఒక 100 గ్రాములు వాము తీసుకుని దోరగా వేయించి పొడి చేసుకోవాలి. తర్వాత 100 గ్రాములు కండ చెక్కెర కూడా మెత్తగా పొడి చెయ్యాలి. ఈ రెండిటిని తీసుకుని మరిగించిన 100 గ్రాములు ఆవు నెయ్యిలో కలిపాలి. చల్లారాక ఈ మిశ్రమాన్ని ఒక గాజు సీసాలో నిల్వ ఉంచుకోండి. రెండు పూటల భోజనానికి ఒక గంట ముందు దీన్నిఒక చెంచా తీసుకోవాలి. ఇలా చేస్తే అసిడిటీ అదుపులో ఉంటుంది. మెల్లమెల్లగా సమస్య తగ్గిపోతుంది. అందరూ సులభంగా ఇంట్లో చేసుకోవచ్చు. ప్రయత్నించి అసిడిటీ సమస్య నుండి విముక్తి పొందండి.
- నిమ్మకాయ, నల్ల ఉప్పు (బblack salt), జీలకర్ర పొడి, పసుపు వాడి అసిడిటీ ఎలా తగ్గించాలో చూద్దాం. ముందుగా ఒక నిమ్మకాయని కోసి సగం ముక్కని తీసుకుని పొయ్యి మీద కాల్చాలి. 30 సెకండ్స్ సమయం పట్టచ్చు.తర్వాత దీనికి పసుపు, నల్ల ఉప్పు, జీర పొడి పట్టించాలి. ఇప్పుడు ఈ నిమ్మకాయని తినాలి. నిమ్మకాయ సరిపడని వారు తినవద్దు. ఇలా చెయ్యటం వలన వెంటనే అసిడిటీ నుండి ఉపశమనం కలుగుతుంది. చేసుకోవటం కూడా చాలా సులభం.
- ఒక గ్లాస్ గోరు వెచ్చటి నీటిలో పసుపు కొంచెం ఉప్పు కలిపి తాగాలి. దీని వలన ఛాతీలో మంట త్వరగా తగ్గుతుంది.అధిక రక్త పోటు ఉన్నవారు దీన్ని రోజు తాగకూడదు.
- భోజనం తర్వాత ఒక అర గ్లాస్ నీటిలో కొంచెం వాము పొడి మరియు నల్ల ఉప్పు కలిపి తాగటం వలన వెంటనే అసిడిటీ నుండి ఉపశమనం ఉంటుంది లేదా అసిడిటీ రాకుండా చేస్తుంది.
- లవంగాలు – లవంగాలు పొడి దగ్గునే కాదు, ఛాతీలో మంటని కూడా తగ్గిస్తాయి. రెండు లేదా మూడు లవంగాలు నోట్లోనే ఉంచి చప్పరించాలి. ఆ రసం మింగేయాలి. దీని వలన అసిడిటీ తగ్గుతుంది. ఇది చాలా సులభ మార్గం. ఇంట్లోనే కాదు, బయట ఉన్నా కూడా చేయవచ్చు. ఉద్యోగస్తులు కూడా సులభంగా ఆచరించవచ్చు. మీతో పాటు ఎప్పుడూ కొన్ని లవంగాలు బాగ్ లో ఉంచుకోండి.
- తులసి ఆకులు – ప్రతి ఇంట్లో తులసి మొక్కలు విరివిగా ఉంటాయి. మీకు ఎప్పుడైనా ఛాతీలో మంట మొదలవగానే ఆరు లేదా ఏడు తులసి ఆకులు నమిలి తినేయాలి. బాగా ఉపశమనం ఉంటుంది. ఇది కష్టము కాదు ఖర్చు లేదు. పైగా ఎటువంటి ఇబ్బందులు రావు.
- జీలకర్రని నూరి పెట్టుకోవాలి. భోజనానికి ముందు ఇది ఒక చెంచా తిని అర గ్లాస్ నీరు తాగితే అసిడిటీ రాదు. జీలకర్ర ఆహారం జీర్ణం అవటంలో కూడా దోహదపడుతుంది.
నివారణ మార్గాలు:
- మిమ్మల్ని ఇబ్బంది పెట్టే పదార్ధాలు తినకూడదు.
- భోజనంలో అధిక శాతం కూరగాయలు రోజు ఉండేలా చూసుకోవాలి. ప్యాక్ చేసిన ఆహార పదార్ధాలు ఏవైనా ఎంత తక్కువగా తీసుకుంటే అంత మంచిది ఆరోగ్యానికి.
- ఆహారం ఒకేసారి ఎక్కువగా తినకుండా కొంచెం కొంచెంగా తినాలి. అపుడు ఈ సమస్య అదుపులో ఉంటుంది.
- పొగ త్రాగటం మానివేయాలి. లేదంటే ఈ సమస్య అలాగే కొనసాగుతుంది.
- ఊబకాయం మరొక ముఖ్య కారణం. బరువు తగ్గటం వలన అసిడిటీ కూడా తగ్గుతుంది. చాలా సమస్యలకు బరువు తగ్గటం అనేది అవసరం.
- మద్యపానం తాగటం మానివేయాలి లేదంటే అసిడిటీ తీవ్రత ఎక్కువ అవచ్చు.
- సమయ పాలన లేకుండా ఎప్పుడు పడితే అప్పుడు ఆహారం తినకూడదు.
- ఘాటైన మసాలా పదార్ధాలు తినటం తగ్గించాలి. ఇవి పుల్లటి త్రేన్పులు మరియు మంట కలగజేస్తాయి.
- వేపుడు కూరలు ఎక్కువగా తినకుండా ఉంటే మంచిది.
- పొట్టకి సంబందించిన కొన్ని రకాల వ్యాయామాలు చేసేటపుడు జాగ్రత్త వహించాలి. ఎందుకంటే వాటి వలన అసిడిటీ ఎక్కువ అవచ్చు. అందువలన మీకు తగినట్టు వ్యాయామాలు
- ఛాతి నొప్పి నివారణ కు నవీన్ నడిమింటి సలహాలు Chest Pain
- తరచుగా ఛాతీ నొప్పి అంటే భయపెట్టేదిగా ఉంటుంది. ఎందుకంటే ఇది గుండె పోటు మరియు ఇతర గుండె వ్యాధులకు దగ్గర పోలికల్ని కల్గి ఉంటుంది. ఛాతీ నొప్పి తేలికపాటి నొప్పి నుండి తీవ్రమైన నొప్పిగా కూడా వస్తుంటుంది. ఛాతీ నొప్పి ప్రాథమిక ఔషధాలతో తగ్గకపోతే వైద్య నిపుణులచేత దీనిని పరీక్ష చేయించుకోవాల్సిందిగా మీకు సిఫార్సు చేయడమైంది. మన ఛాతీలో గుండెతో పాటు అనేక అవయవాలు ఉన్నాయి. అవే కడుపు, ఊపిరితిత్తులు, క్లోమం లేదా (ప్యాంక్రియాస్) వృక్వము, పిత్తాశయం మొదలైన కండరాలు, పక్కటెముకలు, నరములు, మరియు చర్మం వంటివి. అందువల్ల, ఛాతీ నొప్పి పైన పేర్కొన్న అవయవాల నుండి ఉద్భవించగలదు. కొన్నిసార్లు, మీకొచ్చే ఛాతీ నొప్పి దానంతట అదే పోవచ్చు. కానీ అలా జరగకపోతే, అంటే నొప్పి అట్లాగే కొనసాగితే, మీరు వైద్యుల్ని సంప్రదించి వ్యాధి ఏమిటో నిర్ధారించుకోవడం చాలా ముఖ్యం. మీ దేహానికున్న అంతర్గత కారణాల ఆధారంగా మీ వైద్యుడు మీకు మందులు ఇచ్చి, జీవనశైలి మార్పులు సూచించి చికిత్స చేస్తాడు. లేదా, అవసరమైతే, శస్త్రచికిత్స కూడా చేస్తాడు.
- ఛాతి నొప్పి యొక్క రకాలు -
- ఛాతీ నొప్పిని క్రింది విధంగా వర్గీకరించవచ్చు:
- తీవ్రత ఆధారంగా:
- స్వల్పమైన ఛాతి నొప్పి అనేది సాధారణంగా వస్తుంది మళ్లీ వెళ్లిపోతుంది. ఈ రకమైన ఛాతి నొప్పి సాధారణంగా సహించుకోదగినదిగా ఉంటుంది.
- ఓ మోస్తరు నొప్పి ప్రారంభమవుతుంది, అటుపై మీరే పనులూ చేయకుండా మిమ్మల్ని క్షోభపెడుతుంది.
- తీవ్రమైన నొప్పి ఏమంటే నొప్పిని భరించలేకపోయినప్పుడు, ఇక తక్షణ వైద్య సంరక్షణ అనివార్యమైనప్పటి పరిస్థితి.
- వ్యాధి లక్షణం ఆధారంగా
- తీవ్రమైన నొప్పి - అధిక తీవ్రత కలిగిన పదునైన నొప్పి ఆకస్మికంగా ఛాతిపై దాడి చేస్తే దాన్ని ‘తీవ్రమైన నొప్పి’ అని పిలుస్తారు.
- నిస్తేజమైన నొప్పి- దీని యొక్క స్థాయి మితమైన నొప్పి నుండి తీవ్రంగా ఉండే నొప్పి. ఛాతి నొప్పి కల్గిన శరీర భాగాన్ని నొక్కనట్లైతే నొప్పి మరింత ఎక్కువవుతుంది.
- కత్తిపోటులాంటి నొప్పి: ఒక కత్తి మీ శరీరంలోకి దిగబడితే నొప్పి ఎంత హింసాత్మకంగా భరించలేనిదిగా ఉంటుందో అంత తీవ్రమైందిగా ఉంటుందీ ‘కత్తిపోటువంటి ఛాతి నొప్పి’. ఇది అధిక తీవ్రత మరియు భరించలేనిధిగా ఉంటుంది.
- బోరింగ్ నొప్పి-ఛాతిలోని లోతైన భాగాలలో సూదులతో పొడిచినట్లు భయంకర అనుభూతిని కల్గించే నొప్పినే బోరింగ్ నొప్పిగా వ్యవహరిస్తారు.
- సలిపే నొప్పి-కొట్టినట్లుండే చాతి నొప్పి లేదా ఛాతి యొక్క నాడీవ్యవస్థలో సలుపుతున్నట్లుంటే దాన్నే ‘సలిపే ఛాతి నొప్పి’ లేదా ‘త్రోబింగ్ నొప్పి’ అని పిలుస్తారు.
- మండుతున్నట్లుండే ఛాతి నొప్పి-బాధిత ఛాతి భాగంలో మండుతున్నట్లు నొప్పి కల్గితే దాన్నే మండే ఛాతి నొప్పి (బర్నింగ్ పెయిన్) అని వ్యవహరిస్తారు.
- సూదులతో పొడిచినట్లుండే నొప్పిని ‘టింగ్లింగ’ పెయిన్’ లేదా సూదులతో గుచ్చినట్లున్న నొప్పి లేదా సూదితో కుట్టినట్లున్న నొప్పి అని భావించబడింది.
- ఒత్తిడి నొప్పి-మీ శరీరం యొక్క బాధిత భాగం, అంటే ఛాతీ భాగంలో, నొప్పితో పాటు బిగుతుగా పట్టేసినట్లున్న భావన కానీ, లేదా ఛాతీ అంతటా నొప్పి అనిపిస్తే దాన్నే ఒత్తిడి నొప్పి లేదా సంపూర్ణనొప్పి అని పిలువబడుతుంది.
- స్థానం ఆధారంగా
- ఛాతీ ప్రాంతాన్ని ఎడమ, కుడి, మరియు మధ్యభాగాలుగా విభజించవచ్చు. నొప్పి ఈ ప్రాంతాల్లో ఎక్కడైనా రాగలదు.
- వ్యాపిస్తున్న ఛాతీ నొప్పి: ఛాతీ నుండి మెడ, దవడ లేదా భుజం వంటి ఇతర భాగాలకు వ్యాపిస్తుంది ఈ రకం ఛాతీ నొప్పి.
- వ్యవధి ఆధారంగా
- తీవ్రమైన నొప్పి కొద్దీ వ్యవధిలోనే ఛాతీలో ఆకస్మికంగా రావడం, ఇలాంటి ఆకస్మికం తీవ్ర నొప్పికి అత్యవసర వైద్య సాయం అవసరం.
- మీరు దీర్ఘకాలిక నొప్పిని, అంటే 3 నెలల కన్నా ఎక్కువ కాలం, నిరంతరం లేదా అప్పుడప్పుడూ ఎదుర్కొంటున్నప్పుడు.
- పునరావృత ఛాతీనొప్పి (లేదా ఎపిసోడిక్ నొప్పి): అప్పుడప్పుడు ప్రతిసారి నొప్పి అనుభవించినప్పుడు. ఇలా అప్పుడప్పుడు వచ్చే రెండు వరుస ఛాతీ నొప్పి ఎపిసోడ్ల మధ్య సమయం ఓ నిర్దిష్ట క్రమంగా లేదా క్రమరహితంగా ఉండవచ్చు. ఇలా వచ్చే ఛాతీ నొప్పి ఎపిసోడ్ల మధ్యకాలంలో ఆ వ్యక్తికి ఎలాంటి బాధ ఉండదు.
- విచ్చిన్నకర ఛాతీ నొప్పి: ఓ సుదీర్ఘమైన కాలం పాటు నిస్తేజమైన ఛాతీ నొప్పిని అనుభవించినప్పుడు, అది ఆకస్మికంగా వస్తుండి, పదునైన నొప్పిగా ఉంటుంది. ఒకిన్ని కాల వ్యవధుల్లో ఆకష్మికంగా తీవ్రమైన ఛాతీ నొప్పి గుంపులు గుంపులుగా వస్తే దాన్నే ‘విచ్చిన్నకర ఛాతీ నొప్పి’ గా పిలుస్తారు.
- హాని ఆధారితంగా ఛాతీ నొప్పి
- నోసిసెప్టివ్ నొప్పి
- ‘నోసిసెప్టివ్’ ఛాతీనొప్పి: అంతర్గత కండరకణజాలంలో జరిగే హాని కారణంగా ఛాతీలో కలిగే నొప్పి ఇది. ఛాతీ యొక్క ఉపరితల కణజాలం అయిన చర్మం, దాని అంతర్గత భాగాల్లో హాని జరిగినప్పుడు కలిగే ఛాతీ నొప్పి, దీనినే “శారీరక నొప్పి” అని కూడా పిలుస్తారు. ఛాతీ అంతర్గత అవయవాలైన ఊపిరితిత్తులలో, పిత్తాశయము, క్లోమము, గుండె వంటి వాటిలో హాని సంభవించినప్పుడు దాన్ని “విస్సురల్ పెయిన్” లేదా “అంతరాంగ ఛాతీ నొప్పి” గా పిలువబడుతుంది.
- నరాలసంబంధ నొప్పి
- ఛాతీ ప్రాంతానికి రక్తం సరఫరా చేసే నరంలో హాని సంభవించినప్పుడు కలిగే ఛాతీ నొప్పిని “నరాలకు సంబంధించిన ఛాతీ నొప్పి” అంటారు.
- మనోవ్యాధిజనిత ఛాతీనొప్పి
- మీరు తీవ్ర ఒత్తిడికి గురైనప్పుడు లేదా భావోద్వేగ సమస్యలను ఎదుర్కొంటున్నప్పుడు, ఛాతీ ప్రాంతంలో తరచుగా నొప్పి వస్తూ ఉంటుంది. ఈ నొప్పి సాధారణంగా ఆందోళన మరియు తీవ్ర భయాందోళనలకు సంబంధించినది. ఇది మానసిక నొప్పిగా లేదా ‘సైకోజెనిక్ పెయిన్’ గా పిలువబడుతుంది.
- మస్క్యులోస్కెలెటల్
- ఛాతీప్రాంతంలోని ఎముకలు మరియు కండరాలు దెబ్బతిన్నపుడు లేదా ఒక ప్రక్కటెముక విరిగిపోయినప్పుడు కలిగే ఛాతీ నొప్పినే ‘కండరాలు-ఎముకలకు సంబంధించిన’ ఛాతీ నొప్పి (మస్క్యులోస్కెలెటల్ పెయిన్) గా చెప్పబడుతుంది.
- ఛాతి నొప్పి అంటే ఏమిటి? అవగాహనా కోసం నవీన్ నడిమింటి సహాయం
- మీ మెడ నుండి (కడుపుకు దిగువనున్న) పక్కటెముకల మధ్యలో ఉన్న ఏభాగంలో నొప్పి వచ్చినా దాన్ని ‘ఛాతీ నొప్పి’ అని పిలుస్తారు. ఈ నొప్పి ఛాతిలో సంపూర్ణంగా ఉండచ్చు. ఇంకా, ఛాతీలో బిగుతుగా, పిండేసినట్లు, మండుతున్నట్లు లేదా ఛాతీలో ఒత్తిడితో కూడిన సంచలనం కూడా కావచ్చు. ఊపిరాడక పోవడం, అలసట, చెమట, వికారం, జ్వరం, చలి వంటి అనేక లక్షణాలు ఛాతి నొప్పితో ముడిపడి ఉంటాయి. కొన్ని తీవ్రమైన సందర్భాల్లో ఛాతీ నొప్పికి సంబంధించిన అనేక లక్షణాలు మరణానికి కూడా దారి తీస్తాయి. ఛాతీ నొప్పికి అనేక కారణాలు ఉంటాయి. కానీ వైద్యుడు మాత్రమే మీ ఛాతి నొప్పికి ఖచ్చితమైన కారణమేంటో చెప్పగలడు.
- ఛాతి నొప్పి యొక్క లక్షణాలు అవగాహనా కోసం నవీన్ సలహాలు -
- మేము పైన చెప్పినట్లుగా, మీరు అనుభవించే ఛాతీ నొప్పి వివిధ రకాలుగా ఉంటుంది. ఛాతీ నొప్పితో పాటు, మీరు క్రింది లక్షణాలను కూడా అనుభవించవచ్చు:
- ఛాతీ ప్రాంతంలో బిర్రబిగుసుతనం (బిగుసుతనం) లేదా పట్టేసినట్లున్నఅనుభూతి.
- ఛాతీ లో పూర్తిగా భారం అనిపించడం
- నొప్పి మెడ, దవడ లేదా భుజం ప్రాంతాలకు వ్యాపించడం
- ఛాతీ ప్రాంతంలో ఒత్తిడి భావన
- పెరిగిన హృదయ స్పందన లేదా పెరిగిన గుండె లయల రేటు
- భుజం నొప్పి
- వ్యత్యాసమైన హృదయ స్పందన: ఈ స్థితిలో గుండె వేగంగా, గట్టిగా, మరియు అక్రమపద్ధతిలో కొట్టుకుంటుంది.
- వికారం
- వాంతులు
- జ్వరం (ఫీవర్) లేదా చలి
- పసుపు-ఆకుపచ్చ కఫం లేదా శ్లేష్మంతో దగ్గు
- ఊపిరి ఆడని స్థితి
- తక్కువ (లో బ్లడ్ ప్రెషర్) లేదా అధిక రక్తపోటు
- చమటోడడం (డయపోరేసిస్) అనేది అమితంగా చమటలు పట్టడం. ఛాతీలో నొప్పి కారణంగానే ఇళ్ల ఎక్కువగా చమటలు పడతాయి.
- తలనొప్పి కూడా అనుభవించవచ్చు. కొన్ని సందర్భాల్లో, ఛాతీ నొప్పి కల్గిన వ్యక్తి తెలివి తప్పి పడిపోవచ్చు (స్పృహ తప్పటం) .
- సుస్తీ లేదా అలసట. అలసట వల్ల ఎలాంటి పని చేయలేక పోతారు.
- డాక్టర్ని ఎప్పుడు చూడాలి?
- మీరు క్రింది వ్యాధి లక్షణాలలో ఏదైనా సరే అనుభవించినట్లయితే, తక్షణమే వెళ్ళి డాక్టర్ని చూడండి. మీ పరిస్థితి తీవ్రంగా ఉంటే, మీ కుటుంబ సభ్యుల్లో లేదా స్నేహితుడికి చెప్పండి డాక్టర్ వద్దకు మిమ్మల్ని వెంటనే తీసుకెళ్లమని లేదా డాక్టర్ కు ఫోన్ చేసి వెంటనే పిలవమని చెప్పండి.
- ఛాతీలో బిగుతు లేదా పట్టేస్తున్నట్లు అనిపించే తీవ్రమైన నొప్పి.
- నొప్పి మీ మెడ, దవడ లేదా ఎడమ చేతికి వ్యాపిస్తుంది.
- శ్వాసలో సమస్యలు లేక ఊపిరాడక పోవడం.
- హఠాత్తుగా వచ్చే ఛాతీనొప్పి తీవ్రమైనదిగా ఉండచ్చు. మరియు మీ వైద్యుడు గతంలో సూచించిన ఔషధాలను తీసుకున్న తర్వాత కూడా ఛాతీ నొప్పి తగ్గకపోవడం జరగొచ్చు.
- మైకము, ఆందోళన, విపరీతంగా చెమట పట్టడం, గందరగోళం మొదలైనవి.
- నిరంతరంగా కొనసాగే ఛాతీ నొప్పి, తగ్గనే తగ్గకపోవడం జరిగినప్పుడు.
- పడుకున్నా, ముందుకు వంగినా కూడా ఉపశమనం పొందని ఛాతీ నొప్పి.
- చాలా తక్కువ రక్తపోటు లేదా అధిక రక్తపోటు.
- చలి పట్టడం లేదా జ్వరం, దగ్గినపుడు పసుపు-ఆకుపచ్చ రంగుల్లో శ్లేష్మం పడటం.
- ఛాతి నొప్పి యొక్క కారణాలు అవగాహనా కోసం నవీన్ సలహాలు -
- ఎందుకు ఛాతీ నొప్పి జరుగుతుంది?
- ఛాతీ ప్రాంతంలో ఊపిరితిత్తులు, గుండె, క్లోమం (పాంక్రియాస్), కడుపు, పిత్తాశయం, ఎముకలు, కండరాలు, నరములు మొదలైన అనేక అవయవ నిర్మాణాలు ఉన్నాయి. అందువల్ల ఛాతీ నొప్పి అనేది అంతర్గత పరిస్థితికి సంబంధించింది. పైన పేర్కొన్న అవయవాలకు ఏదైనా హాని, గాయము, సంక్రమణం, వాటిల్లో కణితి (గడ్డ) ఏర్పడినా లేదా ఇతరత్రా ఎలాంటి అసాధారణ మార్పులేర్పడ్డా కూడా ఛాతీనొప్పి రావచ్చు.
- గుండె సమస్యలు
- “ఆంజినా” అనే పదం ఛాతీలో వచ్చే పిండేసినట్లుండే నొప్పిని లేదా తీవ్ర ఒత్తిడితో కూడిన నొప్పిని నిర్వచించడానికి ఉపయోగించేది. అంతర్లీన గుండె సమస్యల కారణంగానే ఈవిధంగా ఛాతీలో నొప్పి సంభవిస్తుంది. ఆంజినా మరియు గుండెపోటు అనేవి రెండు వేర్వేరు విషయాలు. ఆంజినా సంభవిస్తే అది గుండె జబ్బు యొక్క సంకేతం, అయితే, గుండెపోటు (మయోకార్డియల్ ఇన్ఫార్క్షన్) అనేది తీవ్రమైన వ్యాధి, దీనికి అత్యవసర చికిత్స చేయకపోతే కూడా ప్రాణాంతకం కావచ్చు అంటే మనిషి వెంటనే చనిపొయ్యే ప్రమాదముంది.
- వాపు (ఇన్ఫ్లమేషన్)
- వాపు పరిస్థితిలో శరీరం యొక్క ఏదైనా భాగం లేదా అవయవం ద్రవంతో చేరి ఊడుకుపోవడం, అలాగే రోగనిరోధక వ్యవస్థ కణాలు లేదా విదేశీ శరీర విషపదార్ధాల కారణంగా వాపులేర్పడ్డం. హృదయాన్ని చుట్టుముట్టి ఉండే తిత్తిలో కూడా వాపు సంభవించవచ్చు. దీన్నే గుండె నంజు లేదా “పెరికార్డిటిస్” అని పిలుస్తారు, ఇది ఛాతీలో పదునైన నొప్పిని కలిగిస్తుంది. ఈ నొప్పి మెడ లేదా భుజం కండరాలకు వ్యాప్తి చెందే అవకాశం ఉంది.
- అంటురోగం (ఇన్ఫెక్షన్)
- కొంతమందిలో, అంటుకొనే బ్యాక్టీరియా క్రిములు గుండె కండరాలకు అంటుకుని అంటువ్యాధికి దారి తీయచ్చు. అటువంటివాటిల్లో ఒకటే ఈ గుండె ‘కండరాల క్రిమిదోష అంటువ్యాధి’ లేదా ‘అక్యూట్ బాక్టీరియల్ ఎండోకార్డిటిస్”. మీరు శ్వాస పీల్చినా, తుమ్మినా లేదా దగ్గినా ఛాతీ నొప్పికి కారణమవుతుంది.
- ప్రతిష్టంభన (అడ్డంకులు)
- రక్తంలో కొవ్వు (కొలెస్ట్రాల్) స్థాయిన ఎక్కువగా ఉంటే, గుండెకు రక్తము సరఫరా చేసే హృదయ ధమనుల గోడలపై కొవ్వు పేరుకుపోతుంది. అలా ధమనుల్లో కొవ్వు పెరిగి పెరిగి గుండెకు రక్త సరఫరాను అడ్డుకోవటానికి దారి తీస్తుంది. ఇది “హృద్దామని వ్యాధి’ లేదా “కొరోనరీ ఆర్టరీ” వ్యాధి గా పిలువబడుతుంది. ఈ వ్యాధిలో, ఛాతీ నొప్పి సంభవిస్తుంది. ఎందుకంటే మీ గుండె కండరాలకు ఆక్సిజన్ లభ్యత తగ్గిపోతుంది తద్వారా గుండె నొప్పికి కారణమవుతుంది. ఆ నొప్పి ఛాతీ లో ఒక కష్టతర పరిస్థితిని అంటే ఒత్తిడితో కూడిన సంచలనాన్ని కలిగిస్తుంది. ఈ ఛాతీ నొప్పి మెడ, దవడ, భుజం, లేదా చేతికి కూడా పాకుతుంటూ ఉంటుంది.(మరింత సమాచారం: అధిక కొలెస్ట్రాల్)
- హృదయ కండరాలకు హాని
- గుండె కండరాలకు తగినంత ఆక్సిజన్ సరఫరా కాకపోతే, ఇది గుండె కండరాలహానికి దారితీస్తుంది. ఇది జరిగినప్పుడు, ఆంజినా దశలో కలిగే నొప్పికి సమానమైన నొప్పి ఛాతీ మధ్యలో లేదా ఛాతీకి ఎడమ వైపున గాని సంభవిస్తుంది. ఇది ఆంజినా నొప్పి కంటే తీక్షణంగా ఉండి తీవ్రంగా పిండేస్తున్నట్టు లేదా అది మేస్తున్నట్టు ఉంటుంది.
- జన్యుపరమైన రుగ్మత
- కొన్ని జన్యుపరమైన అవ్యవస్థల్లో గుండె యొక్క ఒక భాగంలో కండరాలు చాలా మందంగా మారవచ్చు. ఇది వ్యాయామం చేసేటపుడు లేదా తీవ్ర శారీరక శ్రమ కల్గిన సమయంలో ఛాతీలో నొప్పికి కారణమౌతుంది. అంటే గాక ఊపిరాడక పోయే పరిస్థితిని కలుగజేస్తుంది. అలా గుండె కండరాల మందం అట్లే పెరుగుతూ పోతే గుండెకు రక్తం సరఫరాలో అంతరాయమేర్పడి గుండె పని చేయటం కష్టం అవుతుంది. ఫలితంగా, తరువాతి దశలలో, మైకము కమ్మడం, అలసట, మూర్ఛ మొదలైనవాటిని ఎదుర్కోవచ్చు. తీవ్రమైన సందర్భాల్లో, గుండెపోటు కూడా రావచ్చు.
- హృదయ నిర్మాణాలు పనిచేయకపోవడం
- కొన్నిసార్లు, గుండె యొక్క ఒకటి లేదా అంతకంటే ఎక్కువ నిర్మాణాలు సరిగ్గా పని చేయకపోవచ్చు. ఉదాహరణకు, మన గుండెకు ఎగువ మరియు దిగువ గదుల మధ్య రక్తాన్నిసరఫరా చేసే ప్రధాన రక్తనాళాల మధ్య కూడా కవాటాలు ఉన్నాయి. ఈ కవాటాలు రక్తం యొక్క అక్రమ ప్రవాహాన్న నిరోదించి రక్తం ఒక దిశలోనే ప్రవహిస్తుంచేందుకు సహాయ పడతాయి. ద్విపత్ర కవాట భ్రంశం లాగా ఒక కవాటం (వాల్వ్) పనిచేయకపోతే, అది పూర్తిగా మూసివేయదు, రక్తం సరఫరా చేయడానికి గుండె గదిలో తగినంత ఒత్తిడి ఉండదు. ఈ కావాలట భ్రంశం (ప్రోలప్స్) తేలికపాటిదిగా ఉంటే, వ్యాధి ఏ లక్షణాలను చూపించకపోవచ్చు. తీవ్రమైన కేసుల్లో వ్యక్తి ఛాతి నొప్పిని అనుభవిస్తాడు, ఇది ఇతర లక్షణాలైనటువంటి తీవ్ర హృదయ కంపనం, తలతిప్పడం, కళ్ళు తిరగడాలతో ముడిపడి ఉంటుంది.
- ధమని చినుగు
- కొన్ని సందర్భాల్లో, గుండె యొక్క ఒక ధమని (హృదయ ధమని) గోడ చినగొచ్చు. దీన్నే’హృదయ ధమని ఛేదనం’ లేదా “కొరోనరీ ఆర్టరీ డిసెక్షన్” అని పిలుస్తారు. బృహద్ధమని లేదా అవోర్తా-గుండె నుండి రక్తాన్ని శరీరానికి సరఫరా చేసే ప్రధాన రక్తనాళం. దీన్నే “బృహద్ధమని ఛేదనం” అంటారు. ఇది ఛాతీ కుహరంలో రక్తాన్ని నింపడానికి దారితీస్తుంది. ఈ రక్తస్రావం మరింత ఎక్కువవడంతో ఛాతీలో ఆకస్మికమైన తీవ్రనొప్పి ఏర్పడుతుంది. ఈ నొప్పి మెడ, మీద వెనుక లేదా ఉదరం (ఎముకలు మరియు పొత్తికడుపు మధ్య ప్రాంతం) లోకి కూడా తీక్షణంగా పాకుతుంది.
- ఊపిరితిత్తుల సమస్యలు
- వాపు
- మన ఊపిరితిత్తులను కప్పే కండర పొరను ‘ప్లుయెరా’ (pleura) అంటారు ‘ప్లుయెరా’లో ఏదైనా మంట పుట్టిందంటే అది కాస్త “పువురైటిస్’ అని పిలువబడే వాపుకు దారి తీయవచ్చు. ఈ ప్లుయెరా కండర పొరకు సంబంధించిన నొప్పి ఛాతీలో తీక్షణమైన నొప్పికి దారి తీస్తుంది. ఈ ఛాతీ నొప్పి శ్వాసిస్తున్నపుడు, దగ్గుతున్నపుడు లేదా తుమ్ముతున్నపుడు వస్తుంటుంది.
- ఇన్ఫెక్షన్
- కొన్నిసార్లు, మన ఊపిరితిత్తుల బ్యాక్టీరియా లేదా వైరస్ క్రిముల బారిన పడవచ్చు. ఇటువంటి పరిస్థితులలో మీరు ఛాతీ నొప్పిని అనుభవించవచ్చు, ఇది ప్లుయెరా కండర పొరకు సంబంధించిన నొప్పిని పోలి ఉంటుంది మరియు తుమ్మినపుడు, దగ్గినపుడు లేదా శ్వాసిస్తున్నపుడు ఛాతీలో రావడం జరుగుతుంది. న్యుమోనియాలో, ఛాతీ నొప్పి నిస్తేజంగా (dull) ఉంటుంది. ఈ ఛాతీ నొప్పి జ్వరం, దగ్గు, చలి వంటి ఇతర లక్షణాలతో సంబంధం కలిగి ఉంటుంది. కొన్నిసార్లు, దగ్గినప్పుడు శ్లేష్మంతో పాటుగా చీము కూడా వస్తుంది. .
- రక్తం గడ్డకట్టడం లేదా అడ్డుపడటం
- గడ్డకట్టిన రక్తం రక్తప్రవాహంలో ప్రవహించి ఊపిరితిత్తుల వరకు ప్రయాణించవచ్చు మరియు ఊపిరితిత్తులలోనే నిలిచిపోవచ్చు. ఈ రక్తం గడ్డకట్టడం అనేది పువురైటిస్’ లో లాగా కనిపించే తీవ్రమైన, పదునైన నొప్పికి దారి తీస్తుంది మరియు దగ్గినప్పుడు, తుమ్మినప్పుడు మరియు శ్వాసిస్తున్నపుడు ఈ నొప్పి వస్తుంటుంది. ఈ ఛాతీ నొప్పి కూడా జ్వరాన్ని కలిగించవచ్చు. తీవ్ర సందర్భాల్లో, వ్యక్తి షాక్ స్థితిని ఎదుర్కొంటాడు. ప్రాణాంతకమైన ప్రమాదకరమైన పరిస్థితి ఇది. ఈస్థితిలో తగినంత ప్రాణవాయువు శరీరానికి సరఫరా చేయబడక పోవడంతో వివిధ అవయవాలకు హాని కలగొచ్చు. రక్తం గడ్డ కట్టడం అనేది గడ్డను తొలగించేందుకు చేసే శస్త్రచికిత్స తర్వాత, లేదా లోతైన సిరలో రక్తం గడ్డకట్టడం వల్ల సంభవిస్తుంది.
- గాయం
- ప్రమాదవశాత్తు గాయం లేదా ఛాతీకి అకస్మాత్తుగా దెబ్బ తగిలినప్పుడు, ఛాతీ కుహరంలోకి గాలి చేరుతుంది. ఈ పరిస్థితినే “న్యుమోథొరాక్స్” అంటారు. ఇది ఆకస్మిక మరియు పదునైన నొప్పిని కలిగిస్తుంది, ఈ ఛాతీ నొప్పి తరచుగా తక్కువ రక్తపోటుతో సంబంధం కలిగి ఉంటుంది.
- అధిక రక్తపోటు
- గుండె యొక్క కుడి వైపుభాగం ఊపిరితిత్తుల నుండి రక్తం సరఫరాని పొందుతుంది. అందువల్ల, ఊపిరితిత్తుల ధమనులలో అధిక రక్తపోటు మూలంగా గుండె కుడి వైపున పనిలో ఒత్తిడి పెరుగుతుంది. దీన్నే ‘పల్మోనరీ హైపర్వెంటిలేషన్’ అంటారు. ఈ పరిస్థితిలో అనుభవించిన ఛాతీ నొప్పి ఆంజినానొప్పికి సమానంగా ఉంటుంది.
- వ్యాధి లేదా అలెర్జీ
- మీరు ఉబ్బసం వంటి వాయుమార్గ వ్యవస్థలో వ్యాధి లేదా అలెర్జీ ఉన్నట్లయితే మీరు ఛాతీ నొప్పిని కూడా అనుభవించవచ్చు. ఈ నొప్పి తరచుగా గుర్రుగుర్రుమని శ్వాసలో శబ్దం చేయడం, శ్వాస తీసుకోలేకపోవడం, ఆస్తమా, గురక మరియు శ్వాసక్రియలో అసౌకర్యం వంటి లక్షణాలని కలిగి ఉంటుంది.
- జీర్ణ వ్యవస్థ యొక్క సమస్యలు
- పుండ్లు (పూతలు)
- కడుపు గోడల పొరల్లో పుళ్ళు గనుక ఉంటే వాటినే ‘కడుపు పూతలు’ అని పిలుస్తారు. ఈ పుండ్ల కారణంగానే ఛాతీ ప్రాంతంలో నొప్పి మరియు తీవ్ర అసౌకర్యం ఎదుర్కొంటారు. నొప్పి తరచుగా తీవ్రమైందిగా ఉండి మంటతో కూడుకొని ఉంటుంది.
- గ్యాస్ట్రోఎసోఫాగియల్ రిఫ్లక్స్ వ్యాధి
- మీ కడుపులోనికి చేరిన ఆహారం తిరిగి అన్నవాహిక లోకి ఆమ్లంతో కలిసి ప్రవహించినట్లైతే తొందర కల్గుతుంది, ఈ తొందరనే “గ్యాస్ట్రోఎసోఫాగియల్ రెఫ్లక్స్” వ్యాధి (GERD) అని పిలుస్తారు. ఇలా కడుపులోని ఆమ్లాలు అన్నవాహికలోకి ప్రవేశించినపుడు ఛాతీ దిగువన కేంద్ర ప్రాంతంలో కడుపు నొప్పి, మంట, గుండె మంటను కలుగజేస్థాయి.
- అన్నవాహిక (ఎసోఫాగస్) సమస్య
- అన్నవాహిక (ఎసోఫాగస్) కండరాలలో సమస్య అన్నవాహిక (ఎసోఫాగస్) యొక్క కండరాలు ఏకకాలంలో సంకోచించకపోతే లేదా ఎక్కువగా సంకోచించినా ఛాతీ మధ్యలో నొప్పిని కలిగిస్తుంది. ఈ ఛాతీ నొప్పి సాధారణంగా ఆహారాన్ని తింటున్నప్పుడు ఆహారం గొంతులో దిగుతున్నపుడు మంట పుట్టి నొప్పి ఏర్పడుతుంది.
- వాపు
- మీ క్లోమము లేదా పిత్తాశయం వాపు కలిగి ఉంటే, అది చాలా ఛాతీ నొప్పిని కలిగిస్తుంది. క్లోమానికి సంబంధించిన నొప్పి అయితే చాతీకి ఎడమ వైపున నొప్పిస్తుంది. పిత్తాశయానికి సంబంధించినదైతే నొప్పి కుడి వైపున ఉంటుంది. ఇది ఛాతీ మధ్యలో కూడా నొప్పి వస్తుంది మరియు అదే శరీరం యొక్క ఇతర ప్రాంతాలకు కూడా వ్యాపించవచ్చు. నొప్పి పదునైనదిగాను మరియు తీవ్రమైనదిగాఉంటుంది. ముందుకు వంగడం ద్వారా క్లోమం నొప్పి నుంచి శమనం (రిలీఫ్) పొందవచ్చు. .
- హైపర్సెన్సిటివిటీ/అతిసున్నితత్వం
- కొన్నిసార్లు, అన్నవాహిక (ఎసోఫ్యాగస్) పై ఒత్తిడి లేదా ఆమ్ల (పులుపు) పదార్థాలు తాకిడి కాస్త ఎక్కువైనా అన్నవాహిక అతిసున్నితత్వంతో బాధాకరంగా మారవచ్చు. ఇలాంటి పరిస్థితినే అన్నవాహిక అతిసున్నితత్వం లేదా ఎసోఫాగియల్ హైపర్సెన్సిటివిటీ అని పిలుస్తారు.
- అన్నవాహికలో పగుళ్లు
- తీవ్రమైన వాంతుల సందర్భాల్లో లేదా ఏదైనా ఆపరేషన్ (శస్త్రచికిత్స) చేయించుకున్న తర్వాత, అన్నవాహిక ఛిద్రం అవచ్చు. అంటే పగలవచ్చు. ఇది ఛాతీ లో ఆకస్మికమైన మరియు పదునైన నొప్పికి కారణమవుతుంది.
- హెర్నియా (వరిబీజం)
- ఆహారం తిన్న తర్వాత పొట్ట తనకు తానుగా ఛాతీ దిగువ ప్రాంతంలోకి నెట్టివేయబడుతుంది. ఈ పరిస్థితిని వివరించడానికే ‘హియాటల్ హెర్నియా’ పదాన్ని ఉపయోగించడమైనది. దీన్నే ‘వరిబీజం దిగబడింది లేదా బుడ్డ దిగింది అంటారు. ఈ పరిస్థితి కారణంగా, ఛాతీలో భారం, నొప్పి, తీవ్ర అసౌకర్యం కలగొచ్చు.
- ఎపిగ్లోటిటీస్
- ఇది చాలా అత్యవసర పరిస్థితి. మీ బేబీ యొక్క శ్వాసనాళికకు అంతరాయం లేదా అడ్డు ఏర్పడడం. ఇలాంటి ప్రమాదకర పరిస్థితిలో శిశువు శ్వాస పీల్చలేకపోవడం, అధిక జ్వరం, ఛాతీ నొప్పి, చాలా విపరీతంగా గొంతు నొప్పి వంటి లక్షణాలుంటాయి ఈ లక్షణాలన్నీ మింగడంలో కష్టపడటానికి కూడా కారణం కావచ్చు.
- అస్థిపంజర కండర (మస్క్యులోస్కెలెటల్) సమస్యలు
- అస్థిపంజరం పక్కటెముకలలోని కండరాల్లో బెణుకు సంభవించినా లేదా పక్కటెముకలు విరిగినా ఛాతీ నొప్పి కలుగుతుంది. ఈ రకం నొప్పి పదునైనదిగా, తీవ్రమైనదిగా ఉంటుంది. మరియు నొప్పి గాయం లేదా ఎముక విరిగిన ప్రాంతంలోనే ఎక్కువగా ఉంటుంది. .
- ఛాతీ గోడల నొప్పి లేదా ‘కోస్టోకోండ్రిటిస్’ పరిస్థితి ఎలాంటిదంటే ఛాతీ ఎముకలను కలుపుతున్న కణజాలానికి వాపు ఏర్పడినపుడు అది తీవ్ర ఛాతీ నొప్పికి కారణమవుతుంది. ఛాతీ గోడల నొప్పి లేదా కోస్టోకోండ్రిటిస్ అనేది శిశువులలో సంభవిస్తుంది. ఈ నొప్పి పొడి దగ్గుతో కలిపి వస్తూ ఉంటుంది.
- నరాల సమస్యలు
- ఛాతీలోని నరాలకు గాయం లేదా అంటువ్యాధి సోకినపుడు వెన్నెముక ప్రాంతంలో గాని, రొమ్ము లేదా ఛాతీపై దద్దుర్లు (షింగిల్స్) ఏర్పడి ఛాతీలో నొప్పి రావడం సాధారణం. . ఛాతీపై దద్దుర్లు (షింగిల్స్గు) విషయంలో వరిసెల్లా-జోస్టర్ వైరస్ ద్వారా సంక్రమణం కారణంగా నరాలతో సంభవిస్తుంది. ఇది ఛాతీ, భుజం, మరియు వెనక భాగంలో తీవ్ర నొప్పిని కలిగిస్తుంది. తరచుగా నరాల పక్కన ప్రాంతంలో ఈ దద్దుర్లు (rashes) ఏర్పడుతుంటాయి.
- ప్రమాద కారకాలు
- క్రిందిచ్చిన కొన్ని కారకాలు ఛాతీ నొప్పికి లోనయ్యేలా చేస్తాయి.
- ధూమపానం.
- అధిక సురాపానం (సారాయి/ఆల్కహాల్ తీసుకోవడం).
- ఊబకాయం (అధిక బరువు)
- రోగనిరోధక వ్యవస్థలో లోపాలు కారణంగా అంటురోగాల భారిన పడేలా చేస్తుంది.
- రక్తంలోని సిరలలో ఉండే అధిక కొవ్వు (కొలెస్ట్రాల్) కారణంగా హృదయ ధమని నిరోధకత (coronary artery blockage) ప్రమాదాన్ని పెంచుతుంది.
- అధిక రక్తపోటు మన గుండె మీద మరింత శ్రమను పెంచుతుంది.
- శారీరక శ్రమ ఏమాత్రం లేకపోవడం లేక శారీరక శ్రమ తగినంత లేకపోవడం వల్ల గుండెపై ప్రతికూల ప్రభావం చూపుతుంది. శారీరక శ్రమ లేకపోవడం అనేది మొత్తం శరీరానికే ప్రతికూల ప్రభావం కలుగజేస్తుంది.
- అనారోగ్యకరమైన చిరు తిండ్లు (‘జంక్ ఫుడ్’) తినడం మూలాన గుండె సమస్యలు మరియు జీర్ణ వ్యవస్థకు సంబంధించిన సమస్యలను కలుగజేస్తాయి.
- ఛాతి నొప్పి యొక్క నివారణ నవీన్ నడిమింటి సలహాలు -
- జన్యుపరమైన లేదా అలెర్జీపరమైన కారణాలు మినహాయిస్తే ఛాతీ నొప్పిని కలుగజేసే మిగతా చాలా కారణాలను నివారించవచ్చు.
- ఛాతీ నొప్పి నివారణకు తీసుకోవాల్సిన చర్యల జాబితా కింది విధంగా ఉంది:
- వ్యక్తిగత పరిశుభ్రతను కాపాడుకోండి
- మీరు వ్యక్తిగత పరిశుభ్రతను సమర్థవంతంగా నిర్వహించినప్పుడు, న్యుమోనియా, క్షయవ్యాధి మొదలైన అనేక వ్యాధులను నిరోధించవచ్చు.
- ఆరోగ్యకరమైన సమతుల్య ఆహారాన్ని తీసుకోండి.
- ఆరోగ్యకరమైన శరీరం కల్గి ఉండాలంటే సరైన ఆహారం తినాలి మనం. బలమైన రోగనిరోధకత కేవలం ఒక రోజులోనే నిర్మించబడదు. ముఖ్యమైన నూనెలు, విటమిన్లు, ఖనిజాలు, కార్బోహైడ్రేట్లు మరియు ప్రోటీన్లు వంటి అవసరమైన కీలకమైన పోషకాలను ఎల్లప్పుడూ తినడం ద్వారా ఆరోగ్యకరమైన శరీరం మనదవుతుంది. హృదయసంబంధమైన వ్యాధులు, అధిక రక్తపోటు, గుండె ధమనుల్లో అడ్డుకోవడం, రక్తం గడ్డ కట్టుకుపోవడం మొదలైన రక్తనాళాల వ్యాధులను నివారించడానికి తక్కువ-కొవ్వున్న ఆహారం తీసుకోవడం చాలా అవసరం.
- మద్యం తీసుకోవడం పరిమితం చేయండి మరియు ధూమపానం ఆపండి
- ధూమపానం మానేసి సారాయి తాగడం పరిమితం చేసినట్లయితే అధిక రక్తపోటు, ఊపిరితిత్తుల, గుండె మరియు కాలేయ వ్యాధులను మరియు ధూమపానంతో సంబంధం ఉన్న క్యాన్సర్లను నిరోధిస్తుంది.
- మీకొచ్చిన జబ్బు అంటువ్యాధి అని అనుమానించినట్లయితే ఇంట్లో పుష్కలమైన విశ్రాంతి తీసుకోండి
- ఔషధసేవనంతో పాటు ఇంటివద్ద విశ్రాంతి తీసుకుంటే, మీ శరీరంలోని జబ్బు వేగంగా నయం అవుతుంది.
- కొన్ని మందు
- sorbitrate 10mg అనే టాబ్లెట్ ని ఎల్లప్పుడు దగ్గర ఉంచుకోండి
- (అందరికి అందుబాటులో ఉండాలని గవర్నమెంట్ దీన్ని 10పైసలకే ఇస్తుంది.కాని సరయిన ఆదరన లేక ఎవరికి తెలియదు).
- మెడికల్ షాప్లో కేవలం 2 రూపాయలకె లబిస్తుంది.
- గుండె నొప్పి వచ్చినప్పుడు ఈ టాబ్లెట్ ని వెంటనే నాలిక క్రింద పెట్టుకోండి.
- క్షణంలో హార్ట్ అటాక్ని ఆపేసి మరియు 2 గంటలవరకు రానివ్వకుండా చేస్తుంది.
- 2 గంటల తరువాత మల్లి హార్ట్ అటాక్ వస్తుంది ఆ లోపు హొస్పిటల్ కి వెళ్ళి జాయిన్ అవ్వొచు.
- దయచేసి ఇలా చేస్తే బ్రతుకుతారు..
- 2.-గ్యాస్ట్రిక్ పెయిన్ మంట నీకు తగ్గాలి అంటే
- సూతశేఖర రస అనుంటుంది ఆయుర్వేదిక్ మెడికల్ షాప్ lo. అది రెండు మాత్రలు వేస్కుని ఒక స్పూన్ అల్లం రసం +ఒక స్పూన్ తేనే కలుపుకుని తాగండి
- 3 - Acid Reflux kosam theliya cheyagalaru.. naaku chest lo manta laaga osthundhi appudappudu.. 3_4 times a day.. Kindly say*
- Stop drinking coffee/tea /alcohol and carbonated cool drinks.
- Avoid spicy and hot food.
- Eat only curd rice for 3-4 weeks.
- Meet Gastro entrologist for endoscopy of stomach .
- Yestimadhu tablet useful for your situation. But assessment of damage in stomach due to acid to be done first.
- Don't neglect it.it may turn to ulcers
- ధన్యవాదములు 🙏
- మీ నవీన్ నడిమింటి
- 9703706660
కామెంట్‌లు లేవు:
కామెంట్‌ను పోస్ట్ చేయండి