రోగ నిరోధక శక్తి పెరగాలంటే రోజూ ఇలా చేయాల్సిందే...అవగాహనా కోసం నవీన్ నడిమింటి సలహాలు
ఇమ్యూనిటీ సిస్టమ్‌ను పెంచుకోవాలంటే ఏంచేయాలో తెలుసుకుందాం. ఇమ్యూనిటీ శరీరంలో ఉంటే శరీరం వ్యాధులతో పోరాడుతుంది. మంచి ఆరోగ్యం కావాలంటే జీవన విధానం, పోషకాహారం ప్రధాన పాత్ర పోషిస్తాయి.
ఇమ్యూనిటీ ఉంటే చాలు ఎలాంటి జబ్బులు రావు. లేకపోతే ప్రతీ చిన్న సమస్యకు శరీరం సహకరించక జలుబు దగ్గులాంటివి వెంటాడుతుంటాయి. రోగనిరోధక శక్తి తగ్గడం వల్ల ఈ సమస్య వస్తోంది. మరి ఇమ్యూనిటీ సిస్టమ్‌ను పెంచుకోవాలంటే ఏంచేయాలో తెలుసుకుందాం. ఇమ్యూనిటీ శరీరంలో ఉంటే శరీరం వ్యాధులతో పోరాడుతుంది. మంచి ఆరోగ్యం కావాలంటే జీవన విధానం, పోషకాహారం ప్రధాన పాత్ర పోషిస్తాయి.
ఇమ్యూనిటీ పెరగాలంటే పొగతాగడం, మద్యం తాగడంలాంటి అలవాట్లు మానివేయాల్సి ఉంటుంది. ఇలాంటి అలవాట్ల వల్ల రోగనిరోధక శక్తి దెబ్బతింటుంది. త్వరగా ఆరోగ్యం పాడవుతుంది. స్మోకింగ్ చేస్తే ఎన్నో రకాల క్యాన్సర్ వ్యాధులు ఏర్పడే ప్రమాదం కూడా ఉంది. మద్యం కాలేయాన్ని దెబ్బతీస్తుంది. నీళ్లు శరీరంలోని విషపదార్థాలను బయటకు పంపిస్తాయి. కూరగాయల్లో కావల సినంతగా కాల్షియం, ఫైబర్, విటమిన్లు, ఖనిజాలు ఉంటాయి. ఇవి శరీరానికి కేవలం బలం ఇవ్వడమే కాదు రోగాలతో పోరాడే శక్తిని కూడా పెంచుతాయి.
ఆల్కలైన్ డైట్ తీసుకోవడం : పేరు చూసి ఏమిటో అనుకోకండి. ఆల్కలైన్ డైట్ అంటే తాజా పండ్లూ, కూరగాయలూ, సోయా ఉత్పత్తులూ, గింజలూ, పప్పు ధాన్యాలూ, మజ్జిగా, పెరుగూ ఆల్కలైన్ డైట్ లోకే వస్తాయి. ఈ డైట్ లోకి రానివి ఏమిటీ అంటే పాలూ, పాల పదార్ధాలూ (మజ్జిగా, పెరుగూ తప్ప), మాంసాహారం, ప్రాసెస్ చేసిన ఫుడ్స్. ఇవి తగ్గించి ఆల్కలైన్ డైట్ లో ఉన్న ఆహార పదార్ధాలు తీసుకోవటం పెంచితే సరైన ఆహారం తీసుకుంటున్నట్లే. ఈ ఫుడ్ డిసీజెస్ రాకుండా చేస్తుంది. పీహెచ్ లెవెల్స్ ని బాలెన్స్ చేసి ఇమ్యూనిటీని పెంచుతుంది. కారెట్, బీట్‌రూట్, ముల్లంగి, అల్లం, వెల్లుల్లి వంటివి కూడా ఆహారంలో చేర్చుకోవడం మర్చిపోవద్దు.
మన దగ్గర దొరికేవే తినడం : ఆహారం లో కంపల్సరీగా బత్తాయిలూ, నిమ్మ, వంటి విటమిన్ సీ ఎక్కువగా ఉండే ఫ్రూట్స్ ఉండాలి. వీటితో పాటూ ఎగ్స్, చికెన్ వంటి ప్రోటీన్ ఫుడ్స్ కూడా ఉండాలి. గ్రీన్ టీ, గోరు వెచ్చని నీరు వంటివి రోజువారీ తీసుకోవాలి. అసలు కావలసినంత నీరు తాగితే టాక్సిన్స్ అన్నీ బైటికి వెళ్ళిపోయి శరీరంలో రోగనిరోధక శక్తి పెరుగుతుంది. సీజనల్ ఫ్రూట్స్ తీసుకోవడం కంపల్సరీ. వేసవికాలం లో మామిడి పళ్ళూ, పుచ్చకాయలూ ఎలాగో వానాకాలంలో దానిమ్మలూ, యాపిల్స్, ఛెర్రీస్, పీచ్ పండ్లూ, సీతాఫలం అలాగా. దాంతో పాటు వానాకాలం, చలికాలంలో వేడి వేడి సూప్ తాగడం వల్ల పొట్టలో తేలిగ్గా ఉంటుంది, ఇమ్యూనిటీ కూడా పెరుగుతుంది. ప్రాసెస్ చేసిన, పాకెట్స్ లో దొరికే ఫుడ్ కంటే ఇంట్లో అప్పటికప్పుడు ఫ్రెష్ గా చేసుకునే ఫుడ్ లో పోషక విలువలు ఎక్కువగా ఉంటాయి.
ఒత్తిడి తగ్గించుకోండి : చేద్దామనుకుని ప్లాన్ వేసుకున్న పనులన్నీ ఎక్కడివక్కడ అగిపోయి ఉన్నాయి. దానికి తోడు వర్క్ ఫ్రం హోం. చాలా మందికి సగం జీతమే వస్తోంది. సగం జీతం వస్తోంది కాబట్టి సగం తిండి తినలేం కదా. దాంతో ఎక్కడ ఖర్చు తగ్గించుకోవాలో తెలీక పాట్లు పడుతున్నాం. ఇలాంటి పరిస్థితుల్లో ఒత్తిడికి గురవ్వకండి అని చెప్పటం తేలికే, ఆచరించడమే కష్టం. కానీ, ఒత్తిడి తగ్గించుకోలేకపోతే ఇమ్యూన్ సిస్టం వైరస్ తోనో, బాక్టీరియా తోనో ఫైట్ చెయ్యడం మానేసి ఒత్తిడి తో ఫైట్ చేస్తుంది. ఫలితం మనంతట మనమే డిసీజెస్ ని ఆహ్వానించినట్త్లు. వాకింగ్ కి వెళ్తారో, యోగా చేస్తారో... మీ ఇష్టం కానీ, వీలైనంత ఒత్తిడి తగ్గించుకోవడం అవసరం.
ప్రశాంతంగా నిద్రపోండి : లాక్ డౌన్ తరవాత చాలా మందికి నిద్ర అలవాట్లు మారిపోయాయి. లేట్ గా పడుకుని లేట్ గా లేవడం చాలా మందికి అలవాటైపోయింది. కానీ, ఇలా స్లీప్ సైకిల్ దెబ్బ తినటం వల్ల కూడా ఇమ్యూన్ సిస్టం బలహీన పడుతుంది. లాక్ డౌన్ ముందు మీకు అలవాటైన స్లీప్ టైమింగ్స్ నే ఇప్పుడు కూడా ఫాలో అవ్వండి. ప్రతి వ్యక్తి కీ ఆరు నుండి ఎనిమిది గంటల నిద్ర అవసరం. అది కూడా రాత్రి త్వరగా పడుకుని పొద్దున్న త్వరగా లేస్తే ఆరోగ్యం అన్న విషయం మర్చిపోకండి.
కరోనాకు ఆయుర్వేద మందులు.. నవీన్ నడిమింటి సలహాలు
ప్రపంచం మొత్తం ఇప్పుడు కరోనా వ్యాక్సిన్పై దృష్టి పెట్టింది. చాలా కంపెనీలు దానిపై పనిచేస్తున్నాయి. కొన్ని వ్యాక్సిన్ల ట్రయల్స్ కూడా మొదలయ్యాయి. అయితే, కేంద్ర ప్రభుత్వం ఆయుర్వేద మందులపైనా ఫోకస్ పెట్టింది. వాటితో కరోనాకు చెక్ పెట్టొచ్చా అన్న కోణంలో పరీక్షలు చేయడానికి రెడీ అయింది. ఓ ఐదు మందులపై ట్రయల్స్ చేసేందుకు కౌన్సిల్ ఆఫ్ సైంటిఫిక్ అండ్ రీసెర్చ్ (సీఎస్ఐఆర్)తో జట్టు కట్టింది. అశ్వగంధ, తిప్పతీగ (గుడిచి), యస్తిమధు, పీప్లి అనే నాలుగు ఆయుర్వేద మూలికలతో పాటు ఇప్పటికే తయారు చేసిన ‘ఆయుష్64’ అనే మందుపై ట్రయల్స్ చేయనుంది.
50 లక్షల మంది మీద ట్రయల్స్
మొదటి దశలో ఆరోగ్య సేతు యాప్ గుర్తించిన రిస్క్ ఎక్కువున్న జోన్లలోని హెల్త్వర్కర్లపై కేంద్రం ఈ ట్రయల్స్ మొదలుపెట్టనుంది. అంతేగాకుండా ఢిల్లీ, ముంబై, అహ్మదాబాద్, పుణే సిటీల్లోని 50 లక్షల మందిపై ట్రయల్స్ చేయబోతున్నట్టు తెలుస్తోంది. దాంతో పాటు కరోనా రాకుండా అడ్డుకునే ఆయుర్వేద మందులపైనా స్టడీ చేయనుంది. కరోనా పేషెంట్లకు తొలి దశలో అశ్వగంధను ఇవ్వనున్నారు. ఆ తర్వాత పేషెంట్కు ఉండే లక్షణాల తీవ్రత, రోగి శరీరం స్పందించే తీరుకు తగ్గట్టు ఇతర మందులనూ ఇస్తారు.
పిప్పలి: ఘాటుగా ఉండే ఇది శ్వాస ఇన్ఫెక్షన్లు, బ్రాంకైటిస్, సర్ది, దగ్గు, ఆస్తమా వంటి వాటికి మంచి మందుగా పనిచేస్తుంది. శరీరంలో రక్త ప్రసరణను బాగు చేస్తుంది. ఇమ్యూనిటీని మరింత శక్తిమంతం చేస్తుంది. నొప్పులనూ తగ్గిస్తుంది. వాతానికి పనిచేస్తుంది.
అశ్వగంధ: నేటి కాలంలో దీనిని సూపర్ఫుడ్గా చెబుతుంటారు. సర్ది, దగ్గు, ఇతర క్రిముల ఇన్ఫెక్షన్ నుంచి శరీరానికి రక్షణగా ఉంటుందీ ఆయుర్వేద మూలిక. సహజంగా మనకు ఇమ్యూనిటీ పెరగాలంటే రోజూ దానిని తీసుకోవాలని నిపుణులు సూచిస్తున్నారు. వైరల్ ఇన్ఫెక్షన్లతో వచ్చే ఒత్తిడి, అలసట వంటి వాటినీ ఇది తగ్గిస్తుందట. గుండెకూ మంచి చేస్తుంది.
తిప్పతీగ: దీన్ని మరణం లేని ఆయుర్వేద మూలిక అని పిలుస్తుంటారు. నొప్పులు, కేన్సర్, జ్వరానికి ఇది మంచి మందుగా పనిచేస్తుంది. అంతేగాకుండా ఒంట్లో విష పదార్థాలు లేకుండా చేసే యాంటీ ఆక్సిడెంట్గానూ, ఇమ్యూనిటీని పెంచే మందుగానూ పనిచేస్తుంది. శ్వాస, జీర్ణ సంబంధ సమస్యలకూ ఇది బెటర్ అని నిపుణులు చెబుతున్నారు.
ఆయుష్64: కేంద్ర ప్రభుత్వం ఈ మందును ప్రతిష్టాత్మకంగా తయారు చేయించింది. చాలా ఆయుర్వేద మూలికలన్నింటినీ కలిపి తయారైన మందు ఇది. మలేరియాను తగ్గించడంలో ఈ మందు బాగా పనిచేస్తున్నట్టు తేలింది. ప్రస్తుతం కరోనా పేషెంట్లకు క్లోరోక్విన్ మందునూ ఇస్తుండడంతో దీనినీ ట్రయల్స్ చేయాలని ప్రభుత్వం నిర్ణయించింది.
యస్తిమధు: ములేతి, లిక్కరైస్ అని పిలిచే తియ్యటి మూలిక ఇది. దగ్గు, జలుబు, ఫ్లూ వంటి వాటికి మంచి ఔషధమిది. నొప్పులు, వాతం రాకుండా చూస్తుంది. గొంతు చికాకును తప్పిస్తుంది. పుండ్లు తగ్గించే గుణాలపైనా స్టడీస్ జరుగుతున్నాయి.
ధన్యవాదములు
కామెంట్‌లు లేవు:
కామెంట్‌ను పోస్ట్ చేయండి